ព័ត៌មានអន្ដរជាតិ

វៀតណាម រកលុយបានជាង ៤១ លានដុល្លារពីការលក់ឥណទានកាបូនព្រៃឈើ

បានផុស

១ year មុន

នៅ

ថ្ងៃអង្គារ ២៦ ធ្នូ ២០២៣

ដោយ

ប្រទេសវៀតណាមរកចំណូលបានជាង ៤១ លានដុល្លារអាមេរិកពីការលក់ឥណទានកាបូនព្រៃឈើលើផ្ទៃដី ៣.១ លានហិកតា ដែលជាផ្នែកមួយនៃកិច្ចព្រមព្រៀងកាត់បន្ថយការបំភាយឧស្ម័នជាមួយធនាគារពិភពលោក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលក់ឥណទាននេះ ជាកិច្ចព្រមព្រៀងដំបូងស្តីពីការកាត់បន្ថយការបំភាយឧស្ម័នដែលត្រូវបានអនុវត្តដោយជោគជ័យក្នុងប្រទេសវៀតណាម ហើយវាក៏ជាការរួមចំណែកក្នុងការគ្រប់គ្រង និងការពារព្រៃឈើ ក៏ដូចជាលើកកម្ពស់ជីវភាពប្រជាជនជាដើម ។

ទន្ទឹមនោះ សម្រាប់ប្រាក់ចំណូលនេះដែរ ត្រូវបានផ្ទេរទៅខេត្តភាគខាងជើង និងភាគកណ្តាលចំនួន ៦ ក្នុងប្រទេស ដើម្បីបង់ឲ្យម្ចាស់ព្រៃឈើ ប្រជាពលរដ្ឋមូលដ្ឋាន និងសហគមន៍ដើម្បីគ្រប់គ្រង ការពារ និងអភិវឌ្ឍព្រៃឈើបន្ថែមទៀត ។

បន្ទាប់ពីជោគជ័យនៃការសាកល្បងលើគម្រោងដើម្បីកាត់បន្ថយការបំភាយឧស្ម័នផ្ទះកញ្ចក់នៅក្នុងខេត្តទាំង ៦ នោះហើយ តំបន់ជាច្រើនទៀតក្នុងប្រទេសវៀតណាមដែលមានផ្ទៃដីព្រៃឈើធម្មជាតិធំៗ ក៏ដូចជាការពារយ៉ាងល្អ បានត្រៀមខ្លួនរួចរាល់ហើយដើម្បីអនុវត្តកម្មវិធីនេះនាពេលឆាប់ៗខាងមុខ ៕