រាជធានីភ្នំពេញ ជាប់លេខ៩លើលោក ជាទិសដៅទេសចរណ៍ពេញនិយម ក្នុងឆ្នាំ២០២៤

ក្រោយវិបត្តិជំងឺរាតត្បាតកូវីដ១៩ធូរស្បើយ វិស័យទេសចរណ៍សកលលោក បានហក់ឡើងសាជាថ្មី ដោយមនុស្សនាំគ្នាចេញដើរលេងកម្សាន្តតាមតំបន់នានា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឆ្នាំ២០២៤ ក្រុមអ្នកជំនាញបានចេញការព្យាករថា កំណើនទេសចរណ៍ ក៏នៅតែហក់ឡើងខ្ពស់ដដែល មិនចាញ់ឆ្នាំ២០២៣ទេ ឬអាចលើសនោះទៀត។

កាលពីថ្ងៃពុធទី១០ខែមករា គេហទំព័រទេសចរណ៍ដ៏ល្បីល្បាញ Trip advisor បានចេញបញ្ជីទិសដៅទេសចរណ៍ពេញនិយមទាំង១០ជាសកល សម្រាប់ឆ្នាំ២០២៤ ដោយក្នុងនោះ រាជធានីភ្នំពេញរបស់កម្ពុជា ​ជាប់នៅចំណាប់ថ្នាក់ទី៩ ឈរពីលើទីក្រុង គូឡាឡាំពួ របស់ម៉ាឡេស៊ី។

សម្រាប់ទិសដៅជាប់លេខមួយ គឺបានទៅលើទីក្រុងតូក្យូរបស់ប្រទេសជប៉ុន រីឯលេខ២បានទៅលើទីក្រុងសេអ៊ូល ប្រទេសកូរ៉េខាងត្បូង ហើយអ្វីដែលគួរឲ្យកត់សម្គាល់បំផុតគឺថា ក្នុងចំណោមទិសដៅទាំង១០ គឺមាន៦ទៅហើយ ដែលស្ថិតនៅតំបន់អាស៊ីអាគ្នេយ៍។

សម្រាប់ទិសដៅដែលជាប់ក្នុងបញ្ជី គឺត្រូវបាន Trip advisor គិតគូរលើកត្តាជាច្រើនដូចជាសណ្ឋាគារ ទីតាំងលេងកម្សាន្ត ភាពសុខដុមរមនា និងកំណើនសេដ្ឋកិច្ចជាដើម។

ខាងក្រោមនេះ គឺជាទិសដៅទេសចរណ៍ពេញនិយមទាំង១០ជាសកល សម្រាប់ឆ្នាំ២០២៤៖

1. ទីក្រុងតូក្យូ ប្រទេសជប៉ុន
2. ទីក្រុងសេអ៊ូល ប្រទេសកូរ៉េខាងត្បូង
3. ឆ្នេរសមុទ្រហាឡុង ប្រទេសវៀតណាម
4. កោះប៉ាឡាវ៉ាន់ ប្រទេសហ្វីលីពីន
5. ក្រុងសាប៉ា ប្រទេសវៀតណាម
6. ទីក្រុងបូហ្គោតា ប្រទេសកូឡុំប៊ី
7. ទីក្រុងប៉ាតាយ៉ា ប្រទេសថៃ
8. ទីក្រុងអាឡាជូអេឡា ប្រទេសកូស្តារីកា
9. ទីក្រុងភ្នំពេញ ប្រទេសកម្ពុជា
10. ទីក្រុងគូឡាឡាំពួ ប្រទេសម៉ាឡេស៊ី

ប្រែសម្រួល៖ Vann Vann

ប្រភព៖ Trip advisor 

ចុចអាន៖ អង្គរវត្ត ជាប់ឈ្មោះជា ទីតាំងប្រវត្តិសាស្រ្តដែលមនុស្សលោក គួរទៅលេងឲ្យបានម្តង ក្នុងមួយឆាកជីវិត