ព័ត៌មានអន្ដរជាតិ

Elon Musk គឺជាអ្នកមានជាងគេបំផុតលើលោកប្រចាំឆ្នាំ ២០២៣

បានផុស

១ year មុន

នៅ

ថ្ងៃសុក្រ ៥ មករា ២០២៤

ដោយ

ក្រោយរបូតងារអស់រយៈពេលច្រើនខែ ពេលនេះ Elon Musk ទទួលតំណែងជាមហាសេដ្ឋីលំដាប់ពិភពលោកវិញ ដោយវ៉ាដាច់លោក Bernard Arnault ដែលជានាយកប្រតិបត្តិនៃអាណាចក្រទំនិញប្រណីតរបស់បារាំង LVMH។

ទ្រព្យសម្បត្តិសរុបរបស់នាយកប្រតិបត្តិ Tesla ឥឡូវនេះមានចំនួន ១៩២ ពាន់លានដុល្លារ នេះបើយោងតាម Investopedia ខណៈដែល Arnault បែរជាធ្លាក់ចុះមកត្រឹម ១៨៧ពាន់លានដុល្លារ បន្ទាប់ពីភាគហ៊ុនរបស់ក្រុមហ៊ុនរបស់គាត់បានធ្លាក់ចុះ ២.៦% កាលពីថ្ងៃពុធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ តំណែងជាមហាសេដ្ឋីលេខ១របស់ពិភពលោកធ្លាប់បានគ្រប់គ្រងដោយលោក Arnault កាលពីខែធ្នូឆ្នាំមុន បន្ទាប់ពីភាគហ៊ុន Tesla បានធ្លាក់ចុះជាង ៥០% ក្នុងរយៈពេលពីរបីខែ។ គាត់បានយកតំណែងនេះមកវិញយ៉ាងខ្លីក្នុងខែមីនា រហូតដល់ការប្រមូលផ្តុំនៅក្នុងភាគហ៊ុន Tesla បានជាប់គាំងក្នុងខែមេសា។ Tesla ទទួលបានសន្ទុះកើនឡើងរបស់ខ្លួនក្នុងខែឧសភា ដោយជំរុញឲ្យភាគហ៊ុនកើនឡើងប្រហែល ៦៤% ពីមួយឆ្នាំទៅមួយឆ្នាំ។ ក្នុងពេលដែល LVMH កើនឡើងប្រហែល ១៨% ប៉ុណ្តោះ មកទល់ពេលនេះ។

លើសពីនេះទៀត ទ្រព្យសម្បត្តិរបស់ Elon Musk មានទំនាក់ទំនងយ៉ាងជិតស្និទ្ធជាមួយនឹងភាគហ៊ុនរបស់គាត់នៅក្នុងក្រុមហ៊ុន Tesla ដែលគាត់កាន់កាប់ប្រហែល ១៣% ។ នោះបាននាំឲ្យមានការកើនឡើង ៥៥ ពាន់លានដុល្លារនៃទ្រព្យសម្បត្តិរបស់គាត់នៅឆ្នាំនេះតែម្នាក់ឯង។ ចំណែកឯការវិនិយោគ Tesla របស់ Elon Musk គឺប្រសើរជាងការទិញ Twitter របស់គាត់ ដែល Fidelity ជឿជាក់ថាឥឡូវនេះមានតម្លៃត្រឹមតែ ៣៣% នៃតម្លៃទិញយកដំបូងចំនួន ៤៤ពាន់លានដុល្លារ។

គួរបញ្ចាក់ដែរថា Elon Musk បានក្លាយជា CEO របស់ក្រុមហ៊ុន Tesla ក្នុងឆ្នាំ ២០០៨ ហើយចូលកាន់តំណែងជាក្រុមហ៊ុនសាធារណៈក្នុងឆ្នាំ ២០១០។ ទីផ្សារភាគហ៊ុនបានកើនឡើងច្រើនដងជាងឆ្នាំ ២០២០ និង ២០២១ ដែលធ្វើឲ្យលោកក្លាយជាអ្នកមានដំបូងនៅលើពិភពលោកក្នុងខែកញ្ញា ឆ្នាំ ២០២១៕