ក្រុមហាម៉ាស ដោះលែងចំណាប់ខ្មាំង២៤​នាក់, អ៊ីស្រាអែល ដោះលែងអ្នកទោសប៉ាឡេស្ទីន ៣៩នាក់

អ្នក​នាំ​ពាក្យ​ក្រសួង​ការ​បរទេស​កាតា​និយាយ​ថា មនុស្ស​២៤​នាក់ ​ដែល​ក្រុម​ហាម៉ាស​ចាប់​ជា​ចំណាប់​ខ្មាំង ​ត្រូវ​បាន​ប្រគល់​ទៅ​ឲ្យកាកបាទ​ក្រហមហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមអ្នក​នាំ​ពាក្យ​ ចំណាប់ខ្មាំងទាំងនោះ​រួម​មាន​ជនជាតិ​អ៊ីស្រាអែល១៣នាក់ ថៃ១០នាក់ និង​ហ្វីលីពីន​ម្នាក់។

ស្របពេលជាមួយគ្នានោះ អ៊ីស្រាអែលក៏បានដោះលែងស្ត្រី និងកុមារប៉ាឡេស្ទីនចំនួន ៣៩នាក់ ដែលធ្លាប់ជាប់គុកនៅអ៊ីស្រាអែលផងដែរ។

សូមបញ្ជាក់ជាថ្មី ប្រទេសអេហ្ស៊ីបនិងកាតា បានសម្រុះសម្រួលការដោះដូរនេះ ចំពេលមានការប្រយុទ្ធគ្នានៅហ្គាហ្សា។

ក្រុមហាម៉ាសបានយល់ព្រមដោះលែងស្ត្រីនិងកុមារចំនួន៥០នាក់ ដែលត្រូវបានឃុំឃាំងនៅក្នុងហ្គាហ្សា ក្នុងអំឡុងពេលនៃការផ្អាកបាញ់រយៈពេល៤ថ្ងៃ៕

ប្រែសម្រួល៖ Vann Vann

ប្រភព៖ NHK