ព័ត៌មានអន្ដរជាតិ
ប្រជាជនថៃ សឹងមួយប្រទេស ក្តៅចិត្ត ក្រោយឃើញរូបថត ជនបរទេស ដេកអាំងថ្ងៃ លើសួនមុខវាំង
ក្រោយមានការចែកចាយតៗគ្នាអំពីរូបថតមួយសន្លឹក ដែលបង្ហាញពីជនបរទេស ២ នាក់ ដេកអាំងថ្ងៃនៅសួនទល់មុខ ព្រះបរមរាជវាំងថៃ ពេលនេះ ប្រជាជនថៃ សឹងមួយប្រទេសបានប្រតិកម្មទាំងកំហឹង ហើយបញ្ចេញមតិយោបល់ផ្សេងៗគ្នា។ នេះបើតាមការចុះផ្សាយរបស់គេហទំព័រ Thai PBS កាលពីថ្ងៃចន្ទទី១៥ខែមករា។
មនុស្សមួយចំនួន លើកឡើងថា ប្រហែលជា ជនបរទេសទាំងពីរមិនស្គាល់កន្លែងនោះ ហើយគិតថា ជាសួនធម្មតាហើយ ទើបទៅអាំងថ្ងៃដូចសួននៅស្រុកពួកគេដូច្នេះ។
រូបថតនេះត្រូវបានបង្ហោះលើគណនី Facebook ឈ្មោះ Kamron Petprayoon ជាមួយ Captionថា “រឿងមិនធ្លាប់ឃើញនៅបាងកក! នេះមិនមែនប៉ាតាយ៉ាទេ”។
ដោយសារតែតាមប្រពៃណី សួន Sanam Luang ជាទីតាំងសម្រាប់រៀបចំព្រះរាជពិធី បុណ្យជាតិ និងព្រឹត្តិការណ៍សំខាន់ៗរបស់ជាតិ ទើបអ្នកនិយមលេងអ៊ីនធឺណិត ហាក់ក្តៅចិត្តនឹងរឿងនេះ ដោយប្រតិកម្មខ្លាំងៗថា ជនបរទេសគួរឈ្វេងយល់អំពីប្រពៃណីរបស់ប្រទេសគេជាមុនសិន និងត្រូវយល់អារម្មណ៍របស់ប្រជាជនគេខ្លះផង។
លើសពីនេះ អ្នកខ្លះថែមទាំង Comment ថា អ្នកដេកអាំងថ្ងៃទាំងនោះ គួរចាប់ខ្លួន។ អ្នកទាំងពីរប្រហែលជាមិនដឹងថាកន្លែងនោះសំខាន់ប៉ុនណាទេមើលទៅ។
លើសពីនេះ ប្រជាជនថៃ បានជំរុញដល់មន្ត្រីរាជការ ត្រូវផ្សព្វផ្សាយដំណឹងអំពីបញ្ហានេះ ឲ្យកាន់តែទូលំទូលាយផងដែរ បើមិនដូច្នេះទេ នឹងមានមនុស្សប្រព្រឹត្តដដែលៗកាន់តែច្រើន។
សូមបញ្ជាក់ រឿងស្រដៀងគ្នានេះក៏បានកើតឡើងនៅប្រាសាទ Chiang Mun ក្នុងខេត្តឈៀងម៉ៃ ផងដែរ ដោយនៅទីនោះ ស្ត្រីបរទេសពីរនាក់ដេកអាំងថ្ងៃនៅខាងក្នុងបរិវេណប្រាសាទ។ ពេលនោះ មានអ្នករត់ម៉ូតូរ៉ឺម៉ក ថតរូបពួកគេបានរួចក៏បង្ហោះ ហើយបង្កឲ្យមានប្រតិកម្មស្រដៀងគ្នានេះ៕
អត្ថបទ៖ សុខ សុវណ្ណ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា