ព័ត៌មានអន្ដរជាតិ

YouTuber តៃវ៉ាន់ម្នាក់ រៀបចំខួបកំណើត យកមនុស្សស្រីស្រាតដាក់អាហារ Sushi លើរាងកាយ

បានផុស

១ year មុន

នៅ

ថ្ងៃចន្ទ ២៥ ធ្នូ ២០២៣

ដោយ

គេហទំព័រ Nextapple រាយការណ៍ថា Chao Ge ដែលត្រូវបានគេស្គាល់ថាជា YouTuber មានជាងគេនៅតៃវ៉ាន់ បានបង្ហោះរូបភាពនៃពិធីខួបកំណើតមួយ។ គាត់បានកក់អាហារទុក ដើម្បីអបអរថ្ងៃខួបកំណើតដោយអញ្ញើញសុទ្ធតែអ្នកស្គាល់គ្នា។

បន្ទាប់ពីអ្នកលេងអ៊ីនធឺណិតបានឃើញរូបភាពអាហារ ពួកគេមានអារម្មណ៍តក់ស្លុតនៃមុខម្ហូបដ៏ឈ្ងុយឆ្ងាញ់ដែលគាត់បានរៀបចំសម្រាប់ភ្ញៀវដែលមកចូលរួម។ ម៉ឺនុយលេចធ្លោនៃពិធីខួបកំណើតនេះគឺជាស៊ូស៊ី ដែលក្នុងនោះមានអាហារជប៉ុនដូចជា ត្រីឆៅ ស៊ូស៊ី និងចានគ្រឿងសមុទ្រផ្សេងៗត្រូវបានដាក់លើនារីស្រស់ស្អាតម្នាក់ ដេកអាក្រាតកាយនៅលើតុ។ វាដូចជាការប្រើរាងកាយ ជំនួសឲ្យចានអាហារយ៉ាងដូច្នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ Chao Ge បានចេញមុខបញ្ជាក់ថា ពិធីខួបកំណើតគឺជាសិល្បៈសុទ្ធសាធ ហើយមិនពាក់ព័ន្ធនឹងការអាសអាភាស ឬអាក្រាតកាយឡើយ។ ហើយលោកបានសុំកុំឲ្យមនុស្សលើបណ្ដាញសង្គមអ៉ិនធើណេត មានការយល់ច្រឡំ ថានេះជាការបង្ហាញរូបភាពមិនល្អពាក់ព័ន្ធនឹងស្រ្តីឲ្យសោះ។

យ៉ាងណាមិញ សម្រាប់អ្នកលេងអ៊ីនធឺណិតផ្សេងទៀតបានបញ្ចេញមតិជាច្រើនថា វាអស្ចារ្យណាស់ព្រោះពួកគេកម្រឃើញរូបភាពបែបនេះ ជាពិសេសនៅតៃវ៉ាន់។ ស្របពេលដែលមនុស្សមួយចំនួនបាននិយាយដូចៗគ្នាថា សូមឲ្យគាត់សាកល្បងដាក់អាហារនៅក្រោមក្លៀករបស់នាង នោះវានឹងមានក្លិនញើសមិនអាចទទួលទានបាន។

សូមបញ្ចាក់ដែរថា ការដាក់អាហារស៊ូស៊ីលើស្រ្តីអាក្រាតកាយជាប្រពៃណី Nyotaimori ដែលគេស្គាល់ថាជា body sushi មាននៅក្នុងប្រទេសជប៉ុន។ វាជាប្រពៃណីបុរាណនៃការរីករាយជាមួយនឹងអាហារស៊ូស៊ី និងសាស៊ីមីនៅលើខ្លួនស្ត្រីអាក្រាត។ កាលពីបុរាណ ប្រពៃណីនេះត្រូវបានធ្វើឡើងជាពិធីបុណ្យរបស់សាមូរ៉ៃ ដែលបានឈ្នះក្នុងសមរភូមិប្រយុទ្ធតែប៉ុណ្ណោះ៕