Connect with us

ព័ត៌មានអន្ដរជាតិ

WHO ប្រកាសថា មេរោគកូវីដបំប្លែងខ្លួន JN.1 ជាវីរុស គួរឲ្យព្រួយបារម្ភ

បានផុស

នៅ

អង្គការសុខភាពពិភពលោក (WHO) ទើបតែចាត់ថ្នាក់មេរោគកូវីដបំប្លែងខ្លួន JN.1 ជាវីរុស គួរឲ្យព្រួយបារម្ភ ព្រោះវាអាចគេចផុតពីប្រព័ន្ធភាពស៊ាំ ខ្លាំងជាងវីរុសកូវីដប្រភេទមុនៗ។

អង្គការសុខភាពពិភពលោក (រូបថត៖ CBS)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

JN.1 មានប្រភពចេញពី BA.2.86 ដែលក្លាយពីពូជរបស់អូមីក្រុង។ វាមានធាតុកំឡាយដ៏ខ្លាំងមួយនៅក្នុងសរសៃប្រូតេអ៊ីន ក៏ដូចជានៅទីតាំងផ្សេងទៀត។

វីរុសដែលគេចាត់ថ្នាក់ចូលក្នុងប្រភេទ “គួរឲ្យបារម្ភ” នេះ គឺជាវីរុសទាំងឡាយណា មានផ្ទុកហ្សែនពិសេស ដែលធ្វើឲ្យមេរោគឆ្លងកាន់តែខ្លាំង គេចពីប្រព័ន្ធការពាររាងកាយ ពិបាកក្នុងការរកឃើញនៅពេលធ្វើតេស្ត ឬធ្វើឲ្យជំងឺកាន់តែធ្ងន់ធ្ងរ។

មិនមែនទើបតែ JN.1 ទេ ប៉ុន្តែមុននេះ XBB.1.5 និង EG.5 ក៏ត្រូវបាន WHO ចាត់ថ្នាក់ថាជា វីរុសគួរឲ្យព្រួយបារម្ភផងដែរ។

(រូបថត៖ Livemint)

ទោះបីជាយ៉ាងណាក៏ដោយ ភ្លាមៗ WHO អះអាងថា JN.1 មិនបង្កការគំរាមកំហែងខ្លាំងណាស់ណាទេដល់សហគមន៍ ប៉ុន្តែអង្គការនេះព្រមានថា ប្រទេសនានាគួរតែដឹងថា មេរោគកូវីដ១៩ នឹងរួមដៃជាមួយភ្នាក់ងារបង្កជំងឺផ្សេងទៀតក្នុងរដូវរងា ហើយអាចបង្កើតជាការចម្លងជំងឺផ្លូវដង្ហើមរីករាលដាល ដែលបង្កផលប៉ះពាល់ដល់ប្រព័ន្ធសុខភាព។

នៅសហរដ្ឋអាមេរិក JN.1 បានរួមចំណែកប្រហែល ២០% នៃករណីឆ្លងកូវីដថ្មី ហើយគេជឿថា កម្រិតនៃការឆ្លងមេរោគ នឹងបន្តកើនឡើង។ នេះបើយោងតាមទិន្នន័យពីមជ្ឈមណ្ឌលគ្រប់គ្រងនិងការពារជំងឺ (CDC)។

ដោយឡែក បើយោងតាមគម្រោងសិក្សាសុខភាព ZOE, ចាប់ពីថ្ងៃទី៦ខែធ្នូរហូតដល់ពេលនេះ ចក្រភពអង់គ្លេសបានកត់ត្រាការឆ្លងកូវីដ៩៧០០០ករណី ហើយក្នុងនោះក៏មានករណីឆ្លងវីរុសបំប្លែងខ្លួនប្រភេទ JN.1 ច្រើនករណីផងដែរ។

យ៉ាងណាក្តី ការធ្វើតេស្ត និងការព្យាបាលពីមុន នឹងនៅតែមានប្រសិទ្ធភាពសម្រាប់ JN.1 ហើយរហូតមកដល់ពេលនេះ អ្នកជំនាញមិនទាន់រកឃើញអ្នកជំងឺណា ដែលចេញរោគសញ្ញាធ្ងន់ធ្ងរនៅឡើយទេ បន្ទាប់ពីឆ្លងមេរោគ៕

ប្រែសម្រួល៖ Vann Vann

ប្រភព៖ VN Express

ចុចអាន៖ កូវីដបំប្លែងខ្លួនប្រភេទថ្មីឈ្មោះ JN.1 ចាប់ផ្តើមវាយលុក ចក្រភពអង់គ្លេស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១១ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ៩ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៥ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៦ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ៨ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម