ព័ត៌មានអន្ដរជាតិ
កូរ៉េខាងជើង បាញ់ផ្លោងកាំភ្លើងធំប្រមាណ ២០០ គ្រាប់ ចំពេល អាមេរិក-កូរ៉េខាងត្បូង កំពុងធ្វើសមយុទ្ធ
យោងតាមការចុះផ្សាយរបស់ទីភ្នាក់ងារព័ត៌មាន Yonhap បានឲ្យដឹងថា កូរ៉េខាងជើងនៅព្រឹកថ្ងៃសុក្រនេះបានបាញ់ផ្លោងកាំភ្លើងធំប្រមាណ ២០០ គ្រាប់ហោះចូលទៅក្នុងដែនទឹកនៃឆ្នេរសមុទ្រភាគខាងលិច ចំពេលដែលកូរ៉េខាងត្បូង និងសហរដ្ឋអាមេរិកកំពុងធ្វើសមយុទ្ធបាញ់គ្រាប់ពិត ។

ទន្ទឹមនោះ អគ្គសេនាធិការចម្រុះរបស់កូរ៉េខាងត្បូង (JCS) បញ្ជាក់ថាបានប្រទះឃើញការបាញ់កាំភ្លើងធំហោះចេញពីតំបន់ Jangsan Cape និងតំបន់ Deungsan Cape ស្ថិតនៅភាគខាងជើងកោះ Baengnyeong និងកោះ Yeonpyeong របស់កូរ៉េខាងត្បូង ចាប់ពីម៉ោង ៩ ព្រឹកដល់ម៉ោង ១១ ព្រឹក ។
JCS បានឲ្យដឹងទៀតថា គ្រាប់កាំភ្លើងធំទាំងនោះបានហោះផ្លោងធ្លាក់ចូលទៅក្នុងតំបន់ការពារដែនសមុទ្រស្ថិតនៅភាគខាងជើងនៃខ្សែបន្ទាត់ Northern Limit Line (NLL) ដែលជាព្រំដែនទឹកបែងចែកកូរ៉េទាំងពីរនៅក្នុងសមុទ្រលឿង ខណៈខាងយោធាកូរ៉េខាងត្បូងបានហៅទង្វើរបស់រដ្ឋាភិបាលរបស់លោក គីម ជុងអ៊ុន ថាជាទង្វើបង្កហេតុ ហើយបានព្រមានឆ្លើយតបយ៉ាងចាស់ដៃទៅវិញផងដែរ ។

ពាក់ព័ន្ធនឹងការបាញ់ផ្លោងកាំភ្លើងធំនេះទៀតសោត កូរ៉េខាងត្បូងក៏បានជម្លៀសជនស៊ីវិលដែលកំពុងរស់នៅលើកោះ Yeonpyeong ប្រមាណជា ២ លើកផងដែរ ដើម្បីការពារសុខសុវត្ថិភាពពលរដ្ឋរបស់ខ្លួនពីការធ្លាក់គ្រាប់ចំជាយថាហេតុ ។
គួរបញ្ជាក់ថា រដ្ឋាភិបាលទីក្រុងព្យុងយ៉ាងបានបាញ់កាំភ្លើងធំចុងក្រោយបង្អស់ និងផ្លោងធ្លាក់ចូលទៅក្នុងតំបន់ការពារដែនទឹកនៃសមុទ្រខាងកើតកាលពីថ្ងៃទី៦ ខែធ្នូ ឆ្នាំ ២០២២ ខណៈការបាញ់នោះ កូរ៉េខាងត្បូងបានចោទកូរ៉េខាងជើងបំពានលើកិច្ចព្រមព្រៀងយោធាឆ្នាំ ២០១៨ ៕
ប្រែសម្រួលដោយ ៖ ជីវ័ន្ត
ចុចអាន ៖ អាមេរិក-កូរ៉េខាងត្បូង ធ្វើសមយុទ្ធបាញ់គ្រាប់ពិត នៅកៀកព្រំដែន កូរ៉េខាងជើង

-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
ព័ត៌មានអន្ដរជាតិ១០ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់