ព័ត៌មានអន្ដរជាតិ

បណ្ដាញអ៊ីនធឺណិត បង្ហើបមូលហេតុដែលឆ្មាំំរាជវាំងតែងដួលសន្លប់ក្នុងសកម្មភាពដដែលៗ

បានផុស

១ year មុន

នៅ

ថ្ងៃអង្គារ ២៦ ធ្នូ ២០២៣

ដោយ

ក្នុងនាមជាទាហាន ជាការពិតណាស់ ការអត់ធ្មត់និងសណ្ដាប់ធ្នាប់គឺជាចំណុចខ្លាំងកំពូលនៃអាជីពនេះ។ ប៉ុន្តែពេលហែក្បួនក្រោមពន្លឺព្រះអាទិត្យក្តៅមួយរយៈពេលខ្លី វានឹងមិនភ្ញាក់ផ្អើលទេ ប្រសិនបើទាហានខ្លះដួលសន្លប់។ ប៉ុន្តែអ្វីដែលគួរឲ្យចាប់អារម្មណ៍ជាងនេះទៅទៀតនោះ អ្នកយាមជារឿយៗតែងដួលសន្លប់ក្នុងទីតាំងដូចគ្នា និងដួលផ្កាប់ទៅមុខជានិច្ច។

ទោះយ៉ាងណាក៏ដោយ ដោយសារមនុស្សជាច្រើនបានសង្ស័យលើកម្មភាពនេះមកជាយូរហើយ នាពេលថ្មីៗនេះ អ្នកលេង TikTok ម្នាក់បានបញ្ចាក់ច្បាស់ៗពីមូលហេតុចម្បង ដែលទាហានយាមក្នុងជួរសែរាជវង្សធ្វើដូចៗគ្នា។ តាមរយៈគណនីអ្នកប្រើប្រាស់ TikTok ឈ្មោះ sherifelsahly បានបង្ហាញពីមូលហេតុនោះថា តាមពិតពួកគេម្នាក់ៗបានហាត់រៀនដួលសន្លប់ បើដួលផ្អៀងទៅខាងម្ខាង នោះនឹងចាត់ទុកថាបាត់បង់កិត្តិយស។ មូលហេតុដែលគេធ្វើបែបនោះ គឺដោយសារតែវាមានឈ្មោះពិសេស នោះគឺសន្លប់ដើម្បីទាក់ទាញចំណាប់អារម្មណ៍ ឬចេតនាចង់ដួលសន្លប់។

ការអះអាងរបស់ TikToker រូបនេះ ត្រូវបានបញ្ជាក់ដោយលោកវរសេនីយ៍ឯក Major Dai Bevan ដែលបានដឹកនាំឆ្មាំកិត្តិយស ១០១នាក់ ក្នុងពិធីរៀបអភិសេករបស់ព្រះអង្គម្ចាស់ William និងពិធីរៀបអភិសេករបស់ម្ចាស់ក្សត្រីនៃ Wales ក្នុងឆ្នាំ ២០១១។

ឧត្តមសេនីយ Bevan បាននិយាយថា “ពេលដួល អ្នកត្រូវតែផ្តោតលើការដួលឲ្យបានល្អ។ បើមិនដូច្នោះទេ ច្រមុះអាចកំពិត ហើយបាក់ធ្មេញជាច្រើនផងដែរ។

យ៉ាងណាមិញ ការដួលសន្លប់ពេលដើរក្បួនក្នុងរដូវក្ដៅគឺជារឿងកើតមានជាញឹកញាប់។ ប៉ុន្តែឆ្មាំរាជវង្សគួរដឹងពីដែនកំណត់របស់ខ្លួន ហើយថាតើពួកគេអាចបន្តបំពេញភារកិច្ចបានឬអត់។ ជាងនេះទៅទៀត អ្នកយាមអាចដោះខ្សែស្បែកដែលរុំក្បាលឬបន្ធូរខ្សែរធូរជាងមុន ដើម្បីកាត់បន្ថយហានិភ័យនៃការដួលសន្លប់ ។ លើសពីនេះ ឆ្មាំត្រូវផឹកទឹករហូតដល់ ៥ លីត្រ ដើម្បីរក្សាជាតិទឹកឲ្យបានត្រឹមត្រូវ។ ព្រោះពេលចូលកាន់តំណែង ពួកគេត្រូវតែបំពេញភារកិច្ចរបស់ពួកគេរហូតដល់ការងារត្រូវបានបញ្ចប់៕