ព័ត៌មានអន្ដរជាតិ

មង្គលការកូនមហាសេដ្ឋីនៅប្រទេស ចិន ផ្អើលអស់មនុស្សមួយទីក្រុង

បានផុស

១ year មុន

នៅ

ថ្ងៃចន្ទ ១៨ ធ្នូ ២០២៣

ដោយ

កាលពីពេលថ្មីៗនេះនៅក្នុងប្រទេសចិនមានការភ្ញាក់ផ្អើលចំពោះពិធីមង្គលការដ៏អស្ចារ្យបំផុត របស់កូនប្រុសសេដ្ឋីយីវ ពិធីមង្គលការនេះមិនត្រឹមតែមានទំហំធំ និងមានឥទ្ធិពលផ្នែកហិរញ្ញវត្ថុប៉ុណ្ណោះទេ។ តែក៏បង្ហាញពីស្ទីលគ្រួសារអ្នកមានគ្រប់យ៉ាងមិនចេះខ្វះផងដែរ។

តាមរបាយការណ៍បានរកឃើញថា ថ្លៃបណ្ណាការដែលផ្តល់ឲ្យកូនក្រមុំមានតម្លៃដល់ទៅ ១.២ពាន់លានយន់ ហើយកូនកំលោះថែមទាំងរស់នៅក្នុងវិមានមួយដែលព័ទ្ធជុំវិញដោយបឹង Li Ming ។ ត្រូវបានគេស្គាល់ផងដែរថាជា វិមានលេខ១ ក្នុងទីក្រុង Yiwu ដែលត្រូវបានប្រើជាកន្លែងរៀបអាពាហ៍ពិពាហ៍នាពេលនេះផងដែរ។

ក្នុងនោះគេសង្កេតឃើញថា ច្រកចូលវិមានគឺឆ្លងកាត់ស្ពានដែលលាតសន្ធឹងប្រវែង ២ គីឡូម៉ែត្រ ហើយត្រូវបានគ្របដណ្តប់ដោយកំរាលព្រំពណ៌ក្រហមភ្លឺ តុបតែងដោយ satin ពណ៌ក្រហមងងឹត។ ខាងមុខវិមានពោរពេញទៅដោយរថយន្តប្រណិតគ្រប់ប្រភេទ រួមទាំង Rolls-Royce មួយចំនួនទៀត។ ដែលនេះបានបង្ហាញពីធនធានហិរញ្ញវត្ថុដ៏រឹងមាំនៃគ្រួសាររបស់កូនកំលោះ។

សាលមង្គលការត្រូវបានតុបតែងដោយគ្រឿងតុបតែងដ៏មានតម្លៃពីជញ្ជាំងដល់ដំបូល ដូចជាតុ និងកៅអីធ្វើពីឈើពី Huanghuali ផ្ទាំងគំនូរដែលស្រោបដោយគ្រឿងស្មូន និងគ្រឿងសង្ហារឹមបែបអឺរ៉ុប ឬ chandeliers គ្រីស្តាល់ដ៏ស្រស់ស្អាត ធ្វើឲ្យអ្នកដែលទៅចូលរួម មានអារម្មណ៍ដូចជានៅក្នុងវាំងដែលមានទ្រព្យសម្បត្តិមហាសាល។

លើសពីនេះទៀតដែរ មានសេចក្តីរាយការណ៍ថា ការរៀបចំកន្លែងរៀបការត្រូវចំណាយប្រាក់រាប់លានយន់។ ហើយការរៀបការទាំងមូលត្រូវចំណាយអស់រាប់សិបលានយន់ពីលើ។ នៅពេលភ្ញៀវម្នាក់ៗមកដល់ព្រឹត្តិការណ៍ អ្នករត់តុនឹងបង្ហាញជូនអ្នកនូវវត្ថុអនុស្សាវរីយ៍ដ៏ប្រណិតមួយ នេះរួមបញ្ចូលទាំងស្រា Moutai ល្អពីរដប និងបារីដ៏មានតម្លៃចំនួនបួនថង់ ដែលមានតម្លៃសរុប១,៥០០យន់។ មិនត្រឹមតែប៉ុណ្ណោះ នឹងមានកាដូពិសេសជូនភ្ញៀវដែលមានសំណាង រួមទាំងកាតហ្គាសជាង ១០០ សន្លឹក តម្លៃ ពាន់ យន់ ទូរស័ព្ទដៃ ៥០ គ្រឿង និងសូម្បីតែដុំមាស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ក៏បានបញ្ជាក់បន្ថែមទៀតថា នេះគឺពិតជាគូស្នេហ៍សំបូរទ្រព្យពិតៗ។ តាមរយៈរូបថតអាចមើលឃើញថាកូនកំលោះក្រមុំមើលទៅស្រស់ស្អាតខ្លាំង ខណៈដែលពួកគេបានកាន់ដៃគ្នាបង្ហាញខ្លួនក្នុងឈុតអាពាហ៍ពិពាហ៍សូត្របែបប្រពៃណីចិន ដែលមានលំនាំប៉ាក់យ៉ាងល្អិតល្អន់។ កូនកំលោះគឺជាកូនប្រុសរបស់ Wu Wenhong ដែលជាអ្នកមានបំផុតនៅទីក្រុង Yiwu ។ ចំណែកឯកូនក្រមុំគឺជាកូនស្រីរបស់បុរសអ្នកមានម្នាក់នៅក្នុងខេត្ត Jiangsu ។

ពិធីមង្គលការនេះ មិនត្រឹមតែធ្វើឲ្យមនុស្សមើលឃើញពីអំណាចលុយប៉ុណ្ណោះទេ។ ប៉ុន្តែក៏ឃើញភាពស្រស់ស្អាតនៃសេចក្តីស្រឡាញ់ផងដែរ។ មិនថាអ្នកមានឬក្រ ស្នេហាពិតមិនអាចកាត់ថ្លៃបាន។ ហើយក្នុងនោះ អ្នកលេងអ៉ិនធើណេតជាច្រើនបានចូលទៅបញ្ចេញមតិថា សង្ឃឹមថាគូស្វាមីភរិយាថ្មីរស់នៅដោយសុភមង្គលរហូតទៅ៕