ព័ត៌មានអន្ដរជាតិ
ការសិក្សា៖ ដង្ហើមរបស់មនុស្ស រួមចំណែកដល់ការឡើងកម្តៅផែនដី
ការដកដង្ហើមរបស់មនុស្ស បានរួមចំណែកដល់ការឡើងកម្តៅផែនដី។ នេះបើយោងតាមការសិក្សាដែលចេញផ្សាយកាលពីថ្ងៃព្រហស្បតិ៍ទី១៤ខែធ្នូក្នុងទស្សនាវដ្តី PLoS One។

អ្នកនិពន្ធអះអាងថា ការរួមចំណែកនៃដង្ហើមរបស់មនុស្សចំពោះបម្រែបម្រួលអាកាសធាតុ មិនអាចមើលស្រាលបានឡើយ ហើយក៏មានប្រយោជន៍ដល់ការសិក្សាបន្ថែមទៀតផងដែរ។
បន្ទាប់ពីការវាស់សមាសធាតុឧស្ម័ននៅក្នុងខ្យល់ដកដង្ហើមរបស់អ្នកសិក្សាចំនួន៣២៨នាក់ ក្រុមអ្នកស្រាវជ្រាវបានសន្និដ្ឋានថា ដង្ហើមមនុស្សរួមចំណែកប្រមាណ ០.០៥% នៃការបំភាយឧស្ម័នមេតាន និង ០.១% នៃនីត្រាតអុកស៊ីដរបស់ចក្រភពអង់គ្លេស។ ឧស្ម័នទាំងពីរនេះ មានសក្តានុពលរួមចំណែកដល់ការឡើងកម្តៅផែនដី ខ្ពស់ជាងកាបូនឌីអុកស៊ីដ (CO2) ទៅទៀត។
ការស្រាវជ្រាវដែលដឹកនាំដោយរូបវិទូបរិយាកាសលោក Nicholas Cowan នៃមជ្ឈមណ្ឌលបរិស្ថានវិទ្យា និងជលសាស្ត្រចក្រភពអង់គ្លេស បានបង្ហាញថា “ដង្ហើមចេញរបស់មនុស្ស អាចមានកំហាប់ខ្ពស់នៃមេតាន និងនីត្រាតអុកស៊ីដ ដែលរួមចំណែកដល់ការឡើងកម្តៅផែនដី។ យើងនឹងជំរុញឲ្យមានការប្រុងប្រយ័ត្ន ពីការបំភាយឧស្ម័នចេញពីមនុស្ស”។

ថ្វីបើ Cowan ពន្យល់ថា “ការរួមចំណែករបស់ CO2 នៅក្នុងដង្ហើមរបស់មនុស្សចំពោះបម្រែបម្រួលអាកាសធាតុគឺសឹងតែសូន្យ ដោយសារតែរុក្ខជាតិស្រូបយកស្ទើរតែទាំងអស់ពេលមនុស្សដកដង្ហើមចេញក៏ដោយ ប៉ុន្តែឧស្ម័នចំនួន ២ ផ្សេងទៀតបានបន្សល់ទុកនៅក្នុងបរិយាកាស”។
លើសពីនេះ អ្នកនិពន្ធការសិក្សាព្រមានថា ការស្រាវជ្រាវរបស់ពួកគេ គឺគ្រាន់តែមើលលើដង្ហើមប៉ុណ្ណោះ ហើយបានអំពាវនាវឲ្យមានការស្រាវជ្រាវបន្ថែមទៀត លើផលប៉ះពាល់សរុបនៃការបំភាយឧស្ម័នរបស់មនុស្ស ព្រោះវាអាចជះឥទ្ធិពលដល់មនុស្សវ័យចំណាស់ និងការផ្លាស់ប្តូររបបអាហារនៅលើភពផែនដី។
សូមបញ្ជាក់ថា ចក្រភពអង់គ្លេស បានប្តេជ្ញាចិត្តអនុវត្តតាមច្បាប់ ដើម្បីកាត់បន្ថយការបញ្ចេញឧស្ម័នផ្ទះកញ្ចក់ ៧៨% ត្រឹមឆ្នាំ២០៣៥ បើធៀបនឹងឆ្នាំ១៩៩០ ហើយប្រជាពលរដ្ឋ ត្រូវបានលើកទឹកចិត្តឲ្យកាត់បន្ថយការប្រើប្រាស់សាច់ ដើម្បីសម្រេចបាននូវគោលដៅនេះ៕
ប្រែសម្រួល៖ Vann Vann
ប្រភព៖ RT

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ