អង្គរវត្ត ជាប់ឈ្មោះជា ទីតាំងប្រវត្តិសាស្រ្តដែលមនុស្សលោក គួរទៅលេងឲ្យបានម្តង ក្នុងមួយឆាកជីវិត 

ប្រាសាទអង្គរវត្តរបស់ព្រះរាជាណាចក្រប្រទេសកម្ពុជា ត្រូវបានគេហទំព័រទេសចរណ៍ Trips to World ដាក់ឈ្មោះជា ទីតាំងប្រវត្តិសាស្រ្តដែលមនុស្សលោកគួរទៅលេងកម្សាន្តឲ្យបានម្តង ក្នុងមួយឆាកជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមទីតាំងទាំង១០ ដែលគេហទំព័រនេះចុចឈ្មោះ គឺមិនមានប្រទេសអាស៊ីអាគ្នេយ៍ផ្សេងណា ក្រៅពីកម្ពុជាឡើយ ដែលនេះសបញ្ជាក់ពីភាពអស្ចារ្យនិងកេរ្តិ៍ឈ្មោះល្បីល្បាញជាសកលរបស់ប្រាសាទអង្គរវត្ត។ 

ភ្ជាប់ជាមួយរូបថតប្រាសាទអង្គរវត្ត គេហទំព័រ Trip to World បានសរសេរខ្លឹមសារថា “លាក់ខ្លួនក្នុងព្រៃប្រឹក្សានៃប្រទេសកម្ពុជា អង្គរវត្ត គឺជាវិមានសាសនាដ៏ធំបំផុតលើពិភពលោក។ ពិតជាអស្ចារ្យជាមួយនឹង​ចម្លាក់​ដ៏​វិសេសវិសាល ការទស្សនា​ប្រាសាទ​ដ៏​ធំ​ល្វឹងល្វើយ និង​មើល​​ថ្ងៃ​រះ​លើ​កំពូល​ដែល​មាន​រាង​ដូច​ផ្កាឈូក។ ត្រៀមខ្លួនទៅលេងអង្គរវត្តហើយឬនៅ? ចាំអីទៀត តស់រៀបគម្រោងទៅផ្សងព្រេងនៅកម្ពុជា ថ្ងៃនេះ!”។

សូមបញ្ជាក់ថា ក្រៅពីអង្គរវត្ត, ទីតាំងប្រវត្តិសាស្រ្តដែលមនុស្សលោកគួរទៅលេងកម្សាន្តឲ្យបានម្តង ក្នុងមួយឆាកជីវិតរបស់ Trip to World មានដូចជា៖

• បន្ទាយ Machu Picchu ប្រទេសប៉េរូ
• មហាកំផែង ប្រទេសចិន
• ប្រាសាទ Petra ប្រទេសហ្សកដានី
• ប្រាសាទ Colosseum ប្រទេសអ៊ីតាលី
• ប្រាសាទ Taj Mahal ប្រទេសឥណ្ឌា
• ប្រាសាទ Acropolis ប្រទេសក្រិក
• កោះ Easter ប្រទេសឈីលី
• ប្រាសាទពីរ៉ាមីដ ប្រទេសអេហ្ស៊ីប
• ប្រាសាទ Chichen Itza ប្រទេសម៉ិកស៊ិក

ប្រែសម្រួល៖ Vann Vann

ប្រភព៖ Trips to World

ចុចអាន៖ កាសែតអាមេរិក ផ្សាយឲ្យអ្នកទេសចរ មកលេងខេត្តសៀមរាប ក្នុងឆ្នាំ២០២៤នេះ