ក្រុមហាម៉ាស ដោះលែងចំណាប់ខ្មាំង១២នាក់ទៀត ក្នុងនោះមានជនជាតិថៃ ២នាក់

កងកម្លាំងការពារអ៊ីស្រាអែលនិយាយថា ចំណាប់ខ្មាំងទាំង១២នាក់ ដែលត្រូវបានដោះលែងកាលពីថ្ងៃអង្គារទី២៨ខែវិច្ឆិកា ឥឡូវនេះស្ថិតនៅក្នុងទឹកដីអ៊ីស្រាអែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមអ្នកដែលត្រូវបានដោះលែង គឺមានជនជាតិអ៊ីស្រាអែល១០នាក់ និងថៃ ២នាក់។

សារព័ត៌មាន CNN ក៏បានឃើញឧទ្ធម្ភាគចក្រចំនួន៤គ្រឿង ចុះចតនៅតំបន់ Kerem Shalom ជាកន្លែងដែលចំណាប់ខ្មាំង ត្រូវបានគេរំពឹងថានឹងជួបជាមួយយោធាអ៊ីស្រាអែលផងដែរ។

ចំណាប់ខ្មាំង ក្នុងការដោះលែងមុនៗគឺត្រូវបានបញ្ជូនពី Kerem Shalom ទៅកាន់មន្ទីរពេទ្យ។

ការដោះលែងចុងក្រោយនេះ គឺស្ថិតក្រោមលក្ខខណ្ឌនៃបទឈប់បាញ់ដ៏ផុយស្រួយ ដែលបានបន្តដល់ថ្ងៃទី៣ខណៈ អ្នកសម្របសម្រួលក្នុងប្រទេសកាតា កំពុងធ្វើការដើម្បីពង្រីកបទឈប់បាញ់នេះ។

សហរដ្ឋអាមេរិក បានជំរុញឲ្យអ៊ីស្រាអែល ការពារជនស៊ីវិលប៉ាឡេស្ទីននៅហ្គាហ្សា ឲ្យកាន់តែប្រសើរ ប្រសិនបើខ្លួន ពិតជាបន្តសង្គ្រាមក្រោយបទឈប់បាញ់ដូចការសន្យាមែននោះ៕

ប្រែសម្រួល៖ Vann Vann

ប្រភព៖ AP, BBC

ចុចអាន៖ ចំណាប់ខ្មាំង ប៉ាឡេស្ទីន មួយចំនួនដែល អ៊ីស្រាអែល ដោះលែងធ្លាប់មាន ប្រវត្តិចាក់សម្លាប់មនុស្ស