ព័ត៌មានអន្ដរជាតិ

គុណភាពខ្យល់នៅទីក្រុងហាណូយធ្លាក់ដល់កម្រិតគ្រោះថ្នាក់

បានផុស

១ year មុន

នៅ

ថ្ងៃពុធ ២៧ ធ្នូ ២០២៣

ដោយ

យោងតាមប្រព័ន្ធត្រួតពិនិត្យខ្យល់របស់ទីក្រុងហាណូយបានឲ្យដឹងថា បច្ចុប្បន្នគុណភាពខ្យល់ (AQI) នៅក្នុងទីក្រុងកំពុងគ្របដណ្ដប់ដោយស្ថានភាពអាសន្នពណ៌ក្រហម និងស្ថិតក្នុងកម្រិតអាក្រក់បំផុតដែលត្រូវបានចាត់ថ្នាក់ជាទីក្រុងមានការបំពុលខ្យល់ខ្ពស់បំផុតលំដាប់ទី ៤ លើពិភពលោក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថានីយ៍ត្រួតពិនិត្យគុណភាពខ្យល់ទាំង ៣៥ របស់មន្ទីរធនធានធម្មជាតិ និងបរិស្ថានទីក្រុងហាណូយសុទ្ធតែបង្ហាញកម្រិតគុណភាពខ្យល់ពី ១០០ ទៅ ៣០០ ដែលជាកម្រិតទាបបំផុត ។ ដោយនៅក្នុងនោះ មានស្ថានីយ៍មួយចំនួនវាស់បានកម្រិតអាក្រក់ខ្លាំងបំផុតរហូតដល់កម្រិត ៣០០ ។

ជាមួយនឹងកម្រិតខ្យល់ពុលនេះដែរ ជំរុញភ្នាក់ងារបរិស្ថានចេញការព្រមានទៅដល់ប្រជាពលរដ្ឋឲ្យកាត់បន្ថយសកម្មភាពនៅខាងក្រៅផងដែរ ។

ទន្ទឹមនឹងនោះ ប្រព័ន្ធសំយោគគុណភាពខ្យល់ IQAir AirVisual នៅប្រទេស្វីស ក៏បានចាត់ចំណាត់ថ្នាក់ទីក្រុងហាណូយជាទីក្រុងដែលមានការបំពុលខ្លាំងបំផុតទី ៣ លើពិភពលោកផងដែរ ។

តាមរយៈរបាយការណ៍ចុងក្រោយរបស់ធនាគារពិភពលោក និងគណៈកម្មាធិការប្រជាជនទីក្រុងហាណូយ បង្ហាញថា មានជាង ៤០ ភាករយនៃចំនួនប្រជាជនទីក្រុង ត្រូវបានប៉ះពាល់នឹងកំហាប់ខ្យល់ពុល PM 2.5 ៕

ប្រែសម្រួល៖ នាង រតនៈ

ប្រភព៖ VN Express