Connect with us

ព័ត៌មានអន្ដរជាតិ

លោក គីម ជុងអ៊ុន លេងខ្លាំងៗលើភាពអសកម្មរបស់ទីភ្នាក់ងារសេដ្ឋកិច្ច

បានផុស

នៅ

ប្រព័ន្ធផ្សព្វផ្សាយរដ្ឋបានរាយការណ៍កាលពីថ្ងៃអង្គារថា មេដឹកនាំកូរ៉េខាងជើងលោក គីម ជុងអ៊ុន បានរិះគន់យ៉ាងខ្លាំងដល់ទីភ្នាក់ងារសេដ្ឋកិច្ចរបស់ប្រទេសនេះចំពោះការមិនបានកំណត់គោលដៅយ៉ាងគំហុកសម្រាប់ឆ្នាំនេះក្នុងអំឡុងកិច្ចប្រជុំរបស់គណបក្សពលករកូរ៉េដែលកំពុងកាន់អំណាច ។

សម័យប្រជុំបានចាប់ផ្តើមកាលពីថ្ងៃចន្ទដើម្បីពិភាក្សាពីការអនុវត្តផែនការសេដ្ឋកិច្ច និងការអភិវឌ្ឍរយៈពេល ៥ ឆ្នាំដែលបានដាក់នៅឯសមាជគណបក្សកាលពីខែមុន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារសារព័ត៌មានកណ្តាលកូរ៉េ KCNA បានរាយការណ៍ថា នៅក្នុងរបាយការណ៍មួយទៅកាន់សមាជិកគណបក្សដែលបានជួបជុំគ្នានោះលោក គីម បានរិះគន់យ៉ាងខ្លាំងចំពោះនិន្នាការ និងការពារខ្លួនដោយអសកម្ម និងស្ថាប័នណែនាំសេដ្ឋកិច្ចរបស់រដ្ឋនៅក្នុងការកំណត់ទិសដៅនៅឆ្នាំនេះ ។

បន្ទាប់ពីបានស្តាប់សុន្ទរកថារបស់លោក គីម អ្នកចូលរួមបានបន្ទោសខ្លួនចំពោះការខកខានមិនបានអនុវត្តគំនិត និងស្មារតីនៃសមាជបក្ស និងមិនបានធ្វើតាមការរំពឹងទុកខ្ពស់របស់បក្ស និងប្រជាជន ។

KCNA បាននិយាយថា លោក គីម បានសង្កត់ធ្ងន់លើការវិនិយោគលើឧស្សាហកម្មដែក និងគីមី ហើយបានដាក់ចេញគោលដៅអភិវឌ្ឍន៍អគ្គិសនី និងធ្យូងថ្ម ការដឹកជញ្ជូនផ្លូវដែក សំណង់ និងឧស្សាហកម្មធុនស្រាល ។

ប្រទេសកូរ៉េខាងជើងបានជួបការលំបាកផ្នែកសេដ្ឋកិច្ចយ៉ាងធ្ងន់ធ្ងរក្នុងឆ្នាំ ២០២០ ដោយសារការបន្តដាក់ទណ្ឌកម្មអន្តរជាតិ និងការបិទព្រំដែនរយៈពេលយូរដើម្បីប្រយុទ្ធប្រឆាំងនឹងរោគរាតត្បាតនៃជំងឺកូវីដ ១៩ ។

ទីក្រុងព្យុងយ៉ាងបានចាត់វិធានការដំបូងប្រឆាំងនឹងរោគរាតត្បាត និងបានបិទព្រំដែនរបស់ខ្លួននៅក្នុងខែមករាឆ្នាំមុនដែលរំខានដល់សកម្មភាពសេដ្ឋកិច្ចជាមួយដៃគូពាណិជ្ជកម្មដ៏សំខាន់របស់ខ្លួនគឺប្រទេសចិន ខណៈពាណិជ្ជកម្មរវាងប្រទេសជិតខាងបានធ្លាក់ចុះ ៨០ ភាគរយក្នុងឆ្នាំ ២០២០ ។ នេះបើយោងតាមរបាយការណ៍របស់សមាគមពាណិជ្ជកម្មអន្តរជាតិកូរ៉េ (KITA) ។

ប្រទេសកូរ៉េខាងជើងក៏ត្រូវបានរងគ្រោះដោយព្យុះទីហ្វុងកាលពីចុងរដូវក្តៅដែលបណ្តាលឲ្យមានទឹកជំនន់ និងខូចខាតយ៉ាងធ្ងន់ធ្ងរដល់អគារ ផ្លូវថ្នល់ និងដំណាំ ។

យោងតាមរបាយការណ៍ខែមករាពីក្រសួងកសិកម្មសហរដ្ឋអាមេរិកបានប៉ាន់ស្មានថា ប្រជាជនកូរ៉េខាងជើង ៦៣.១ ភាគរយ ឬ ១៦.២ លាននាក់ប្រឈមនឹងអសន្តិសុខស្បៀងក្នុងឆ្នាំ ២០២០ ។

ទន្ទឹមនោះលោក គីម បានសារភាពនៅក្នុងសុន្ទរកថាបើកទៅកាន់សមាជគណបក្សកាលពីខែមុនថា ប្រទេសកូរ៉េខាងជើងបានខកខានមិនគួរឲ្យជឿនៃគោលដៅសេដ្ឋកិច្ចរយៈពេល ៥ ឆ្នាំដែលបានកំណត់នៅក្នុងសមាជលើកមុនដែលបានធ្វើឡើងក្នុងឆ្នាំ ២០១៦ ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ កូរ៉េខាងជើងបង្កើតទិវា “មីស៊ីលជាតិ”

ចុចអាន ៖ កូរ៉េខាងជើងនៅតែបង្កើនកម្មវិធីអាវុធ ទោះស្ថិតក្រោមការដាក់ទណ្ឌកម្ម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២៣ ម៉ោង មុន

តារាចិន វ័យ២៧ឆ្នាំ ស្លាប់ដោយសារជំងឺដូចគ្នាជាមួយ Barbie Hsu

លោកវរសេនីយ៍ឯក សំ វិច្ចិកា
សន្តិសុខសង្គម១៨ ម៉ោង មុន

អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ

ព័ត៌មានជាតិ១៤ ម៉ោង មុន

អភិបាលរងរាជធានី ស្នើ​ឱ្យ​សមត្ថកិច្ច​ និង​ម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ

សុវត្ថិ មុនីនាគ
ជីវិតកម្សាន្ដ១៧ ម៉ោង មុន

មុនីនាគ ជាប់ឈ្មោះជាតារាចម្រៀងប្រុស មានសមត្ថភាពច្រៀងភាសាអង់គ្លេសល្អបំផុត

ជីវិតកម្សាន្ដ១៩ ម៉ោង មុន

តាមពិតបាត់មុខយូរ តួជំនាន់ចាស់ Chintara ប្រាប់ថា ចាញ់បោកលុយក្នុងជំនួញនៅ ថៃ-ចិន

Sokha Hotels

ព័ត៌មានពេញនិយម