ព័ត៌មានអន្ដរជាតិ
ណាតូ ឲ្យប្រទេសលោកខាងលិច ត្រៀមខ្លួនទទួលដំណឹងអាក្រក់ ពីអ៊ុយក្រែន
អគ្គលេខាធិការអង្គការណាតូ លោក Jens Stoltenberg បានបញ្ជាក់កាលពីថ្ងៃអាទិត្យ ទី៣ ខែធ្នូថា យោធាអ៊ុយក្រែន មិនទទួលបានជោគជ័យជាដុំកំភួនណាមួយសោះ នៅលើសមរភូមិក្នុងរយៈពេលប៉ុន្មានខែកន្លងមកនេះ ប៉ុន្តែប្រទេសលោកខាងលិច គួរតែបន្តគាំទ្រប្រទេសនេះបន្ថែមទៀត ប៉ុន្តែទោះជាយ៉ាងណា យើងក៏ត្រូវតែត្រៀមខ្លួនទទួលដំណឹងអាក្រក់ណាមួយផងដែរ ។
កាលពីដើមសប្តាហ៍នេះ លោក Stoltenberg បានព្រមានថា ទីក្រុងមូស្គូ បាននិងកំពុងចល័តមីស៊ីលមុនរដូវរងា ខណៈក្រុមហ៊ុនផលិតសព្វាវុធរុស្ស៊ី កំពុងប្រតិបត្តិការនៅលើមូលដ្ឋានសង្រ្គាម។
ក្នុងបទសម្ភាសជាមួយប៉ុស្តិ៍ទូរទស្សន៍ Das Erste របស់ប្រទេសអាល្លឺម៉ង់ លោក Stoltenberg ទទួលស្គាល់ថា “ខ្សែត្រៀមជួរមុខក្នុងប្រទេសអ៊ុយក្រែន នៅតែមិនផ្លាស់ប្តូរខ្លាំងឡើយ, សង្រ្គាមពិតជាពិបាកក្នុងការរៀបចំផែនការ។ យើងត្រូវតែត្រៀមខ្លួនសម្រាប់ព័ត៌មានអាក្រក់។ សង្គ្រាមដើរជាដំណាក់កាល ប៉ុន្តែយើងត្រូវតែឈរក្បែរអ៊ុយក្រែនក្នុងពេលល្អ និងក្នុងពេលអាក្រក់ដូចគ្នា”។
នៅពេលត្រូវបានសួរថា តើទីក្រុងកៀវគួរធ្វើអ្វីក្នុងពេលនេះ ខណៈពេលអ្នកគាំទ្ររបស់ខ្លួន បានបង្កើនសមត្ថភាពផលិតអាវុធ? លោក Stoltenberg ឆ្លើយថា លោកនឹងឲ្យថ្នាក់ដឹកនាំ និងមេបញ្ជាការយោធាអ៊ុយក្រែន ធ្វើការសម្រេចចិត្តលើប្រតិបត្តិការទាំងនេះ។
ងាកទៅកាលពីដើមសប្តាហ៍មុន បន្ទាប់ពីកិច្ចប្រជុំរបស់រដ្ឋមន្ត្រីការបរទេសណាតូ នៅទីក្រុងព្រុចសែល លោក Stoltenberg ព្រមានថា “រុស្ស៊ីបានរៀបចំស្តុកមីស៊ីលដ៏ធំមួយនៅមុនរដូវរងា ហើយយើងឃើញការប៉ុនប៉ងថ្មីដើម្បីវាយប្រហារបណ្តាញថាមពល និងហេដ្ឋារចនាសម្ព័ន្ធថាមពលរបស់អ៊ុយក្រែន”។
យោងតាមការប៉ាន់ប្រមាណចុងក្រោយរបស់ក្រសួងការពារជាតិរុស្ស៊ី ការវាយបករបស់ទីក្រុងកៀវ ដែលចាប់ផ្តើមនៅដើមខែមិថុនា បានបណ្តាលឲ្យកងទ័ពអ៊ុយក្រែន ស្លាប់និងរបួសជាង ១២៥,០០០ នាក់ គិតត្រឹមថ្ងៃទី១ខែធ្នូ ។ ទោះបីជាយ៉ាងណាក៏ដោយ នេះគ្រាន់តែជាការសន្និដ្ឋានពីរុស្ស៊ីតែម្ខាងប៉ុណ្ណោះ ខណៈអ៊ុយក្រែន មិនបញ្ជាក់ពីរបាយការណ៍ណាមួយនោះទេ៕
ប្រែសម្រួល៖ Vann Vann
ប្រភព៖ RT
ចុចអាន៖ លោក Stoltenberg ថា ជ័យជម្នះរបស់ អ៊ុយក្រែន លើ រុស្ស៊ី ជាផល ប្រយោជន៍របស់ ណាតូ
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ