ព័ត៌មានអន្ដរជាតិ
ប្រហោងយក្សធំជាងផែនដី៦០ដង លើផ្ទៃព្រះអាទិត្យ កំពុងបញ្ចេញរលកកម្តៅ បោះពួយមកពិភពលោក
គេហទំព័រ Spaceweather.com បានបង្ហាញព័ត៌មានអំពីប្រហោង Coronal ដែលជាចំណុចងងឹតដ៏ធំនៅលើផ្ទៃព្រះអាទិត្យ ហើយប្រហោងនេះ កំពុងបញ្ចេញរលកកម្តៅមានសារធាតុវិទ្យុសកម្មដ៏ខ្លាំង បោះពួយមកផែនដីក្នុងល្បឿងលឿនមិនធម្មតា។

ប្រហោង Coronal បានបង្កើតឡើងកាលពីថ្ងៃទី២ខែធ្នូ ហើយរីកទទឹងអតិបរមា ៨០ ម៉ឺនគីឡូម៉ែត្រ។ ការពង្រីកដ៏ធំនេះ ធ្វើឲ្យទំហំរបស់វាធំជាងភពព្រហស្បតិ៍៥ដង និងធំជាងផែនដី៦០ដង។ អ្នកវិទ្យាសាស្ត្រជឿថា សម្រាប់វដ្តព្រះអាទិត្យ ទំហំបែបនេះគឺមិនធ្លាប់មានពីមុនមកឡើយ។
ដំបូងឡើយ អ្នកស្រាវជ្រាវទស្សន៍ទាយថា ចំណុចងងឹតបែបនេះ នឹងបង្កជាព្យុះកម្តៅជះឥទ្ធិពលមកលើផែនដី ដែលអាចរំខានដល់ការទំនាក់ទំនងតាមវិទ្យុ។ ទោះបីជាយ៉ាងណាក៏ដោយ ខ្យល់នៃលោហធាតុ បែរជាមានកម្លាំងតិចជាងការរំពឹងទុកទៅវិញ ប៉ុន្តែវាអាចប្រែប្រួលគ្រប់ពេលវេលា។
សូមបញ្ជាក់ថា ប្រហោង Coronal បានបង្កើតជារូបរាងនៅពេលវាលម៉ាញេទិករបស់ព្រះអាទិត្យបើកចំហ ដែលបណ្តាលឲ្យវត្ថុធាតុចេញពីផ្កាយ ត្រូវបានបញ្ជូនទៅកាន់លំហ។ អាស្រ័យហេតុនេះ តំបន់ទាំងនេះលេចឡើងជាចំណុចងងឹត ដោយសារពួកវាត្រជាក់ជាង និងមានដង់ស៊ីតេទាបជាងប្លាស្មានៃលំហជុំវិញ។

រៀងរាល់១១ឆ្នាំម្តង ព្រះអាទិត្យ ត្រូវឆ្លងកាត់នូវអ្វីដែលគេហៅថា “អតិបរមានៃព្រះអាទិត្យ” ពេលចំណុចងងឹតដ៏ចម្លែកជាច្រើន បានលេចឡើងនៅលើផ្ទៃរបស់ខ្លួន។
មុននេះ ការសិក្សាថ្មីមួយរបស់ក្រុមអ្នកវិទ្យាសាស្រ្តឥណ្ឌាបានបង្ហាញថា ព្យុះព្រះអាទិត្យដ៏ធំ ទំនងកើតឡើងលឿនជាងការរំពឹងទុក ពោលគឺប្រហែលនៅដើមឆ្នាំ២០២៤។
យ៉ាងណា ការព្យាករនេះគឺផ្ទុយទៅនឹងការព្យាករចុងក្រោយបង្អស់របស់អង្គការណាសា ដែលថា ព្យុះព្រះអាទិត្យនឹងវាយប្រហារនៅចុងឆ្នាំ២០២៥៕
ប្រែសម្រួល៖ Vann Vann
ប្រភព៖ Sputnik
ចុចអាន៖ អ្នកវិទ្យាសាស្រ្ត៖ ឆ្នាំក្រោយព្យុះព្រះអាទិត្យដ៏ខ្លាំងមួយទៀត អាចជះឥទ្ធិពលដល់ផែនដី

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ