ព័ត៌មានអន្ដរជាតិ

គូស្នេហ៍អាមេរិកវ័យ៩៦ឆ្នាំ រកឃើញក្ដីស្រលាញ់ពិតនៅមណ្ឌលចាស់ជរា

បានផុស

១ year មុន

នៅ

ថ្ងៃព្រហស្បតិ៍ ៧ ធ្នូ ២០២៣

ដោយ

លោកយាយ Doris Kriks និងលោកតា Carl W. Kruse បានជួបគ្នាកាលពី២ឆ្នាំមុននៅមជ្ឈមណ្ឌលជាន់ខ្ពស់មួយនៅក្នុងភូមិ Cedar Lakes សហរដ្ឋអាមេរិក។ ពួកគេបានរៀបការនៅពេលពួកគេមានអាយុ ៩៦ឆ្នាំ ក្រោមការសាទរពីសំណាក់មនុស្សមានវ័យចាស់ជរាដូចគ្នា។

កាលពី២ឆ្នាំមុន នៅពេលដែលលោកយាយ Dorris បានផ្លាស់ប្តូរចូលទៅក្នុងមជ្ឈមណ្ឌលនេះ។ លោក Carlបានកត់សម្គាល់ដោយសារតែជំនាញប៊ីយ៉ាដ៏ល្អឥតខ្ចោះរបស់លោកយាយ។ ទន្ទឹមនឹងនោះ លោកយាយ Dorris មានការចាប់អារម្មណ៍ចំពោះទេពកោសល្យរបស់លោកតាក្នុងការលេងវីយូឡុង និងភាពគួរសមរបស់បុរសដែលមានអាយុដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកយាយ Dorris Kirkks បាននិយាយយ់ាងដូច្នោះថា “គាត់អត់ធ្មត់ណាស់! ហើយមិនដែលបដិសេធមិនជួយនរណាម្នាក់ឡើយ។ ខ្ញុំគិតថាមនុស្សម្នាក់នេះជាមនុស្សល្អ”។

ពីមួយថ្ងៃទៅមួយថ្ងៃ ពួកគេកាន់តែស្និទ្ធស្នាលជាងចំណង់ចំណូលចិត្តទូទៅនៃការលេងប៊ីយ៉ា។ នៅទីបំផុតអ្នកទាំងពីរបានដឹងថាពួកគេចង់នៅជាមួយគ្នាអស់មួយជីវិត។ ប្ដីប្រពន្ធមួយគូនេះបានរៀបការនៅចំពោះមុខសាច់ញាតិចាស់ជរា និងមិត្តភក្តិនៅមណ្ឌលថែទាំ។ លោកតា Carl មិនស្ទាក់ស្ទើរក្នុងការកាន់ដៃកូនក្រមុំ ហើយថើបលោកយាយយ៉ាងផ្អែមល្ហែម។ បន្ទាប់ពីពិធីនោះ ពួកគាត់បានចែកអាហារពេលល្ងាចជាមួយក្រុមគ្រួសារ និងមិត្តភ័ក្តិយ៉ាងសប្បាយរីករាយ។

“វាមិនសំខាន់ទេថាយើងរៀបការនៅអាយុប៉ុន្មាន! ដោយសារតែយើងតែងតែដឹងពីវិធីរក្សារាល់ពេលដែលយើងមានជាមួយគ្នា”។

អាពាហ៍ពិពាហ៍របស់គូស្នេហ៍វ័យចំណាស់តែងទទួលបានការចាប់អារម្មណ៍ខ្លាំង។ ស្ថានសួគ៌បាននាំពួកគេមកជាមួយគ្នាក្នុងសម័យមួយដែលវាពិបាកក្នុងការចាប់ផ្តើមទំនាក់ទំនង។ ប៉ុន្តែគូស្នេហ៍មួយគូនេះបានបង្ហាញថាសេចក្តីស្រឡាញ់និងការរួបរួមនៃវិញ្ញាណអាចយកឈ្នះអ្វីៗបាន។

ទោះយ៉ាងណាក៏ដោយ តាមពិតគូស្នេហ៍ដែលរកឃើញក្ដីស្រលាញ់ពិតនេះសុទ្ធតែមានប្តីប្រពន្ធរៀងៗខ្លួនអស់ទៅហើយ។លោកតា Kruse ដែលជាសាស្ត្រាចារ្យគីមីវិទ្យាចូលនិវត្តន៍ ធ្លាប់រៀបការម្តងរួច ហើយបានបាត់បង់ប្រពន្ធរបស់គាត់ដោយសារជំងឺមហារីកលំពែងក្នុងឆ្នាំ ២០១០។ ចំណែកលោកយាយ Kruse ជាអតីតអ្នកធ្វើសៀវភៅក៏បានបាត់បង់ប្តីដោយជំងឺមហារីក ហើយបានរៀបការពីរដងមុនពេលគាត់ផ្លាស់ទៅភូមិ Cedar Lake ។

យ៉ាងណាមិញ មនុស្សជាច្រើនគិតថាមនុស្សចាស់លែងត្រូវការស្នេហាទៀតហើយ! វាគ្រប់គ្រាន់ហើយក្នុងការរស់នៅក្នុងជីវិតដែលមានសុខភាពល្អ និងសប្បាយរីករាយជាមួយកូនចៅ។ ប៉ុន្តែតាមពិត ស្នេហានៅគ្រប់វ័យគឺសមនឹងការគោរពហើយត្រូវបានចាត់ទុកថាជាតម្រូវការចាំបាច់ ដូចគ្នានឹងការត្រូវការអាហារ និងទឹកផងដែរ។ ព្រោះដរាបណាមនុស្សនៅរស់ មនុស្សនឹងនៅតែយំ សើចព្រោះតែសេចក្ដីស្រលាញ់៕