ព័ត៌មានអន្ដរជាតិ
រុស្ស៊ី ព្រមានជប៉ុន ជុំវិញការបញ្ជូនមីស៊ីល Patriot ទៅ សហរដ្ឋអាមេរិក
ប្រទេសរុស្ស៊ីបានចេញមុខថ្កោលទោស ការសម្រេចចិត្តរបស់ជប៉ុន ចំពោះការបញ្ជូនមីស៊ីលប្រឆាំងយន្តហោះ Patriot PAC-3 ទៅកាន់សហរដ្ឋអាមេរិក ដោយព្រមានថា ទង្វើនេះនឹងជះផលអវិជ្ជមានដល់ទំនាក់ទំនងរវាងទីក្រុងមូស្គូនិងតូក្យូ ជាពិសេសប្រសិនបើមីស៊ីលប្រភេទនេះ ធ្លាយទៅដល់អ៊ុយក្រែន។
ថ្លែងក្នុងសន្និសីទសារព័ត៌មាននៅទីក្រុងមូស្គូកាលពីថ្ងៃពុធទី២៧ខែធ្នូ អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova និយាយថា ចំណាត់ការរបស់ជប៉ុន អាចក្លាយជាការបំផ្លាញស្ថិរភាពក្នុងតំបន់ ក៏ដូចជាពិភពលោកផងដែរ។
លោកស្រីបោះពាក្យថា “រដ្ឋបាលរបស់នាយករដ្ឋមន្ត្រីជប៉ុន Fumio Kishida កំពុងបង្ហាញឲ្យឃើញច្បាស់នូវការដើរបញ្ច្រាស់ទិសពីបទប្បញ្ញត្តិសន្តិភាពនិយមនៃរដ្ឋធម្មនុញ្ញក្រោយសង្គ្រាមរបស់ប្រទេសនេះ។ គួបផ្សំនឹងការពន្លឿនធ្វើទំនើបកម្មយោធាជប៉ុន សកម្មភាពនេះនឹងជះផលអវិជ្ជមានយ៉ាងជាក់ស្តែង ដល់សន្តិសុខពិភពលោក និងក្នុងតំបន់”។
លើសពីនេះ លោកស្រីព្រមានចំៗថា “ប្រសិនបើមីស៊ីល PAC-3 របស់ជប៉ុន ពិតជាបញ្ជូនបន្តទៅប្រទេសអ៊ុយក្រែនមែន នោះ ច្បាស់ណាស់ ទំនាក់ទំនងរវាងរុស្ស៊ីនិងជប៉ុន នឹងត្រូវដាំក្បាលចុះដល់បាតជាក់ជាមិនខាន។ ហើយប្រសិនបើមីស៊ីលរបស់ជប៉ុន ធ្លាក់ទៅដល់ដៃរបស់កងកម្លាំងប្រដាប់អាវុធអ៊ុយក្រែនមែន សកម្មភាពបែបនេះនឹងត្រូវបានចាត់ទុកថាជាអរិភាពចំពោះប្រទេសរុស្ស៊ី ហើយនឹងបង្ហាញពីផលវិបាកធ្ងន់ធ្ងរបំផុតសម្រាប់ប្រទេសជប៉ុន”។
សូមបញ្ជាក់ កាលពីសប្តាហ៍មុន ជប៉ុនបានយល់ព្រមផ្គត់ផ្គង់មីស៊ីល PAC-3 ដែលខ្លួនផលិតក្រោមអាជ្ញាប័ណ្ណរបស់សហរដ្ឋអាមេរិក ទៅឲ្យទីក្រុងវ៉ាស៊ីនតោន បន្ទាប់ពីការបញ្ចប់បម្រាមនាំចេញគ្រឿងសឹកយោធាដែលអនុវត្តក្រោមរដ្ឋធម្មនុញ្ញសន្តិភាពកាលពីឆ្នាំ១៩៤៧។
ឥឡូវ ទីក្រុងតូក្យូ មានសិទ្ធនាំចេញអាវុធយុទ្ធភណ្ឌដែលផលិតនៅក្នុងប្រទេសជប៉ុន ក្រោមអាជ្ញាប័ណ្ណបរទេស ទៅបណ្តាប្រទេសដែលមានអាជ្ញាប័ណ្ណ បានវិញហើយ។
ការពិនិត្យឡើងវិញលើគោលនយោបាយនាំចេញអាវុធរបស់ទីក្រុងតូក្យូ កើតឡើងចំពេល ជប៉ុនចាប់ផ្តើមពង្រឹងវិស័យយោធាឡើងវិញកាលពីឆ្នាំមុន ក្រោមការគ្រប់គ្រងដោយលោក Kishida។ ផែនការពង្រឹងរយៈពេលប្រាំឆ្នាំ អាចធ្វើឲ្យជប៉ុន ក្លាយជាប្រទេសចំណាយលើវិស័យការពារជាតិធំជាងគេលំដាប់ទី៣លើពិភពលោក នៅពីក្រោយតែសហរដ្ឋអាមេរិក និងចិនប៉ុណ្ណោះ៕
ប្រែសម្រួល៖ Vann Vann
ប្រភព៖ RT
ចុចអាន៖ អាមេរិក ចាប់ផ្ដើមបង្ហាត់ទ័ព អ៊ុយក្រែន ឲ្យចេះបាញ់ប្រព័ន្ធការពារមីស៊ីល Patriot
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
ត្រាំ គំរាមដាក់ពន្ធលើសហភាពអឺរ៉ុប និងចិនជាថ្មី ខណៈម៉ិកស៊ិក និងកាណាដា ត្រៀមចាត់វិធានការឆ្លើយតប
សហជីពនៅកម្ពុជា៖ ការស្លាប់របស់លោក លិម គិមយ៉ា ជាឈ្នាន់ដើម្បីក្រុមប្រឆាំងប្រមូលកម្លាំងតវ៉ាករណីកោះគុត
កម្ពុជារកចំណូលបានជាង $៦៧១ លាន ពីការនាំចេញជ័រកៅស៊ូ ខណៈតម្លៃបានកើនជាង ៦០០ ដុល្លារ ក្នុងមួយតោន
លោក ស៊ី និងលោក ពូទីន ពិភាក្សាគ្នាពីទំនាក់ទំនងជាមួយ ត្រាំ អ៊ុយក្រែន និងតៃវ៉ាន់
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់