ព័ត៌មានអន្ដរជាតិ

TikTok វិនិយោគ ១.៥ ពាន់លានដុល្លារក្នុងក្រុមហ៊ុនបច្ចេកវិទ្យាធំបំផុតរបស់ ឥណ្ឌូណេស៊ី

បានផុស

១ year មុន

នៅ

ថ្ងៃចន្ទ ១១ ធ្នូ ២០២៣

ដោយ

ក្រុមហ៊ុន TikTok វិនិយោគលុយជាង ១.៥ ពាន់លានដុល្លារក្នុងលក្ខខណ្ឌយូរអង្វែងចូលទៅកាន់កាប់ភាគហ៊ុនអង្គភាពពាណិជ្ជកម្មអេឡិចត្រូនិច្ចរបស់ក្រុមហ៊ុនបច្ចេកវិទ្យាដ៏ធំបំផុតរបស់ប្រទេសឥណ្ឌូណេស៊ី PT GoTo Gojek Tokopedia ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចព្រមព្រៀងនេះកើតឡើង បន្ទាប់ពីប្រទេសឥណ្ឌូណេស៊ីកាលពីខែតុលា បានហាមឃាត់ការទិញទំនិញតាមអនឡាញនៅលើវេទិកាប្រព័ន្ធផ្សព្វផ្សាយសង្គមដើម្បីការពារពាណិជ្ជករតូចៗ និងទិន្នន័យរបស់អ្នកប្រើប្រាស់ ដោយបង្ខំឲ្យ TikTok បិទសេវាកម្មពាណិជ្ជកម្មអេឡិចត្រូនិក TikTok Shop របស់ខ្លួន ។

នៅក្រោមកិច្ចព្រមព្រៀងនេះ TikTok នឹងទិញភាគហ៊ុននៃបណ្ដាញ PT Tokopedia របស់ក្រុមហ៊ុន GoTo ដែលជាវេទិកាពាណិជ្ជកម្មអេឡិចត្រូនិចដ៏ធំបំផុតរបស់ប្រទេសឥណ្ឌូណេស៊ីប្រមាណ ៧៥.០១ ភាគរយក្នុងតម្លៃ ៨៤០ លានដុល្លារ ។

គួរឲ្យដឹងថា ប្រជាជនឥណ្ឌូណេស៊ីជាង ២៧០ លាននាក់ ជាអ្នកសកម្មប្រើប្រាស់ប្រព័ន្ធផ្សព្វផ្សាយសង្គម ហើយ TikTok មានអ្នកប្រើប្រាស់រហូតដល់ ១២៥ លាននាក់នៅក្នុងប្រទេស ៕

ប្រែសម្រួល៖ នាង រតនៈ

ប្រភព៖ CNA