ប្រទេសចិន ប្រកាសដាក់ទណ្ឌកម្មលើក្រុមហ៊ុនវិស័យការពារសុវត្ថិភាពរបស់សហរដ្ឋអាមេរិកចំនួន៥

ប្រទេសចិនបានប្រកាសដាក់ទណ្ឌកម្មលើក្រុមហ៊ុនវិស័យការពារសុវត្ថិភាពរបស់សហរដ្ឋអាមេរិកចំនួន៥ បន្ទាប់ពីបានរកឃើញថា ក្រុមហ៊ុនទាំងនេះបានលក់សព្វាវុធទៅឱ្យតៃវ៉ាន់ ខណៈដែលដែនកោះមួយនេះកំពុងរៀបចំការបោះឆ្នោតជ្រើសរើសប្រធានាធិបតី ដែលនឹងប្រព្រឹត្តឡើងនៅថ្ងៃទី១៣ ខែមករា ខាងមុខ។

ចិនបានចាត់ទុកតៃវ៉ាន់ជាទឹកដីគ្រប់គ្រងតាមបែបប្រជាធិបតេយ្យដែលជាការទាមទាររបស់រដ្ឋាភិបាលតៃវ៉ាន់ ប៉ុន្តែការលក់អាវុធរបស់សហរដ្ឋអាមេរិកទៅឱ្យតៃវ៉ាន់គឺជាប្រភពនៃភាពតាតានតឹងរវាងក្រុងប៉េកាំងនិងក្រុងវ៉ាស៊ីនតោន។

ទាក់ទងនឹងការដាក់ទណ្ឌកម្មនេះដែរ ក្រសួងការបរទេសចិនបាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា គឺជាការឆ្លើយតបទៅនឹងសកម្មភាពខុសធ្ងន់ធ្ងរដែលធ្វើឡើងដោយសហរដ្ឋអាមេរិក។ ក្រសួងការបរទេសចិនបានបញ្ជាក់ថា សកម្មភាពរបស់អាមេរិកនេះ បានធ្វើឱ្យប៉ះពាល់យ៉ាងធ្ងន់ធ្ងរដល់អធិបតេយ្យភាព និងផលប្រយោជន៍សន្តិសុខរបស់ចិន ធ្វើឱ្យខូចសន្តិភាព និងស្ថិរភាពនៅទូទាំងច្រកសមុទ្រតៃវ៉ាន់ ។

ជាមួយគ្នានេះដែរ ក្រសួងការបរទេសចិនបាននិយាយថា ប្រទេសចិននឹងបង្កកទ្រព្យសម្បត្តិរបស់ក្រុមហ៊ុន និងហាមប្រាមមនុស្សពាក់ព័ន្ធមិនឱ្យចូលក្នុងប្រទេសរបស់ខ្លួនឡើយ ដោយក្រុមហ៊ុនទាំងនោះមានដូចជា BAE Systems Land and Armament, Alliant Techsystems Operation, AeroVironment, ViaSat និង Data Link Solutions ៕

ប្រែសម្រួលដោយ÷ កុសល

ប្រភព÷ BBC