ព័ត៌មានអន្ដរជាតិ

អ៊ីស្រាអែល អះអាងថា សមាជិកក្រុមហាម៉ាសមួយចំនួនធំលើកទង់ ស សុំចុះចាញ់

បានផុស

១០ ខែ មុន

នៅ

ថ្ងៃសៅរ៍ ៩ ធ្នូ ២០២៣

ដោយ

បើតាមអ្នកនាំពាក្យកងកម្លាំងការពារអ៊ីស្រាអែល (IDF) លោក Daniel Hagari បាននិយាយកាលពីថ្ងៃសុក្រថា សមាជិកក្រុមប្រដាប់អាវុធប៉ាឡេស្ទីនហាម៉ាសជាង ១៥០ នាក់បានលើកទង់ ស សុំចុះចាញ់កងទ័ពអ៊ីស្រាអែលនៅទីក្រុង Khan Yunis ហើយពួកគេទាំងនោះក៏កំពុងនាំទៅដាក់ឃុំខ្លួនផងដែរ ។

នៅក្នុងឃ្លីបវីដេអូ និងរូបថតជាច្រើនដែលបានចែកចាយនៅលើប្រព័ន្ធផ្សព្វផ្សាយសង្គមកាលពីថ្ងៃសុក្របានបង្ហាញឲ្យឃើញពីក្រុមប្រដាប់អាវុធប៉ាឡេស្ទីនហាម៉ាសរាប់សិបនាក់កំពុងអង្គុយដោះអាវ និងត្រូវបានឡោមព័ទ្ធដោយកងកម្លាំងការពារអ៊ីស្រាអែល (IDF) នៅក្នុងតំបន់ហ្គាហ្សា បន្ទាប់ពីលើកទង់ ស សុំចុះចាញ់ ។

លោក Hagari បានលើកឡើងទៀតថា “សកម្មប្រយុទ្ធទាំងអស់នោះនឹងនាំទៅសាកសួរចម្លើយ ទោះបីជាពួកគេមួយចំនួនមានបណ្ដាញទាក់ទងតិចតួចជាមួយនឹងអង្គការហាម៉ាសក៏ដោយ ខណៈអ្នកដែលមានប្រភពជិតស្និទ្ធិនឹងក្រុមប្រដាប់អាវុធមួយនេះ នឹងត្រូវសួរចម្លើយពីព័ត៌មាន ក៏ដូចជាកន្លែងលាក់ខ្លួនរបស់ចំណាប់ខ្មាំង” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យរូបនេះបញ្ជាក់ទៀតថា “គោលដៅរបស់យើង គឺមិនត្រឹមតែសួរនាំអំពីកន្លែងលាក់ខ្លួនរបស់ចំណាប់ខ្មាំងប៉ុណ្ណោះទេ ប៉ុន្តែយើងថែមទាំងនឹងប្រមូលព័ត៌មានសំខាន់ៗទាំងអស់អំពីសកម្មភាព ឬផែនការទ្រង់ទ្រាយធំណាមួយរបស់អង្គការភេរវករហាម៉ាសផងដែរ” ។

ស្របពេលជាមួយគ្នានេះ ការលើកទង់ ស សុំចុះចាញ់ពីសំណាក់សមាជិកក្រុមប្រដាប់អាវុធប៉ាឡេស្ទីនហាម៉ាសនៅពេលនេះ គឺដោយសារតែការវាយប្រហារទម្លាក់គ្រាប់បែកពីលើអាកាស ក៏ដូចជាការបំផ្ទុះតាមដីគោក និងតាមសមុទ្ររបស់អ៊ីស្រាអែលក្នុងរយៈពេល ២៤ ម៉ោងមកនេះ ដោយបានសម្លាប់ពលរដ្ឋប៉ាឡេស្ទីនប្រមាណ ៣១០ នាក់ ខណៈក្នុងនោះក៏មានសកម្មប្រយុទ្ធរបស់ក្រុមមួយនេះផងដែរ ។

ភាពតានតឹងនៅមជ្ឈិមបូព៌ាបានផ្ទុះឡើងសាជាថ្មី បន្ទាប់ពីក្រុមប្រដាប់អាវុធប៉ាឡេស្ទីនហាម៉ាសបានបើកការវាយប្រហារដោយបាញ់គ្រាប់រ៉ុកកែតយ៉ាងសន្ធាប់ និងគួរឲ្យភ្ញាក់ផ្អើលចេញពីតំបន់ហ្គាហ្សាស្ទ្រីបមកលើទឹកដីនៃប្រទេសអ៊ីស្រាអែលដោយបានសម្លាប់មនុស្សប្រមាណ ១,២០០ នាក់ ។

ជាការឆ្លើយតប អ៊ីស្រាអែលបានបើកការវាយប្រហារទាំងតាមផ្លូវអាកាស និងផ្លូវគោកដោយមិនប្រណីដៃទៅលើតំបន់ហ្គាហ្សាស្ទ្រីប ក៏ដូចជាធ្វើការបិទតំបន់នោះទាំងស្រុងផងដែរ ហើយថែមទាំងកាត់ផ្តាច់ទឹក អគ្គិសនី ស្បៀងអាហារ ថ្នាំសង្កូវ និងជំនួយមនុស្សធម៌ផ្សេងៗមិនឲ្យទៅដល់ដៃជនស៊ីវិលឡើយ ។

រហូតមកដល់ពេលនេះ ជនស៊ីវិលជាង ១៧,៤០០ នាក់ត្រូវបានសម្លាប់ ដោយក្នុងនោះភាគច្រើនជាកុមារ និងស្ត្រី ហើយក្រៅពីចំនួនអ្នកស្លាប់ដ៏ច្រើនសន្ធឹកសន្ធាប់នេះ ក្រសួងសុខាភិបាលដែលគ្រប់គ្រងដោយក្រុមហាម៉ាសបាននិយាយថា ការវាយប្រហារសងសឹករបស់អ៊ីស្រាអែលលើតំបន់ហ្គាហ្សា ក៏បានបណ្ដាលឲ្យមនុស្សជាង ៤៦,០០០ នាក់ រងរបួសផងដែរ ខណៈប្រជាជន ២.៣ លាននាក់កំពុងខ្វះជំនួយមនុស្សធម៌ ៕

សូមទស្សនាវីដេអូ!

תמונות משנות תודעה: עשרות עצורים עזתים, ייתכן מחבלי חמאס, נתפסו או נכנעו, למרות ההתחייבות "לא נרים דגל לבן, לא ניכנע".
לצד צילום מפקדת צפון של חמאס במנהרות, חשיפת הקבלות ע"ש בנו של הניה, כיבוש כיכר פלסטין בעזה, כל אלו משנים תודעה. pic.twitter.com/gWADK72o9P
— Baruch Yedid, ברוך ידיד, باروخ يديد (@BaruchYedid) December 7, 2023

The IDF releases footage obtained from the bodycam of a Hamas operative during fighting in northern Gaza's Jabaliya, showing armed members of the terror group crawling on the ground inside a building.

The IDF says the Nahal Brigade encountered the operatives, who had fired… pic.twitter.com/Bq7kowovpP
— Emanuel (Mannie) Fabian (@manniefabian) December 7, 2023