ព័ត៌មានអន្ដរជាតិ
អ្នកជំនាញថៃ ព្រមានផ្ទុះមេរោគហ្ស៊ីកា ក្នុងទីក្រុងបាងកក
អ្នកជំនាញផ្នែកមេរោគរបស់ប្រទេសថៃ បានចេញមុខព្រមានថា ទីក្រុងបាងកក កំពុងប្រឈមនឹងហានិភ័យផ្ទុះវីរុស ហ្ស៊ីកា ហើយអ្នកជំនាញបានក្រើនរំលឹកដល់ប្រជាជនឲ្យការពារខ្លួនពីមូសខាំ។
លោក Yong Poovorawan ប្រធានមជ្ឈមណ្ឌលឧត្តមភាពផ្នែករោគវិទ្យា នៅមហាវិទ្យាល័យវេជ្ជសាស្ត្រនៃសាកលវិទ្យាល័យ Chulalongkorn បានបង្ហោះលើទំព័រ Facebook របស់គាត់ថា ករណីឆ្លងវីរុស Zika ជាច្រើន ត្រូវបានរកឃើញក្នុងទីក្រុងបាងកក សូម្បីតែនៅតាមប្រាសាទ។
ទោះបីជាយ៉ាងណាក៏ដោយ លោកវេជ្ជបណ្ឌិតមិនបានផ្តល់តួលេខពិតនៃករណីឆ្លងក្នុងរាជធានីទេ ប៉ុន្តែសរសេរថា ការឆ្លង អាចបណ្តាលឲ្យស្លាប់មនុស្សមួយចំនួន។ វាក៏អាចបណ្តាលឲ្យកូនមានពិការភាពពីកំណើតផងដែរ ពោលគឺស្ត្រីមានផ្ទៃពោះដែលឆ្លងមេរោគហ្ស៊ីកា អាចផ្តល់កំណើតដល់កូន កើតមកមានពិការភាពខួរក្បាលឬក្បាលតូចជាងធម្មតា។
រោគសញ្ញានៃវីរុសហ្ស៊ីកា គឺស្រដៀងនឹងជំងឺគ្រុនឈាមដែរ ប៉ុន្តែស្ថានភាពអ្នកជំងឺអាចស្រាលជាងបន្តិច ហើយមេរោគនេះ ក៏ចម្លងដោយសត្វមូសខ្លា ស្រដៀងទៅនឹងគ្រុនឈាមដូចគ្នា។
ពិភពលោកបានដាក់ការចាប់អារម្មណ៍ខ្លាំងលើជំងឺហ្ស៊ីកា ជាលើកដំបូងក្នុងឆ្នាំ២០១៥ ដោយសារតែសមត្ថភាពរបស់វា អាចបង្កឲ្យមានពិការភាពពីកំណើតធ្ងន់ធ្ងរចំពោះទារក ដែលកើតចេញពីម្តាយឆ្លងរោគ។ បន្ថែមពីលើការចម្លងពីស្ត្រីមានផ្ទៃពោះទៅទារកក្នុងផ្ទៃ មេរោគ ហ្ស៊ីកា ក៏អាចឆ្លងតាមរយៈទំនាក់ទំនងផ្លូវភេទ ការបញ្ចូលឈាម និងការប្តូរសរីរាង្គ ផងដែរ។
ជាធម្មតា អ្នកជំងឺចេញរោគសញ្ញាក្នុងរយៈពេល ៣ទៅ៧ថ្ងៃក្រោយពេលឆ្លង ហើយអាការរួមមានគ្រុនក្តៅ កន្ទួល ឈឺសន្លាក់ ភ្នែកក្រហម ឈឺក្បាល ឈឺសាច់ដុំ និងអស់កម្លាំង៕
ប្រែសម្រួល៖ Vann Vann
ប្រភព៖ Nation
ចុចអាន៖ អ្នកមានផ្ទៃពោះប្រយ័ត្ន «វីរុសហ្សុីកា» អាចឱ្យកូនកើតមកក្បាលតូច ខូចប្រព័ន្ធប្រសាទ ឬស្លាប់ក្នុងផ្ទៃ
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១១ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ