ព័ត៌មានអន្ដរជាតិ
ជំនន់ទឹកភ្លៀងនៅអូស្រ្តាលី ជន់លិចអាកាសយានដ្ឋាន រួចទាំងសត្វក្រពើ
ភ្លៀងធ្លាក់ខ្លាំងក្លា បានបង្កឲ្យមានទឹកជំនន់ធំធេងនៅភាគខាងជើងរដ្ឋ Queensland ដោយជន់លិចព្រលានយន្តហោះ ហើយថែមទាំងបណ្តាលឲ្យសត្វក្រពើរួចពីកសិដ្ឋានទៀតផង ខណៈអាជ្ញាធរគិតថា វានឹងក្លាយជាគ្រោះទឹកជំនន់ដ៏អាក្រក់បំផុតមិនធ្លាប់មានពីមុនមកសោះ របស់តំបន់អូស្ត្រាលីមួយនេះ។

តាមការបញ្ជាក់ពីអាជ្ញាធរនៅថ្ងៃចន្ទទី១៨ខែធ្នូ មនុស្សរាប់ពាន់នាក់ត្រូវបានជម្លៀស ប៉ុន្តែក៏មនុស្សច្រើននាក់ទៀតដែរ ដែលកំពុងជាប់គាំងនៅតាមទីតាំងនានា។
អាកាសធាតុកាចសាហាវ ដែលជំរុញដោយព្យុះស៊ីក្លូនត្រូពិក បានបង្អុរទឹកភ្លៀងស្មើនឹងកម្រិតពេញមួយឆ្នាំ នៅតំបន់មួយចំនួន។
រូបភាពបានបង្ហាញពីយន្តហោះលិចទឹកនៅអាកាសយានដ្ឋាន Cairns ហើយក្រពើមួយក្បាលត្រូវបានគេឃើញនៅកណ្តាលទីក្រុង ហើយមនុស្សនាំគ្នាជិះទូកចេញពីផ្ទះ។

ទោះបីជាយ៉ាងណាក៏ដោយ រហូតមកដល់ពេលនេះ មិនទាន់មានសេចក្តីរាយការណ៍អំពីមនុស្សស្លាប់ ឬបាត់ខ្លួននៅឡើយទេ។
នាយករដ្ឋមន្ត្រីរដ្ឋ Queensland លោក Steven Miles បានប្រាប់សាជីវកម្មផ្សព្វផ្សាយអូស្ត្រាលីថា “គ្រោះធម្មជាតិនេះគឺមានស្ថានភាពអាក្រក់បំផុត ដែលខ្ញុំគ្មានថ្ងៃភ្លេច។ ខ្ញុំបាននិយាយជាមួយអ្នកក្រុង Cairns ហើយពួកគេនិយាយថា ពួកគេមិនដែលឃើញអ្វីដូចនេះទេ”។
ក្រុមអ្នកព្យាករនិយាយថា ភ្លៀងធ្លាក់ខ្លាំង នឹងបន្តពីរបីថ្ងៃទៀត ហើយវាជះឥទ្ធិពលខ្លាំងបំផុត ដល់បណ្តាសហគមន៍នៅតំបន់ វាលទំនាប។

ទន្ទឹមនោះ ទឹកទន្លេជាច្រើន ត្រូវបានគេព្យាករថា នឹងហក់ឡើងដល់កម្រិតលើសកំណត់ត្រាចាស់ក្នុងអំឡុងព្រឹត្តិការណ៍ទឹកជំនន់ដ៏ធំនៅឆ្នាំ១៩៧៧។ ឧទាហរណ៍ ទឹកទន្លេ Daintree បានឡើងលើសកំណត់ត្រាចាស់ ២ម៉ែត្ររួចទៅហើយ បន្ទាប់ពីមានភ្លៀងធ្លាក់កម្រិត៨២០មិល្លីម៉ែត្រ ក្នុងរយៈពេល២៤ម៉ោងចុងក្រោយ។
សូមបញ្ជាក់ ប្រទេសអូស្ត្រាលីភាគខាងកើត បានរងការវាយប្រហារដោយទឹកជំនន់ជាញឹកញាប់ក្នុងរយៈពេលប៉ុន្មានឆ្នាំចុងក្រោយ ហើយប្រទេសនេះ កំពុងស៊ូទ្រាំនឹងព្រឹត្តិការណ៍អាកាសធាតុ El Nino៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ គិតត្រឹមថ្ងៃទី២០ តុលានេះ ស្ថានភាពជំនន់ទឹកភ្លៀង ក្នុងខណ្ឌកំបូលមាន២សង្កាត់

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១១ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ