បេសកកម្មរកដើមកំណើតជំងឺកូវីដ១៩របស់ WHO នៅប្រទេស ចិន បញ្ជាក់អំពីការរកឃើញរបស់ខ្លួន

ក្រុមអ្នកជំនាញអន្តរជាតិដែលកំពុងស៊ើបអង្កេតរកដើមកំណើតនៃជំងឺកូវីដ១៩ បានច្រានចោលទ្រឹស្តីមួយដែលថា វីរុសនេះគឺកើតចេញពីមន្ទីរពិសោធន៍មួយនៅក្នុងប្រទេសចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Peter Ben Embarek ប្រធានបេសកកម្មរបស់អង្គការសុខភាពពិភពលោក (WHO) បាននិយាយថា វាមិនទំនងទាល់តែសោះដែលថាវីរុសនេះ កើតចេញពីមន្ទីរពិសោធន៍មួយនៅក្នុងទីក្រុង Wuhan។

លោកនិយាយថា យើងត្រូវការការងារជាច្រើនទៀតដើម្បីកំណត់រកប្រភពនៃវីរុសនេះ។

ទន្ទឹមនោះ អ្នកជំនាញម្នាក់បានឲ្យដឹងថា ការស៊ើបអង្កេតពេលនេះអាចផ្តោតលើតំបន់អាស៊ីអាគ្នេយ៍វិញ។

បច្ចុប្បន្ន ក្រុមរបស់ WHO ជិតបញ្ចប់បេសកកម្មស៊ើបអង្កេតរបស់ពួកគេហើយ។

ទីក្រុង Wuhan ក្នុងខេត្ត Hubei ភាគកណ្តាលប្រទេសចិន គឺជាកន្លែងដំបូងគេនៅលើពិភពលោកដែលត្រូវបានគេរកឃើញវីរុសនេះកាលពីឆ្នាំ២០១៩។

ក្រុមអ្នកជំនាញជឿជាក់ថា វីរុសនេះទំនងជាមានដើមកំណើតចេញពីសត្វ មុនពេលឆ្លងរាលដាលដល់មនុស្សប៉ុន្តែពួកគេមិនច្បាស់ថាតើវាឆ្លងតាមរបៀបណានោះទេ។

លោកវេជ្ជបណ្ឌិត Embarek បាននិយាយទៀតថា ការងារដើម្បីកំណត់រកប្រភពដើមនៃជំងឺកូវីដ១៩ បានចង្អុលបង្ហាញទៅសត្វប្រចៀវ ប៉ុន្តែវាមិនទំនងទេដែលថា រឿងនេះកើតឡើងនៅ Wuhan។

ក្រុមអ្នកជំនាញក៏បាននិយាយផងដែរថា គ្មានការចង្អុលបង្ហាញណាមួយដែលថាវីរុសនេះកំពុងសាយភាយនៅទីក្រុង Wuhan មុនពេលមានករណីផ្លូវការដំបូងត្រូវបានកត់ត្រានៅទីនោះក្នុងខែធ្នូឆ្នាំ២០១៩ឡើយ៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ ក្រុម WHO ចុះត្រួតពិនិត្យផ្សារដែលរកឃើញករណីកូវីដដំបូងក្នុងទីក្រុងអ៊ូហាន