ព័ត៌មានអន្ដរជាតិ
អ៊ុយក្រែន ស៊ើបអង្កេត ក្រោយមានអ្នកលួចដាក់ឧបករណ៍ថតសំឡេង ក្នុងបន្ទប់ធ្វើការរបស់មេទ័ព
ទីភ្នាក់ងារសន្តិសុខអ៊ុយក្រែន (SBU) បានបើកការស៊ើបអង្កេតឧក្រិដ្ឋកម្ម បន្ទាប់ពីឧបករណ៍ស្តាប់សំឡេងសម្ងាត់ ត្រូវបានរកឃើញនៅក្នុងបន្ទប់ធ្វើការមួយ របស់អគ្គមេបញ្ជាការនៃកងកម្លាំងប្រដាប់អាវុធរបស់ប្រទេស លោក Valery Zaluzhny។
ឧបករណ៍នេះ ត្រូវបានរកឃើញកាលពីថ្ងៃចន្ទទី១៨ខែធ្នូ ប៉ុន្តែដោយសារតែវាបង្កើតឡើងពីសមាសធាតុនៃប្រភពដើមដែលគេមិនស្គាល់ ជាហេតុធ្វើឲ្យពិបាកក្នុងការកំណត់អត្តសញ្ញាណអ្នកលូចដាក់។
យោងតាមសេចក្តីថ្លែងការណ៍របស់ SBU នៅលើ Telegram បានឲ្យដឹងថា ឧបករណ៍នេះមិនដំណើរការទេ ហើយក៏គ្មានទិន្នន័យ ឬការបញ្ជូនសំឡេងណាមួយត្រូវបានរកឃើញនោះដែរ ។
អាជ្ញាធរបានសង្កត់ធ្ងន់ថា ឧបករណ៍នេះ មិនត្រូវបានគេរកឃើញនៅក្នុងការិយាល័យផ្ទាល់ខ្លួនរបស់លោក Zaluzhny នោះទេ ប៉ុន្តែស្ថិតនៅក្នុងបន្ទប់មួយដែលគាត់អាចប្រើប្រាស់សម្រាប់ធ្វើការងារ នៅពេលណាមួយ។
ស្របពេលជាមួយគ្នានោះ អតីតអនុរដ្ឋមន្ត្រីការពារជាតិអ៊ុយក្រែនលោកស្រី Anna Malyar បានប្រតិកម្មចំពោះរឿងនេះ ដោយនិយាយថា ការលេចធ្លាយព័ត៌មានសម្ងាត់ ពីទីបញ្ជាការយោធារបស់ប្រទេសនេះ បានកើតឡើងមួយលើកជាពីរលើកកាលពីអតីតកាល។
លោកស្រី Malyar បានសរសេរនៅលើ Telegram កាលពីថ្ងៃចន្ទថា “ខ្ញុំមិនដឹងថា អ្នកណាចង់ស្តាប់សម្តីអគ្គមេបញ្ជាការ ឬថាតើពួកគេចង់ស្តាប់អ្វីនោះទេ។ យ៉ាងណា យើងត្រូវគិតគូរឲ្យមែនទែន អំឡុងការប្រាស្រ័យទាក់ទងរវាងមេទ័ពអ៊ុយក្រែន និងមន្ត្រីការពារជាតិ”។
លោក Zaluzhny ត្រូវបានគេរាយការណ៍ថា ហាក់មានភាពរកាំរកូសជាមួយប្រធានាធិបតីអ៊ុយក្រែនលោក Vladimir Zelensky បន្ទាប់ពីឧត្តមសេនីយ៍រូបនេះប្រាប់សារព័ត៌មាន The Economist កាលពីខែតុលាថា ជម្លោះជាមួយរុស្ស៊ីបានដើរដល់ផ្លូវទាល់ហើយ។
មិនយូរប៉ុន្មាន ការិយាល័យប្រធានាធិបតីអ៊ុយក្រែន បានស្តីបន្ទោសជាសាធារណៈចំពោះមេបញ្ជាការរូបនេះ ជុំវិញការអះអាងរបស់គាត់អំពីស្ថានភាពនៅសមរភូមិជួរមុខ ហើយលោក Zelensky បានបណ្តេញមន្ត្រីជាន់ខ្ពស់ម្នាក់។ មេដឹកនាំអ៊ុយក្រែនក៏ព្រមានមេបញ្ជាការកំពូលរបស់ខ្លួន ឲ្យនៅក្រៅឆាកនយោបាយផងដែរ ដោយអះអាងថា វាជាកំហុសដ៏ធំមួយនៅពេលឥស្សរជនយោធា តាំងខ្លួនជាអ្នកនយោបាយ៕
ប្រែសម្រួល៖ Vann Vann
ប្រភព៖ RT
ចុចអាន៖ អ៊ុយក្រែន ដាក់ប្រមុខព្រះវិហាររុស្ស៊ី ក្នុងបញ្ជីតាមចាប់ខ្លួន
ម្ចាស់ជ័យលាភីសំណេរអង្គរថាលោកមិននឹកស្មានពីលទ្ធផលដែលទទួលបាន
ឧក្រិដ្ឋជនមួយក្រុមក្លែងបន្លំជាសមត្ថកិច្ច ស្លៀកពាក់ឯកសណ្ឋានកងរាជអាវុធហត្ថ និងនគរបាលជាតិ ធ្វើសកម្មភាពចាប់ជំរិតទារប្រាក់នៅខេត្តព្រះសីហនុ
ក្រុមតវ៉ាគាំទ្រប្រធានាធិបតី Yoon ប្រែក្លាយទៅហិង្សា ក្រោយតុលាការចេញដីកាចាប់ខ្លួន
កម្លាំងសមត្ថកិច្ចចុះបង្ក្រាបទីតាំងបង្កប់ល្បែងស៊ីសងអនឡាញ ឃាត់ខ្លួនជនជាតិចិន និងវៀតណាម ជាង៣០០នាក់
ស្តី្រចំណាប់ខ្មាំង២នាក់ទៀតដោះលែងដោយក្រុមហាម៉ាស
សង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
តំបន់ភ្លើងឆេះព្រៃនៅរដ្ឋកាលីហ្វ័រញ៉ា នឹងជួបខ្យល់ព្យុះខ្លាំងក្លាចំថ្ងៃត្រាំចូលស្បងកាន់តំណែង
«ឆ្នេរតេជោសន្តិភាពកែប» នឹងបើកការដ្ឋានសាងសង់នៅសប្តាហ៍ក្រោយនេះ
វិញ្ញាសារសំណេរអង្គរលើកទី២ រំលេចពីភាពអស្ចារ្យនៃប្រាសាទអង្គរ
រោងម៉ាស៊ីន ឡាយ សែ នៅស្រុកថ្មគោលប្រមូលទិញស្រូវពីកសិករមួយថ្ងៃចន្លោះពី ១ ៥០០ តោនទៅ ១ ៨០០ តោន
-
ចរាចរណ៍៧ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍៧ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ២ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៥ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
កីឡា៣ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៣ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៤ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៣ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ