ព័ត៌មានអន្ដរជាតិ

ព្រោះប្រហែសខ្លួន បុរសវៀតណាមម្នាក់បាត់បង់ជីវិតដោយសារតែឆ្កែខាំកដៃ

បានផុស

១ year មុន

នៅ

ថ្ងៃពុធ ២៩ វិច្ឆិកា ២០២៣

ដោយ

អ្នកស្រុកនៅ Dak Lak ត្រូវបានឆ្កែក្នុងស្រុកខាំកដៃខាងឆ្វេង និងត្រូវដេរចំនួន ៣ ថ្នេរ តែមិនបានទទួលថ្នាំបង្ការជំងឺឆ្កែឆ្កួត។ ប្រហែល៣ខែក្រោយមក មនុស្សម្នាក់នេះធ្លាក់ខ្លួនឈឺធ្ងន់រហូតដល់ស្លាប់ភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់មជ្ឈមណ្ឌលគ្រប់គ្រងជំងឺ (CDC) នៃខេត្ត Dak Lak បានឲ្យដឹងថា ខេត្តនេះទើបតែកត់ត្រាករណីនៃការស្លាប់របស់អ្នកជំងឺដែលសង្ស័យថាបណ្តាលមកពីជំងឺឆ្កែឆ្កួត។ ស្របពេលដែលអ្នកជំងឺនោះឈ្មោះ Y.L.B ភេទប្រុស កើតឆ្នាំ១៩៩១ មានទីលំនៅភូមិ Hoa Thang ក្រុង Buon Ma Thuot ។ តាមគ្រួសារអ្នកជំងឺបានឲ្យដឹងថា កាលពីប្រហែល៣ខែមុន អ្នកជំងឺត្រូវឆ្កែក្នុងផ្ទះខាំចំកដៃខាងឆ្វេងខាំ រហូតព្យាបាលហើយត្រូវដេរ៣ថ្នេរ តែមិនបានចាក់វ៉ាក់សាំងការពារជំងឺឆ្កែឆ្កួតទេ ។

មកដល់ថ្ងៃទី ២៣ ខែវិច្ឆិកា អ្នកជំងឺបានបង្ហាញពីរោគសញ្ញានៃការភ័យខ្លាចទឹក និងខ្យល់។ នៅថ្ងៃទី ២៦ ខែវិច្ឆិកា ក្រុមគ្រួសាររបស់អ្នកជំងឺបាននាំអ្នកជំងឺទៅកាន់មន្ទីរពេទ្យ Central Highlands General ដើម្បីពិនិត្យ និងព្យាបាលជាមួយនឹងរោគវិនិច្ឆ័យ តាមដានការវាយប្រហារដោយជំងឺឆ្កែឆ្កួត។

លុះដល់ថ្ងៃទី២៦ ខែវិច្ឆិកា គ្រួសារបានសុំអ្នកជំងឺទៅផ្ទះ ។ មួយថ្ងៃក្រោយមក អ្នកជំងឺបានស្លាប់ គេដឹងថានេះជាករណីស្លាប់ទីបួនដែលគេសង្ស័យថាកើតឡើងដោយសារជំងឺឆ្កែឆ្កួតនៅខេត្ត Dak Lak ក្នុងឆ្នាំ២០២៣។

ទោះយ៉ាងណាក៏ដោយ ដើម្បីទប់ស្កាត់ជំងឺឆ្កែឆ្កួត នាយកដ្ឋានឱសថបង្ការ ក្រសួងសុខាភិបាល ណែនាំឲ្យប្រជាពលរដ្ឋចាក់វ៉ាក់សាំងការពារឆ្កែ និងឆ្មាឲ្យបានពេញលេញ និងចាក់វ៉ាក់សាំងឡើងវិញជារៀងរាល់ឆ្នាំតាមការណែនាំ៕