បាតុកម្មប្រឆាំងរដ្ឋប្រហារមីយ៉ាន់ម៉ានៅតែបន្តទោះមានការបង្ហូរឈាម

ក្រុមអ្នកតវ៉ាបានវិលត្រឡប់មកតាមដងផ្លូវក្នុងរដ្ឋធានី ណៃពិដោ របស់ប្រទេសមីយ៉ាន់ម៉ាវិញនៅថ្ងៃពុធទី១០ខែកុម្ភៈនេះ បន្ទាប់ពីមានបាតុកម្មបង្ហូរឈាមប្រឆាំងរដ្ឋប្រហារទម្លាក់មេដឹកនាំជាប់ឆ្នោតលោកស្រី អ៊ុងសាន ស៊ូជី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅទីក្រុងណៃពិដោ បុគ្គលិករដ្ឋាភិបាលរាប់រយនាក់ បានដើរក្បួនគាំទ្រយុទ្ធនាការប្រឆាំងការមិនគោរពច្បាប់ស៊ីវិលដែលត្រូវបានចូលរួមដោយវេជ្ជបណ្ឌិត គ្រូបង្រៀននិងបុគ្គលិកផ្លូវដែករួមទាំងអ្នកផ្សេងទៀត។

អំពើហិង្សាបានផ្ទុះឡើងនៅថ្ងៃទី៤ នៃការតវ៉ាប្រឆាំងនឹងរបបយោធាក្នុងប្រទេសមីយ៉ាន់ម៉ា។ កាលពីថ្ងៃទី៩ខែកុម្ភៈ ប៉ូលិសបានចាប់ផ្តើមបំបែកក្រុមបាតុករនៅទីក្រុង ណៃពិដោ ដោយប្រើទាំងគ្រាប់កាំភ្លើងជ័រនិងគ្រាប់ពិត។

ស្ត្រីម្នាក់ត្រូវបានគេបាញ់ចំក្បាលអំឡុងការតវ៉ា ហើយពេលនេះនាងកំពុងស្ថិតក្នុងសភាពធ្ងន់ធ្ងរនៅមន្ទីរពេទ្យ។

ការបាញ់ដោយប៉ូលិសក្នុងហេតុការណ៍នេះ បានបណ្តាលឲ្យមនុស្សយ៉ាងហោចណាស់ប្រាំពីរនាក់រងរបួសខណៈម្នាក់ក្នុងចំណោមពួកគេ ត្រូវបានបាញ់ចំទ្រូងដោយគ្រាប់កាំភ្លើងពិត។ គាត់ត្រូវបានបញ្ជូនទៅកាន់មន្ទីរពេទ្យក្រុង ណៃពិដោ៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ មីយ៉ាន់ម៉ាចាប់ផ្តើមបង្ក្រាបបាតុកម្មហើយ មនុស្សជាង១០០នាក់ត្រូវចាប់ខ្លួននៅ Mandalay