Breaking News រញ្ជួយដីកម្រិតធ្ងន់ អាចបង្កជារលកយក្សស៊ូណាមិជាថ្មីម្ដងទៀតនៅជប៉ុន

ទីភ្នាក់ងារឧតុនិយមជប៉ុនបានចេញសេចក្តីជូនដំណឹងអំពីគ្រោះរញ្ជួយដីដ៏ធំសម្បើមមួយ កម្រិត៧.៤រ៉ិចទ័រ នៅខេត្ត Ishikawa ស្ថិតនៅភាគកណ្តាលប្រទេសជប៉ុន ដែលអាចបង្កឱ្យមានហានិភ័យនៃរលកយក្សស៊ូណាមិនៅតាមតំបន់ជាប់មាត់សមុទ្រនៃខេត្តIshikawa។

តាមការព្យាករកម្ពស់ទឹកអាចឡើងរហូតដល់ ៥ ម៉ែត្រ នៅ Niigata, Toyama, Yamagata, Fukui និង Hyogo នៅរសៀល ថ្ងៃទី០១ ខែមករា ឆ្នា២០២៤។

ជុំវិញស្ថានការណ៍ដ៏គ្រោះថ្នាក់នេះ ស្ថានឯកអគ្គរាជទូតកម្ពុជាប្រចាំប្រទេសជប៉ុនក៏បានជូនដំណឹងដល់ប្រជាពលរដ្ឋខ្មែរដែល កំពុងរស់នៅតំបន់ខាងលើ ឱ្យមានការប្រុងប្រយ័ត្នខ្ពស់ និងអនុវត្តតាមការណែនាំរបស់អាជ្ញាធរមូលដ្ឋាន។

ក្នុងករណីមានការជម្លៀស ឬប្រសិនប្រជាពលរដ្ឋខ្មែរណាម្នាក់រងផលប៉ះពាល់ ពលរដ្ឋខ្មែអាចដំណឹងទៅស្ថានទូតជាបន្ទាន់តាមរយៈហ្វេសប៊ុកស្ថានទូត Royal Embassy of Cambodia in Japan ឬ ០៨០ ៤៦៨៩ ៩៣៧៤៕