ព័ត៌មានអន្ដរជាតិ
ចូលឆ្នាំចិន Joe Biden និង Xi Jinping និយាយទូរស័ព្ទជាមួយគ្នាលើកដំបូងផ្តោតលើបញ្ហាសំខាន់ៗ
នៅថ្ងៃព្រហស្បតិ៍នេះ ប្រធានាធិបតីអាមេរិកលោក Joe Biden បានជួបសន្ទនាតាមទូរស័ព្ទជាលើកដំបូង ជាមួយសមភាគីចិនលោក Xi Jinping ក្នុងកាយវិការសុច្ឆន្ទៈដើម្បីចាប់ផ្តើមដំណើរការនៃការស្តារទំនាក់ទំនងចិន-អាមេរិកឡើងវិញ បន្ទាប់ពីការចុះខ្សោយយ៉ាងខ្លាំងអស់រយៈពេល៤ឆ្នាំមកនេះ។

យោងតាមសេចក្តីថ្លែងការណ៍របស់ភាគីទាំងពីរបានឲ្យដឹងថា មេដឹកនាំទាំងពីរបានសម្តែងការស្វាគមន៍គ្នាទៅវិញទៅមកសម្រាប់ពិធីបុណ្យចូលឆ្នាំថ្មី។ ប៉ុន្តែសេតវិមាននិយាយថា លោក Biden ក៏បានសង្កត់ធ្ងន់ផងដែរលើបញ្ហាពាណិជ្ជកម្ម សិទ្ធិមនុស្សនិងតំបន់ឥណ្ឌូ-ប៉ាស៊ីហ្វិក។
ទីក្រុងប៉េកាំងបានអំពាវនាវម្តងហើយម្តងទៀតឲ្យរដ្ឋបាលថ្មីក្នុងទីក្រុងវ៉ាស៊ីនតោន ធានាទំនាក់ទំនងដែលអន់ថយក្នុងយុគសម័យដ៏ច្របូកច្របល់របស់អតីតប្រធានាធិបតី Donald Trump។

សេចក្តីថ្លែងការណ៍របស់សេតវិមានបាននិយាយថា លោក Biden បានសួរសុខទុក្ខនិងជូនពរដល់ប្រជាជនចិនក្នុងឱកាសបុណ្យចូលឆ្នាំថ្មី។ លោកក៏បានបញ្ជាក់ផងដែរអំពីអាទិភាពរបស់លោកក្នុងការការពារសន្តិសុខ ភាពរុងរឿង សុខភាពនិងរបៀបរស់នៅរបស់ប្រជាជនអាមេរិកនិងការអភិរក្សតំបន់ឥណ្ឌូ-ប៉ាស៊ីហ្វិកដោយសេរី។
សេតវិមានបាននិយាយថា លោក Biden បានគូសបញ្ជាក់ការព្រួយបារម្ភជាមូលដ្ឋានរបស់លោកអំពីការអនុវត្តសេដ្ឋកិច្ចដោយបង្ខំនិងអយុត្តិធម៌របស់ទីក្រុងប៉េកាំង ការបង្ក្រាបនៅហុងកុង ការរំលោភសិទ្ធិមនុស្សនៅស៊ីនជាំងនិងសកម្មភាពកាន់តែខ្លាំងឡើងនៅក្នុងតំបន់ រួមទាំងចំពោះកោះតៃវ៉ាន់ផងដែរ។

សេចក្តីថ្លែងការណ៍បាននិយាយថា មេដឹកនាំទាំងពីរក៏បានផ្លាស់ប្តូរទស្សនៈស្តីពីការប្រឆាំងនឹងរោគរាតត្បាតកូវីដ១៩ក៏ដូចជាបញ្ហាប្រឈមនៃសន្តិសុខ សុខភាពសកល ការប្រែប្រួលអាកាសធាតុនិងការទប់ស្កាត់ការរីកសាយអាវុធផងដែរ៕
ប្រែសម្រួលដោយ៖ Vann Vann
ប្រភព៖ SCMP
ចុចអាន៖ ទីបំផុត សហរដ្ឋអាមេរិកដាក់ទណ្ឌកម្មលើមេដឹកនាំរដ្ឋប្រហារមីយ៉ាន់ម៉ា

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ