ព័ត៌មានអន្ដរជាតិ
មិនទាន់ស្ងប់ទេ! បាតុកររាប់ពាន់នាក់បន្តធ្វើបាតុកម្មប្រឆាំងនឹងច្បាប់ការងារថ្មីរបស់ឥណ្ឌូនេស៊ី
កម្មកររាប់ពាន់នាក់នៅប្រទេសឥណ្ឌូនេស៊ីកាលពីថ្ងៃចន្ទ ទី២ ខែវិច្ឆិកា បានបន្តការតវ៉ារបស់ពួកគេប្រឆាំងនឹងច្បាប់ការងារថ្មីរបស់ប្រទេសដែលក្រុមអ្នករិះគន់និយាយថានឹងធ្វើឲ្យប៉ះពាល់ដល់សិទ្ធិការងារ និងការការពារបរិស្ថានជាដើម ។
សហព័ន្ធសហភាពពាណិជ្ជកម្មឥណ្ឌូណេស៊ី ឬ KSPI បាននិយាយថា កម្មកររាប់ពាន់នាក់មកពីទីក្រុងនានានៅខេត្ត West Java និងខេត្ត East Java ដែលតំណាងឲ្យសហជីពចំនួន ៣២ បានចូលរួមធ្វើមហាបាតុកម្មនៅជិតវិមានប្រធានាធិបតី និងតុលាការធម្មនុញ្ញក្នុងទីក្រុងហ្សាការតា ។
បាតុកម្មនេះក៏ត្រូវបានធ្វើឡើងនៅផ្នែកផ្សេងទៀតនៃប្រទេសផងដែររួមមានទីក្រុង Yogyakarta ទីក្រុង Banda Aceh ទីក្រុង Medan និងទីក្រុង Makassar ។
ទន្ទឹមនោះប្រធាន KSPI លោក Said Iqbal បាននិយាយកាលពីថ្ងៃអាទិត្យថា “ការទាមទារនោះគឺតម្រូវឲ្យលុបចោលច្បាប់បង្កើតការងារ និងបន្តមើលឃើញការដំឡើងប្រាក់ឈ្នួលអប្បបរមានៅឆ្នាំ ២០២១” ។
លោកបន្តថា “សហជីពកម្មករក៏នឹងស្នើសុំការពិនិត្យឡើងវិញនៃច្បាប់ថ្មីទៅតុលាការធម្មនុញ្ញផងដែរ” ។
ច្បាប់បង្កើតការងារដែលត្រូវបានអនុម័តដោយសភាកាលពីថ្ងៃទី ៥ ខែតុលាត្រូវបានគេរំពឹងថានឹងផ្លាស់ប្តូរប្រព័ន្ធការងារ និងការគ្រប់គ្រងធនធានធម្មជាតិរបស់ឥណ្ឌូនេស៊ីយ៉ាងច្រើន ។ ច្បាប់នេះបានធ្វើវិសោធនកម្មច្បាប់ចំនួន ៧៩ លើក ហើយមានគោលបំណងកែលម្អប្រសិទ្ធភាពការិយាធិបតេយ្យដែលជាផ្នែកមួយនៃកិច្ចខិតខំប្រឹងប្រែងរបស់រដ្ឋបាលប្រធានាធិបតីលោក Joko Widodo ដើម្បីទាក់ទាញការវិនិយោគបន្ថែមទៀតមកកាន់ប្រទេសនេះ ។
ក្រុមបាតុករនិយាយថា ច្បាប់នេះនឹងធ្វើឲ្យប៉ះពាល់ដល់កម្មករដោយកាត់បន្ថយប្រាក់បំណាច់ឆ្នាំ ដកការរឹតត្បិតលើពលកម្មដោយដៃរបស់ពលករបរទេស បង្កើនការប្រើប្រាស់កម្លាំងពលកម្ម និងប្ដូរប្រាក់ខែប្រចាំខែទៅជាប្រាក់ឈ្នួលប្រចាំម៉ោង ។
គួររម្លឹកផងដែរថា បន្ទាប់ពីច្បាប់នេះត្រូវបានអនុម័ត កម្មករ និងនិស្សិតនៅតាមទីក្រុងជាច្រើនក្នុងប្រទេសឥណ្ឌូនេស៊ីបានចាប់ផ្តើមធ្វើបាតុកម្មទាមទារឲ្យលោក Joko Widodo លុបចោលច្បាប់នេះ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត