ផ្ទុះឆេះរោងចក្រផលិតផាវនៅឥណ្ឌាស្លាប់ និងរបួស ៣៥ នាក់

ប្រព័ន្ធផ្សព្វផ្សាយឥណ្ឌាបានរាយការណ៍ថា យ៉ាងហោចណាស់មនុស្ស ១៥ នាក់បានស្លាប់ និងជាង ២០ នាក់ទៀតបានរងរបួសដោយសារការផ្ទុះនៅក្នុងរោងចក្រផលិតផាវនៅរដ្ឋ Tamil Nadu ភាគខាងត្បូងប្រទេសឥណ្ឌា ។

ស្ថានីយទូរទស្សន៍ NDTV បានរាយការណ៍កាលពីល្ងាចថ្ងៃសុក្រថា ឧប្បត្តិហេតុនេះបានកើតឡើងនៅក្នុងស្រុក Virudhunagar ។

មន្រ្តីមកពីនាយកដ្ឋានពន្លត់អគ្គិភ័យក្នុងស្រុកបានប្រាប់ទូរទស្សន៍ NDTV ថា “ការប៉ះគ្នាក្នុងពេលលាយសារធាតុគីមីហាក់ដូចជាបណ្តាលឲ្យផ្ទុះរោងចក្រនេះ” ។

ទន្ទឹមនោះនាយករដ្ឋមន្រ្តីឥណ្ឌាលោក Narendra Modi បានសម្តែងសមានទុក្ខចំពោះការផ្ទុះដ៏សាហាវនេះផងដែរ ។

លោក Modi បានសរសេរលើបណ្ដាញ Twitter ថា “អគ្គិភ័យនៅរោងចក្រផលិតផាវនៅស្រុក Virudhunagar រដ្ឋ Tamil Nadu កំពុងក្រៀមក្រំណាស់ ។ ក្នុងរយៈពេលដ៏ទុក្ខព្រួយនេះចិត្តរបស់ខ្ញុំគឺនៅជាមួយក្រុមគ្រួសារដែលបាត់បង់ជីវិត ។ ខ្ញុំសង្ឃឹមថាអ្នករងរបួសឆាប់ជាសះស្បើយ ។ អាជ្ញាធរកំពុងធ្វើការនៅមូលដ្ឋានដើម្បីជួយដល់អ្នកដែលរងផលប៉ះពាល់” ។

ស្របពេលជាមួយគ្នានេះរដ្ឋាភិបាលឥណ្ឌាក៏នឹងផ្តល់ប្រាក់ចំនួន ២,៧០០ ដុល្លារដល់គ្រួសារនៃអ្នកដែលបានស្លាប់ និង ៦៧៨ ដុល្លារសម្រាប់អ្នកដែលរងរបួស ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ចម្លែក! ប្តីប្រពន្ធឥណ្ឌាមួយគូរៀបកានៅក្រោមទឹក (មានវីដេអូ)

ចុចអាន ៖ ឥណ្ឌាប្រើសុនខ ហិតក្លិនរកជំងឺកូវីដ ១៩ លើកងទ័ព (មានវីដេអូ)