ព័ត៌មានអន្ដរជាតិ
បក្សកាន់អំណាច តៃវ៉ាន់ បន្តឈ្នះឆ្នោតជាប្រធានាធិបតីមែន ប៉ុន្តែចាញ់អាសនៈនៅក្នុងសភា
ពលរដ្ឋតៃវ៉ាន់នៅតែផ្ដល់សេចក្ដីទុកចិត្តបោះឆ្នោតឲ្យលោក Lai Ching-te មកពីគណបក្សវឌ្ឍនភាពប្រជាធិបតេយ្យ (DPP) ឈ្នះតំណែងប្រធានាធិបតីដោយទទួលបានសំឡេងជិត ៥.៦ លានសំឡេង ឬ ៤០ ភាគរយនៃសំឡេងឆ្នោតបានការ ប៉ុន្តែបក្សកំពុងកាន់អំណាចមួយនេះបែរជាចាញ់សំឡេងឆ្នោតនៅក្នុងសភា ។
![](https://www.kampucheathmey.com/wp-content/uploads/2024/01/Lai-5.jpg)
យោងតាមគណៈកម្មាធិការរៀបចំការបោះឆ្នោតតៃវ៉ាន់បានឲ្យដឹងថា នៅក្នុងការបោះឆ្នោតសភាកាលពីថ្ងៃសៅរ៍ ទី១៣ ខែមករា គណបក្ស Kuomintang (KMT) ដែលជាបក្សប្រឆាំងដ៏ធំបំផុតរបស់តៃវ៉ាន់ បានឈ្នះអាសនៈសភាចំនួន ៥២ ក្នុងចំណោមអាសនៈចំនួន ១១៣ របស់សភា ។ ចំណែកគណបក្ស DPP ដណ្តើមបាន ៥១ អាសនៈ ខណៈគណបក្សប្រជាជនតៃវ៉ាន់ (TPP) ទទួលបាន ៨ អាសនៈ ។
ទូរទស្សន៍ជប៉ុន NHK បានរាយការណ៍ថា ការចាញ់សំឡេងឆ្នោតក្នុងសភារបស់គណបក្ស DPP ហាក់ដូចជាឆ្លុះបញ្ចាំងពីការថ្នាំងថ្នាក់ចិត្តជាសាធារណៈចំពោះការកើនឡើងថ្លៃផ្ទះ និងបញ្ហាផ្លូវចិត្តរបស់ពលរដ្ឋពាក់ព័ន្ធនឹងរឿងរ៉ាវជាមួយចិនក្រោមការក្ដោបក្ដាប់អំណាចដោយឯកបក្សអស់រយៈពេលជិត ១០ ឆ្នាំមកនេះ ។
![](https://www.kampucheathmey.com/wp-content/uploads/2024/01/Taiwan-35.jpg)
ពាក់ព័ន្ធនឹងបញ្ហានេះដែរ លោក Lai បានលើកឡើងថា ការបរាជ័យរបស់គណបក្ស DPP ក្នុងការកាន់កាប់សំឡេងភាគច្រើននៅក្នុងសភាមានន័យថា កិច្ចខិតខំប្រឹងប្រែងរបស់គណបក្សគឺមិនទាន់គ្រប់ជ្រុងជ្រោយនៅឡើយនោះទេ ប៉ុន្តែគណបក្សគួរតែគោរពតាមម្ចាស់ឆ្នោត ។
ស្របពេលជាមួយគ្នានេះ សារព័ត៌មាន Focus Taiwan ក៏បានរាយការណ៍ផងដែរថា ការបាត់សំឡេងភាគច្រើននៅក្នុងសភា នឹងបង្កការលំបាកសម្រាប់លោក Lai ក្នុងការអនុវត្តគោលនយោបាយរបស់លោក ក៏ដូចជាគោលនយោបាយរបស់បក្សដែលដាក់ចេញ អំឡុងយុទ្ធនាការឃោសនាបោះឆ្នោតនាពេលកន្លងមក ។
![](https://www.kampucheathmey.com/wp-content/uploads/2024/01/Taiwan-31-1.jpg)
លោក Lai បានប្រកាន់ជំហរថា ចិន និងតៃវ៉ាន់បែងចែកដាច់ពីគ្នា ហើយលោកបានសន្យានឹងបន្តគោលនយោបាយរបស់លោកស្រីប្រធានាធិបតី Tsai Ing-wen ដែលផុតអាណត្ត គឺជំរុញកិច្ចសហប្រតិបត្តិការជាមួយសហរដ្ឋអាមេរិកក្នុងកិច្ចខិតខំប្រឹងប្រែងដើម្បីទប់ទល់ជាមួយនឹងរដ្ឋាភិបាលទីក្រុងប៉េកាំង ។
គួរបញ្ជាក់ថា គណបក្សប្រឆាំង Kuomintang របស់លោក Hou Yu-ih ទទួលបានសំឡេងឆ្នោតគាំទ្រជិត ៤.៧ លានសំឡេង ខណៈគណបក្សលំដាប់ទី ៣ គឺបក្សប្រជាជនតៃវ៉ាន់ (TPP) របស់លោក Ko Wen-je មានសំឡេងគាំទ្រប្រហែល ៣.៧ លានសំឡេង ខណៈចំនួនអ្នកទៅបោះឆ្នោតមានត្រឹម ៧១.៨៦ ភាគរយប៉ុណ្ណោះ ពោលធ្លាក់ចុះជាង ៣ ភាគរយពីការបោះឆ្នោតអាណត្ត ៤ ឆ្នាំមុន ៕
![](https://www.kampucheathmey.com/wp-content/uploads/2024/01/Taiwan-34.jpg)
ដោយ ៖ សុខ ជីវ័ន្ត
ចុចអាន ៖ ត្រួសៗពី “វេទិកាសេដ្ឋកិច្ចពិភពលោក” ដែលនឹងមានវត្តមានសម្ដេចធិបតី ហ៊ុន ម៉ាណែត អញ្ជើញចូលរួម
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ