ព័ត៌មានអន្ដរជាតិ
អ៊ីស្រាអែល-ហាម៉ាស យល់ព្រមបន្តបទឈប់បាញ់មួយថ្ងៃទៀត
កាលពីថ្ងៃព្រហស្បតិ៍ទី៣០ខែវិច្ឆិកា ប្រទេសអ៊ីស្រាអែលនិងក្រុមហាម៉ាស បានឈានដល់កិច្ចព្រមព្រៀងនៅនាទីចុងក្រោយ ដើម្បីពង្រីកបទឈប់បាញ់រយៈពេលមួយថ្ងៃថែមទៀត ដើម្បីឲ្យអ្នកចរចា បន្តធ្វើការលើកិច្ចព្រមព្រៀងដើម្បីផ្លាស់ប្តូរចំណាប់ខ្មាំងដែលឃុំខ្លួននៅហ្គាហ្សាជាមួយអ្នកទោសប៉ាឡេស្ទីន។
បទឈប់បាញ់នេះ បានអនុញ្ញាតឲ្យមានជំនួយមនុស្សធម៌ដែលត្រូវការជាចាំបាច់ ចូលទៅក្នុងតំបន់ហ្គាហ្សា បន្ទាប់ពីផ្នែកដ៏ធំនៃដែនដីមានប្រជាជន២.៣លាននាក់មួយនេះ ត្រូវខ្ទេចក្លាយជាផេះផង់ ដោយសារតែការឆ្លើយតបទៅនឹងការវាយលុកដ៏សាហាវ ដោយក្រុមសកម្មប្រយុទ្ធហាម៉ាស ចូលទៅក្នុងភាគខាងត្បូងប្រទេសអ៊ីស្រាអែលកាលពីថ្ងៃទី៧ខែតុលា។
យោធាអ៊ីស្រាអែល និយាយក្នុងសេចក្តីថ្លែងការណ៍មួយ ដែលចេញផ្សាយប៉ុន្មាននាទី មុនពេលបទឈប់បាញ់បណ្តោះអាសន្នត្រូវផុតកំណត់ថា “ដោយសារកិច្ចខិតខំប្រឹងប្រែងរបស់អ្នកសម្រុះសម្រួលដើម្បីបន្តដំណើរការនៃការដោះលែងចំណាប់ខ្មាំង និងអនុលោមតាមលក្ខខណ្ឌនៃក្របខ័ណ្ឌ ការផ្អាកបាញ់នឹងបន្តទៀត”។
ស្របពេលជាមួយគ្នានោះ ក្រុមហាម៉ាសដែលដោះលែងចំណាប់ខ្មាំង១៦នាក់ ជាថ្នូរនឹងអ្នកទោសប៉ាឡេស្ទីន៣០នាក់កាលពីថ្ងៃពុធ បាននិយាយនៅក្នុងសេចក្តីថ្លែងការណ៍ថា បទឈប់បាញ់នឹងបន្តសម្រាប់ថ្ងៃទី៧។
យោងតាមអ្នកនាំពាក្យក្រសួងការបរទេសមកពីប្រទេសកាតា ដែលជាអ្នកសម្របសម្រួលដ៏សំខាន់រវាងភាគីជម្លោះ រួមជាមួយអេហ្ស៊ីប និងសហរដ្ឋអាមេរិក បានអះអាងថា លក្ខខណ្ឌនៃបទឈប់បាញ់ គឺនៅតែដដែល៕
ប្រែសម្រួល៖ Vann Vann
ប្រភព៖ CNA
ចុចអាន៖ ក្រុមហាម៉ាស ដោះលែងចំណាប់ខ្មាំង១៦នាក់ទៀត នៅថ្ងៃទី៦នៃបទឈប់បាញ់
-
សេដ្ឋកិច្ច៦ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ៧ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៦ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច៧ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
ព័ត៌មានអន្ដរជាតិ១ សប្តាហ៍ ago
ទំនប់វារីអគ្គិសនីនៅស៊ូដង់បាក់ក្រោយភ្លៀងខ្លាំងបណ្តាលឱ្យប៉ះពាល់ផ្ទះ៥ម៉ឺនខ្នងនិង៦០ស្លាប់
-
សេចក្ដីជូនដំណឹង១៧ ម៉ោង ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានជាតិ១ សប្តាហ៍ ago
សម្ដេចតេជោ អំពាវនាវឱ្យចូលគ្រុបតេឡេក្រាម«មូលនិធិកសាងហេដ្ឋារចនាសម្ព័ន្ធព្រំដែនផ្តោតលើការកសាងផ្លូវក្រវាត់ព្រំដែន»
-
សន្តិសុខសង្គម១ សប្តាហ៍ ago
ស្នងការរាជធានី នឹងបញ្ជូនខ្លួនលោក ស៊ុន ហួរ ទៅតុលាការនៅរសៀលថ្ងៃទី២៧សីហានេះ