ព័ត៌មានអន្ដរជាតិ

វៀតណាម រកចំណូលពីអ្នកធ្វើការនៅក្រៅប្រទេសបាន ១៩០ ពាន់លានដុល្លារក្នុងរយៈពេល ៣០ ឆ្នាំចុងក្រោយ

បានផុស

១ year មុន

នៅ

ថ្ងៃអង្គារ ១៦ មករា ២០២៤

ដោយ

សារព័ត៌មាន VietNam News បានបង្ហាញថា ជនជាតិវៀតណាមប្រមាណ ៦ លាននាក់ដែលរស់នៅ និងធ្វើការនៅក្រៅប្រទេសបាននាំចំណូលចូលជាតិ គិតចាប់ពីឆ្នាំ ១៩៩៣ ដល់ឆ្នាំ ២០២២ គឺសរុបចំនួនប្រមាណ ១៩០ ពាន់លានដុល្លារសហរដ្ឋអាមេរិក ។

តាមសារព័ត៌មានដដែល លោកស្រីអនុរដ្ឋមន្ត្រីការបរទេសវៀតណាម Le Thi Thu Hang បានថ្លែងក្នុងសន្និសីទមួយឈ្មោះ រដូវក្តៅឆ្នាំ ២០២៤ ថា ចំនួនខាងលើនេះ គឺជិតស្មើទៅនឹងទុនវិនិយោគបរទេសដែលចំណាយនៅក្នុងរយៈពេលដដែលនោះ ។

នៅឆ្នាំ ២០២៣ កន្លងទៅ ធនាគារពិភពលោក World Bank បានប៉ាន់ប្រមាណថា វៀតណាមទទួលបានទឹកប្រាក់ពីការងារនៅបរទេសប្រមាណ ១៤ ពាន់លានដុល្លារ ដែលនេះបានបង្ហាញពីការឈានមកដល់ចំណុចច្រើនគួរកត់សម្គាល់។ ដោយគិតត្រឹមឆ្នាំ២០២៣ ក្នុងទីក្រុងហូជីមិញមួយ គឺបានទទួលលុយពីការងារក្រៅប្រទេស ៩ ពាន់លានដុលា្លរ ស្មើកំណើន ៣៥% និងស្មើ ៥០% នៃចំណូលថរិការបស់ទីក្រុងរដ្ឋបាលមួយនេះ ។

Giao dịch tại Ngân hàng VP Bank sáng 14/11

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យនៃព័ត៌មានខាងលើក៏បញ្ជាក់ផងដែរថា ប្រជាជនវៀតណាមស្នាក់នៅ និងធ្វើការនៅប្រមាណជាង ១៣០ ប្រទេសជុំវិញពិភពលោក ក្នុងនោះជាង ៦ សែននាក់ បានបញ្ចប់ថ្នាក់ឧត្តមសិក្សា និងក្រោយឧត្តមសិក្សា ។ ទិន្នន័យបង្ហាញទៀតថា ក្នុងមួយឆ្នាំៗ ពលរដ្ឋវៀតណាមនៅធ្វើការក្រៅប្រទេសប្រមាណ ៣០០ ទៅ ៥០០ នាក់ គឺជាអ្នកជំនាញ ពិសេសទាក់ទងនឹងវិស័យវិទ្យាសាស្រ្ត និងបច្ចេកវិទ្យា ។

គួររំឮកផងដែរ វៀតណាមគឺស្ថិតនៅក្នុងចំណោមប្រទេសកំពូលទាំង ១០ លើពិភពលោក ដែលទទួលលុយពីពលករការងារក្រៅប្រទេសច្រើនជាងគេ ។ ប្រជាពលរដ្ឋវៀតណាមជាង ៨០% ដែលនៅធ្វើការក្រៅប្រទេសទាំងនោះ ភាគច្រើនរស់នៅក្នុងតំបន់ឧស្សាហកម្ម និងប្រទេសអភិវឌ្ឍ ពិសេសតំបន់សេដ្ឋកិច្ចសំខាន់ៗជាច្រើនលើពិភពលោក ៕