ព័ត៌មានអន្ដរជាតិ

ចិន វ៉ាដាច់ ជប៉ុន ជាប្រទេសនាំចេញរថយន្តលំដាប់កំពូលលើពិភពលោក

បានផុស

១ year មុន

នៅ

ថ្ងៃសុក្រ ១២ មករា ២០២៤

ដោយ

ប្រទេសចិនដោយយោងទៅតាមទិន្នន័យនាំចេញរថយន្ត ធៀបនឹងប្រទេសនាំចេញកំពូលៗផ្សេងទៀត បានឡើងឈរលើជប៉ុន ក្លាយជាប្រទេសកំពូលលើការផ្គត់ផ្គង់រថយន្តទៅកាន់ទីផ្សារពិភពលោក គិតត្រឹមឆ្នាំ២០២៣ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យពីសមាគមផលិតរថយន្តចិន (CPCA) បានបង្ហាញថា ចិនបាននាំចេញរថយន្តប្រមាណ ៥.២៦ លានគ្រឿង រួមមានរថយន្តអ្នកដំណើរ រថយន្តក្រុង រថយន្តដឹកទំនិញ ត្រឹមឆ្នាំ២០២៣ ដែលមានកំណើន ៥៦ ភាគរយច្រើនជាងឆ្នាំមុនៗ និងមានតម្លៃសរុបប្រមាណ ១០២ ពាន់លានដុល្លារអាមេរិក ។

ដោយឡែក ទិន្នន័យពីសារព័ត៌មាន CNN បានបង្ហាញពីការនាំចេញរបស់ប្រទេសជប៉ុន ដែលជាប្រទេសនាំមុខគេក្នុងការនាំចេញរថយន្តគឺមានប្រមាណ ៤.៣ លានគ្រឿង គិតក្នុងរយៈពេលដដែលត្រឹម ២០២៣ ធៀបនឹងប្រទេសចិន គឺនៅពីក្រោយតួលេខនាំចេញរបស់ចិន ប្រមាណជិត ១ លានគ្រឿង ។

ចំណែកតាមប្រភពព័ត៌មានជប៉ុន NHK ការនាំចេញរថយន្តរបស់ចិនកើនឡើងច្រើន ក្នុងនោះក៏ដោយសារមានតម្រូវការខ្លាំងទៅលើប្រភេទរថយន្តអគ្គិសនី (EV) នៅជុំវិញពិភពលោក ។ ទន្ទឹមនឹងនោះ កំណើននាំចេញរថយន្តរបស់ចិនកំពុងត្រូវប៉ាន់នៅក្នុងទីផ្សារប្រទេសរុស្ស៊ី ដោយមូលហេតុថា ប្រទេសមួយចំនួនឈប់នាំចេញទៅទីផ្សាររុស្ស៊ី ក្រោយពីកើតមានព្រឹត្តិការណ៍លុកលុយទៅលើប្រទេសអ៊ុយក្រែន៕

អត្ថបទដោយ៖ មាន រតនា

ចុចអាន៖ អ្នកសេដ្ឋកិច្ច៖ កម្ពុជា នឹងក្លាយជាប្រទេសនាំចេញរថយន្តទៅអាស៊ាន និងពិភពលោក