ព័ត៌មានអន្ដរជាតិ
អាមេរិក យល់ព្រមលក់អាវុធជាបន្ទាន់ ទៅឲ្យអ៊ីស្រាអែល
រដ្ឋបាលប្រធានាធិបតីអាមេរិកលោក ចូ បៃដិន បានគេចវេសអំណាចសភា ដោយសម្រេចជាបន្ទាន់លើការលក់សព្វាវុធនិងគ្រាប់កាំភ្លើងក្នុងទំហំទឹកប្រាក់១០៦.៥លានដុល្លារឲ្យអ៊ីស្រាអែល ខណៈសង្រ្គាមរវាងទីក្រុងហ្ស៊េរុយសាឡិម ប្រឆាំងនឹងក្រុមហាម៉ាស នៅតំបន់ហ្គាហ្សាស្ទ្រីប កំពុងបន្តដោយឥតបង្ហាញសញ្ញាធូរស្រាល។
ក្រសួងការបរទេសសហរដ្ឋអាមេរិក បានបញ្ជាក់ពីការសម្រេចចិត្តរបស់ខ្លួន កាលពីថ្ងៃសៅរ៍ទី៩ខែធ្នូ ដោយនិយាយថា ខ្លួនបានជូនដំណឹងនេះ ដល់សភាមួយថ្ងៃមុន បន្ទាប់ពីរដ្ឋមន្ត្រីការបរទេសលោក Antony Blinken សន្និដ្ឋានថា “ពិតជាមានភាពអាសន្នដែលតម្រូវឲ្យមានការលក់អាវុធជាបន្ទាន់ទៅឲ្យអ៊ីស្រាអែលមែន។ ការកំណត់គ្រាអាសន្ននេះ ត្រូវបានធ្វើឡើងក្នុងបរិបទនៃការការពារផលប្រយោជន៍សន្តិសុខជាតិរបស់សហរដ្ឋអាមេរិក”។
ការអនុម័តលើវិធីលក់អាវុធបែបនេះ កម្រនឹងឆ្លងផុតការត្រួតពិនិត្យរបស់រដ្ឋសភាណាស់ ហើយការអនុម័តត្រូវធ្វើឡើង ក្នុងករណីចាំបាច់បំផុត។ កិច្ចព្រមព្រៀងលក់អាវុធជាមួយអ៊ីស្រាអែលនេះ រួមបញ្ចូលទាំងគ្រាប់រថក្រោះផ្ទុះខ្លាំងជិត ១៤០០០គ្រាប់ផងដែរ។
ក្រសួងការបរទេស បាននិយាយនៅក្នុងសេចក្តីថ្លែងការណ៍មួយថា សហរដ្ឋអាមេរិក ប្តេជ្ញាចិត្តចំពោះសន្តិសុខរបស់អ៊ីស្រាអែល ហើយវាមានសារៈសំខាន់បំផុត ចំពោះផលប្រយោជន៍ជាតិរបស់សហរដ្ឋអាមេរិក ក្នុងការជួយអ៊ីស្រាអែលដើម្បីអភិវឌ្ឍ និងរក្សានូវសមត្ថភាពស្វ័យការពារដ៏រឹងមាំ និងការត្រៀមខ្លួន។
ការអនុម័តជាបន្ទាន់នេះ កើតឡើងចំពេលរដ្ឋបាលរបស់ប្រធានាធិបតី ចូ បៃដិន កំពុងតស៊ូដើម្បីទទួលបានភ្លើងខៀវពីសភាសម្រាប់ទឹកប្រាក់ ១០៦ពាន់លានដុល្លារ ដើម្បីចំណាយផ្នែកសន្តិសុខបន្ថែម ក្នុងនោះរួមមានទាំងទឹកប្រាក់១៤.៣ពាន់លានដុល្លារសម្រាប់អ៊ីស្រាអែលផងដែរ។
កាលពីខែមុន សភាអាមេរិកបានអនុម័តវិក្ក័យមួយ ដែលនឹងផ្តល់ជំនួយចំនួន១៤.៥ពាន់លានដុល្លារ សម្រាប់ទីក្រុងហ្ស៊េរុយសាឡិម ប៉ុន្តែលោក បៃដិន ទទូចថា ការផ្តល់មូលនិធិសម្រាប់អ៊ីស្រាអែល និងអ៊ុយក្រែនត្រូវតែដើរទន្ទឹមគ្នា។
សូមបញ្ជាក់ជាថ្មី ប្រជាជនប៉ាឡេស្ទីនជិត ១៨០០០ នាក់ត្រូវបានសម្លាប់ និង ១.៩លាននាក់ត្រូវផ្លាស់ទីលំនៅ ចាប់តាំងពីសង្រ្គាមផ្ទុះឡើងក្នុងខែតុលា។ ជម្លោះថ្មីនេះបានចាប់ផ្តើម នៅពេលក្រុមហាម៉ាស បើកការវាយប្រហារដ៏គួរឲ្យភ្ញាក់ផ្អើល ទៅលើភូមិនានានៅភាគខាងត្បូងប្រទេសអ៊ីស្រាអែលកាលពីថ្ងៃទី៧ខែតុលា ដោយសម្លាប់មនុស្សប្រហែល១២០០នាក់ និងចាប់ចំណាប់ខ្មាំងរាប់រយនាក់ទៅតំបន់ហ្គាហ្សា៕
ប្រែសម្រួល៖ Vann Vann
ប្រភព៖ RT
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១២ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ