រកឃើញ ក្រុមហ៊ុនអាកាសចរណ៍មានសុវត្ថិភាពបំផុតលើលោក សម្រាប់ឆ្នាំ២០២៤

ក្រោយការវិភាគយ៉ាងល្អិតល្អិន ពេលនេះក្រុមអ្នកជំនាញអាកាសចរណ៍ឈានមុខ បានបញ្ចេញរបាយការណ៍អំពីក្រុមហ៊ុនអាកាសចរណ៍ដែលមានសុវត្ថិភាពបំផុតលើពិភពលោកប្រចាំឆ្នាំ២០២៤ ដោយលេខមួយបានទៅលើក្រុមហ៊ុន Air New Zealand។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនគ្រងតំណែងលេខ១ឆ្នាំចាស់គឺ Qantas បានធ្លាក់ទៅលេខ២វិញ ប៉ុន្តែក្រុមអ្នកជំនាញអះអាងថា ឆ្នាំ២០២៤ ក្រុមហ៊ុនអូស្ត្រាលីមួយនេះ ចាញ់ក្រុមហ៊ុន Air New Zealand ក្នុងសំឡេងប៉ផុតប៉ផើយជាទីបំផុត។

ក្រៅពីការវាយតម្លៃក្រុមហ៊ុនអាកាសចរណ៍សេវាកម្មពេញលេញដែលមានសុវត្ថិភាពបំផុតនៅលើពិភពលោក, ក្រុមហ៊ុន AirlineRatings ក៏បានចេញផ្សាយបញ្ជីក្រុមហ៊ុនអាកាសចរណ៍តម្លៃថោកបំផុតទាំង២០ផងដែរ ដោយក្រុមហ៊ុនអាកាសចរណ៍អូស្ត្រាលី JetStar ទទួលបានចំណាត់ថ្នាក់លេខមួយ។

Daily Mail ផ្សាយថា ក្រុមហ៊ុន AirlineRatings ដែលមានមូលដ្ឋាននៅប្រទេសអូស្ត្រាលី បានចេញផ្សាយបញ្ជីក្រុមហ៊ុនអាកាសចរណ៍ដែលមានសុវត្ថិភាពបំផុតរបស់ពិភពលោកជារៀងរាល់ឆ្នាំ ដោយវាយតម្លៃទៅលើកត្តានានាដូចជា កំណត់ត្រាហោះហើរ, ការផ្តល់ពិន្ទុពីស្ថាប័នគ្រប់គ្រងអាកាសចរណ៍, ការធ្លាក់យន្តហោះ, ឧប្បត្តិហេតុធ្ងន់ធ្ងរ, គំនិតផ្តួចផ្តើមសុវត្ថិភាព, ការបណ្តុះបណ្តាលពីឡុត និងអាយុកាលយន្តហោះ ជាដើម។

ខាងក្រោមនេះ គឺជាចំណាត់ថ្នាក់ក្រុមហ៊ុនអាកាសចរណ៍ដែលមានសុវត្ថិភាពបំផុតទាំង១០ លើពិភពលោកប្រចាំឆ្នាំ២០២៤៖

1. Air New Zealand 
2. Qantas
3. Virgin Australia
4. Etihad Airways
5. Qatar Airways
6. Emirates
7. All Nippon Airways
8. Finnair
9. Cathay Pacific Airways
10. Alaska Airlines

អត្ថបទ៖ សុខ សុវណ្ណ

ចុចអាន៖ តើក្រុមហ៊ុនអាកាសចរណ៍ជប៉ុន ខាតប៉ុន្មាន ពីហេតុការណ៍ យន្តហោះបុកគ្នា?