ព័ត៌មានអន្ដរជាតិ
WHO នឹងបិទបញ្ចប់គម្រោងចែកចាយវ៉ាក់សាំងកូវីដនៅចុងឆ្នាំនេះ ក្រោយសង្គ្រោះជីវិតអ្នកជំងឺលើលោក ២.៧ លាននាក់
អង្គការសុខភាពពិភពលោក (WHO) នឹងបិទបញ្ចប់គម្រោងចែកចាយវ៉ាក់សាំងជាសកល (COVAX) នៅថ្ងៃទី៣១ ខែធ្នូ ឆ្នាំ២០២៣ នេះហើយ បន្ទាប់ពីបានជួយពិភពលោកក្នុងការផ្គត់ផ្គង់សឺរ៉ាំងចាក់ និងវ៉ាក់សាំងកូវីដ ១៩ ជិត ២ ពាន់លានដូស ។
![](https://www.kampucheathmey.com/wp-content/uploads/2023/12/COVAX.jpg)
គម្រោង COVAX ដែលបង្កើតឡើងដោយ WHO និងអង្គភាពផ្សេងទៀតនៅក្នុងឆ្នាំ ២០២០ ក្រោយការផ្ទុះឆ្លងរាលដាលនៃជំងឺកូវីដ ១៩ បានផ្ដល់វ៉ាក់សាំងដោយឥតគិតថ្លៃទៅដល់ប្រទេសដែលមានចំណូលទាប បន្ទាប់ពីប្រមែប្រមូលមូលនិធិបានពីប្រទេសដែលមានសេដ្ឋកិច្ចរីកចម្រើន និងប្រទេសដទៃទៀត ។
យោងតាមទីភ្នាក់ងារសុខភាពរបស់ WHO បានឲ្យដឹងថា ដោយសារតែការផ្ដល់ទាំងសឺរ៉ាំង និងវ៉ាក់សាំងយ៉ាងច្រើនសន្ធឹកសន្ធាប់នេះហើយ ទើបគម្រោង COVAX បានជួយសង្គ្រោះជីវិតមនុស្សមិនឲ្យស្លាប់បាត់បង់ជីវិតពីជំងឺកូវីដ ១៩ យ៉ាងហោចណាស់ ២.៧ លាននាក់ឯណោះ ។
ស្របពេលជាមួយគ្នានេះ គម្រោង COVAX ក៏បានរួមចំណែកយ៉ាងសកម្មផងដែរក្នុងការជួយអ្នកជំងឺកូវីដ ១៩ មិនឲ្យឈឺធ្ងន់ធ្ងរទាំងនៅពិភពលោកខាងត្បូង ក៏ដូចជាប្រទេសកំពុងអភិវឌ្ឍន៍ និងប្រទេសដែលមានសេដ្ឋកិច្ចកំពុងរីកចម្រើនជាដើម ។
![](https://www.kampucheathmey.com/wp-content/uploads/2023/12/COVAX-2.jpg)
អង្គការ WHO បាននិយាយថា បន្ទាប់ពីគម្រោង COVAX បានបិទបញ្ចប់ ប្រទេសដែលមានចំណូលមធ្យមកម្រិតទាប និងទាបនឹងនៅតែបន្តទទួលបានវ៉ាក់សាំងពីអង្គការអន្តរជាតិមួយទៀតមានឈ្មោះថា Gavi ដែលអង្គការមួយនេះក៏ជាសម្ព័ន្ធវ៉ាក់សាំងជាមួយ WHO ផងដែរ ក្នុងរយៈពេល ២ ឆ្នាំខាងមុខ ។
គួរបញ្ជាក់ថា រហូតមកដល់ពេលនេះ ជំងឺកូវីដ ១៩ ដែលផ្ទុះរាលដាលចេញពីទីក្រុងអ៊ូហានប្រទេសចិនកាលពីចុងឆ្នាំ២០១៩ បានឆ្លងទៅដល់មនុស្សលើពិភពលោកជាង ៧០០ លាននាក់ ខណៈមានអ្នកជាសះស្បើយជាង ៦៧១ លាននាក់ និងមានអ្នកស្លាប់ជិត ៧ លាននាក់ ៕
![](https://www.kampucheathmey.com/wp-content/uploads/2023/12/COVAX-5.jpg)
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ WHO ប្រកាសថា មេរោគកូវីដបំប្លែងខ្លួន JN.1 ជាវីរុស គួរឲ្យព្រួយបារម្ភ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១០ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១០ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៤ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៦ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច