ព័ត៌មានអន្ដរជាតិ
ប្រធានរៀបចំកីឡាអូឡាំពិកទីក្រុងតូក្យូលាលែងពីតំណែង
នៅថ្ងៃសុក្រនេះប្រធានគណៈកម្មាធិការរៀបចំការប្រកួតកីឡាអូឡាំពិក និងប៉ារ៉ាឡាំពិកទីក្រុងតូក្យូឆ្នាំ ២០២០ លោក Mori Yoshiro បានចុះចេញពីតំណែង បន្ទាប់ពីការនិយាយពាក់ព័ន្ធផ្លូវភេទលើស្ត្រី ។
អតីតនាយករដ្ឋមន្រ្តីលោក Mori បាននិយាយកាលពីថ្ងៃទី ៣ ខែកុម្ភៈ ថា ស្រីៗដែលចូលរួមកិច្ចប្រជុំក្រុមប្រឹក្សាគឺចូលចិត្តនិយាយច្រើនពេក ។ ក្រោយមកគាត់បានសុំទោស និងលុបចោលការនិយាយនេះ ។

ទោះយ៉ាងណាការនិយាយបែបនេះបានធ្វើឲ្យមានការរិះគន់យ៉ាងខ្លាំងដែលបណ្តាលឲ្យអ្នកស្ម័គ្រចិត្តរាប់រយនាក់បានឈប់ចូលរួមប្រកួតកីឡាអូឡាំពិកនៅតូក្យូ ។
កាលពីថ្ងៃព្រហស្បតិ៍លោក Mori បានប្រាប់ទៅភាគីពាក់ព័ន្ធអំពីចេតនាចុះចេញពីតំណែងជាប្រធានគណៈកម្មាធិការ ។ តាមសេចក្តីរាយការណ៍បាននិយាយថា គាត់ចង់ទទួលខុសត្រូវចំពោះការនិយាយរបស់គាត់ ។

លោក Mori ដែលបច្ចុប្បន្នមានអាយុ ៨៣ ឆ្នាំបានឈ្នះអាសនៈមួយនៅក្នុងសភាជាន់ទាបដែលគេហៅថា សភា Diet នៅឆ្នាំ ១៩៦៩ នៃគណបក្សប្រជាធិបតេយ្យសេរី (LDP) ហើយវាជាការឈ្នះឆ្នោតលើកដំបូងក្នុងចំណោម ១៤ លើកជាប់គ្នា ។ បន្ទាប់ពីបានបម្រើការនៅក្នុងតំណែងសំខាន់ៗរបស់រដ្ឋាភិបាល និងគណបក្ស លោកបានធ្វើជានាយករដ្ឋមន្រ្តីប្រហែលមួយឆ្នាំគិតចាប់ពីខែមេសា ឆ្នាំ ២០០០ ។

គាត់បានចូលនិវត្តន៍ពីនយោបាយក្នុងឆ្នាំ ២០១២ ហើយបានកាន់តំណែងជាប្រធានគណៈកម្មាធិការរៀបចំការប្រកួតអូឡាំពិក និងប៉ារ៉ាឡាំពិកនៅពីរឆ្នាំក្រោយមក ហើយគាត់ជាបុគ្គលសំខាន់បានដឹកនាំការខិតខំដើម្បីរៀបចំព្រឹត្តិការណ៍មួយនេះ ៕

ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ជប៉ុនរកឃើញវីរុសកូរ៉ូណាបម្លែងខ្លួនប្រភេទថ្មីលើមនុស្សដែលគ្មានប្រវត្តិធ្វើដំណើរទៅអង់គ្លេស
ចុចអាន ៖ ព្រិលធ្លាក់ខ្លាំងនៅជប៉ុនសម្លាប់មនុស្ស ៨ នាក់ បង្កគ្រោះថ្នាក់រាប់រយនាក់

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ