ព័ត៌មានអន្ដរជាតិ

អ្នកនិយមទទួលទានក្តាមឆៅ មើលវីដេអូនេះហើយអាចលែងចង់រហូត

បានផុស

៦ ខែ មុន

នៅ

ថ្ងៃសៅរ៍ ២៣ ធ្នូ ២០២៣

ដោយ

នារីវ័យក្មេងម្នាក់ក្នុងប្រទេសថៃ បានបង្ហោះឃ្លិបព្រមានអ្នកនិយមចូលចិត្តញ៉ាំក្តាមឆៅឬយកទៅភ្លាជាអាហារ បន្ទាប់ពីនាងបកវាចេញរួចរាល់ ស្រ្តីរូបនេះបានរកឃើញសត្វដែលមានលក្ខណៈស្រដៀងនឹងដង្កូវ និងប៉ារ៉ាស៊ីតវារចេញពីក្ដាមរវាមពេញចាន។

កាលពីថ្ងៃ២២ ធ្នូ ឆ្នាំ២០២៣ អ្នកប្រើប្រាស់គណនី TikTok ដែលមានឈ្មោះថា boss_posh បានបង្ហោះវីដេអូឃ្លិប ពេលនាងបកក្តាមស្រស់ ឬឆៅមកញ៉ាំភ្លាមៗ។ ប៉ុន្តែក្រោយមកបានឃើញសត្វស្រដៀងនឹងប៉ារ៉ាស៊ីតជាច្រើនក្បាលលូនចេញពីស្នូកក្តាម។ ក្នុងនោះ អ្នកប្រើប្រាស់គណនី TikTok រូបនេះក៏បានបញ្ជាក់ដែរថា “សូមព្រមានសម្រាប់អ្នកចូលចិត្តញ៉ាំក្តាមឆៅ វាមើលស្រៀវណាស់”។

ទោះយ៉ាងណាក៏ដោយ ក្នុងឃ្លិបដដែលនោះគេអាចឃើញស្ត្រីរូបនោះបកក្តាមឆៅហើយដាក់លើចាន។ បន្ទាប់មកមានសត្វដែលមើលទៅដូចជាដង្កូវ ឬប៉ារ៉ាស៊ីតលូនចេញពីស្នូកក្តាម។ ធ្វើឲ្យអ្នកទស្សនាឃ្លិប និងម្ចាស់ឃ្លិបដែលបង្ហោះមានអារម្មណ៍ព្រឺសម្បុរមិនហ៊ានទទួលទានក្តាមឆៅនោះទៀតទេ។

@boss_posh
เตือนภัยคนชอบกินปูดิบ#ขนลุก #น่ากลัวมาก
♬ เสียงต้นฉบับ – nuch – nuch

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទងនឹងបញ្ហានេះ អ្នកលេងអ៊ីនធឺណិតជាច្រើនបានចូលមកបញ្ចេញមតិខុសៗគ្នាថា សត្វដែលលូនចេញពីក្តាមឆៅ គឺជាពពួកប៉ារ៉ាស៊ីតរបស់ក្តាម។ អ្នកខ្លះថាវាជាក្តាម។ លើសពីនេះ ក៏មានព័ត៌មានបន្ថែមថា ក្តាមដែលម្ចាស់ឃ្លិបចែករំលែកនោះ គឺជាក្តាមស្រែ។ មនុស្សជាច្រើនបានផ្តល់អនុសាសន៍ថា ត្រូវស្ងោរមុនពេលញ៉ាំដើម្បីឲ្យវាមានសុវត្ថិភាព។ ជាពិសេសក្នុងឃ្លិបរបស់នាងក៏ត្រូវគេចាត់ទុកជាការព្រមានមួយ សម្រាប់អ្នកដែលចូលចិត្តញ៉ាំអាហារឆៅ គួរតែចម្អិនម្ហូបជាមុនសិន ដើម្បីសុវត្ថិភាពក្នុងការញ៉ាំនិងកុំឲ្យមានមេរោគចូលទៅក្នុងខ្លួន៕

ប្រែសម្រួល៖ សាង ស្រីល័ក្ខ

ប្រភព Thaiger