Connect with us

ព័ត៌មានអន្ដរជាតិ

អង់គ្លេស៖ បើតាមក្រឡាដើរពេលនេះ រុស្ស៊ី នឹងស្លាប់ទាហាន ៥០ម៉ឺននាក់ ត្រឹមចុងឆ្នាំ២០២៤

បានផុស

នៅ

ក្រសួងការពារជាតិអង់គ្លេសបានបង្ហើបឲ្យដឹងកាលពីថ្ងៃចន្ទទី៨ខែមករាថា បើតាមក្រឡាដើររបស់រុស្ស៊ីពេលនេះ លោក ពូទីន កំពុងឈានទៅរកការស្លាប់ទាហានសរុប ៥០០០០០នាក់ នៅត្រឹមចុងឆ្នាំ២០២៤។

(រូបថត៖ Getty)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ពីក្រសួង ចំនួនទាហានរុស្ស៊ីស្លាប់ជាមធ្យមប្រចាំថ្ងៃក្នុងឆ្នាំនេះ គឺលើសពីឆ្នាំ២០២៣ ប្រហែល៣០០នាក់។ ដូចនេះហើយ ទម្រាំតែដាច់ឆ្នាំ២០២៤ តួលេខទាហានរុស្ស៊ីបាត់បង់ជីវិតសរុប នឹងឈានដល់៥០០០០០នាក់ ជាក់ជាមិនខាន។

ក្រសួងបន្តថា អត្រាស្លាប់កើនឡើងនេះ គឺឆ្លុះបញ្ចាំងពីគុណភាពដ៏អន់ខ្សោយនៃកងទ័ពរបស់លោក ពូទីន បន្ទាប់ពីយុទ្ធនាការកែនទ័ពក្នុងខែកញ្ញាឆ្នាំ២០២២ ដែលកាលនោះ ទីក្រុងមូស្គូកែនបានទ័ពបន្ថែម ៣០០០០០នាក់។ វាក៏ឆ្លុះបញ្ចាំងផងដែរ អំពីការបង្ខំចិត្តបញ្ជូនទាហានដែលមិនបានហ្វឹកហាត់ដិតដល់ ឲ្យទៅធ្វើសង្គ្រាមជាមួយអ៊ុយក្រែនហើយស្លាប់ក្នុងសមរភូមិ។

(រូបថត៖ AP)

ការវាយតម្លៃនេះកើតឡើង បន្ទាប់ពីលោក ពូទីន បាញ់មីស៊ីលល្បឿនលឿនជាងសំឡេង យ៉ាងសន្ធាប់នៅទូទាំងប្រទេសអ៊ុយក្រែន។ ជនស៊ីវិលចំនួន៤នាក់ ត្រូវគេរាយការណ៍ថាបាត់បង់ជីវិត និងយ៉ាងហោចណាស់៣០នាក់ រងរបួសក្នុងការវាយប្រហារ នៅភាគខាងកើតនិងកណ្តាលប្រទេសអ៊ុយក្រែន។

ទោះបីជាយ៉ាងណាក៏ដោយ ទីក្រុងកៀវ​បានអះអាង​កម្ទេចមីស៊ីល​ចំនួន១៨គ្រាប់ ​ក្នុង​ចំណោមមីស៊ីលទាំង៥១គ្រាប់ដែល​​បាញ់មកលើខ្លួន។

(រូបថត៖ ការិយាល័យរដ្ឋអាជ្ញាអ៊ុយក្រែន)

សូមបញ្ជាក់ជាថ្មី នៅថ្ងៃទី២៤ខែកុម្ភៈឆ្នាំ២០២២ រុស្ស៊ី បានបើកប្រតិបត្តិការយោធាពិសេសក្នុងប្រទេសអ៊ុយក្រែន ក្នុងគោលបំណងរំដោះតំបន់ Donbass ព្រោះថាបើយោងតាមភាគីរុស្ស៊ី, នៅទីនោះប្រជាជននៃសាធារណរដ្ឋ Donetsk និង Lugansk បានរស់នៅក្រោមគ្រាប់ផ្លោងរបស់កងកម្លាំងទីក្រុងកៀវ សឹងរាល់ថ្ងៃ។ 

មិនត្រឹមប៉ុណ្ណឹង ទីក្រុងមូស្គូថែមទាំងអះអាងដែរថា ខ្លួនចង់លុបបំបាត់មនោគមវិជ្ជាណាស៊ី ក៏ដូចជាភាពគ្មានយោធារបស់អ៊ុយក្រែន ទៀតផង៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី-អ៊ុយក្រែន ដោះដូរឈ្លើយសឹកទ្រង់ទ្រាយធំ អបអរឆ្នាំថ្មី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន

ព័ត៌មានជាតិ៤ ម៉ោង មុន

ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ

ព័ត៌មានជាតិ៥ ម៉ោង មុន

នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន

ព័ត៌មានជាតិ៥ ម៉ោង មុន

នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ

ព័ត៌មានជាតិ៥ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

សន្តិសុខសង្គម១០ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ៨ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៤ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៥ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ៧ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម