ព័ត៌មានអន្ដរជាតិ
ប៉ាគីស្ថាន គំរាម អ៊ីរ៉ង់ អាចឈានដល់ស្ថានការណ៍ធ្ងន់ ក្រោយបាញ់មីស៊ីលចូលទឹកដីខ្លួន
ប៉ាគីស្ថានបានប្រកាសឲ្យដឹងថា មានកុមារ ២ នាក់បានស្លាប់បាត់បង់ជីវិត និងមនុស្ស ៣ នាក់ទៀតរងរបួស ក្រោយពីមានមីស៊ីលបាញ់ចេញពីអ៊ីរ៉ង់ចូលមកទឹកដីខេត្ត Balochistan របស់ខ្លួនកាលពីថ្ងៃអង្គារ ១៦ មករា ម្សិលមិញនេះ។ នេះបើយោងតាមប្រភពព័ត៌មានអង់គ្លេស BBC ។

តាមប្រភពព័ត៌មានដដែល អ៊ីរ៉ង់បានប្រកាសថា ខ្លួនបានតម្រង់ត្រឹមតែគោលដៅដែលពាក់ព័ន្ធនឹងក្រុមយោធាបំបែកខ្លួន Jaish al-Adl ប៉ុណ្ណោះ ។ Jaish al-Adl គឺជាក្រុមយោធាបំបែកខ្លួនប្រឆាំងនឹងអ៊ឺរ៉ង់ បង្កើតឡើងនាឆ្នាំ២០១២ ដែលមានមូលដ្ឋាននៅខេត្ត Sistan-Baluchestan របស់អ៊ឺរ៉ង់ និងនៅក្នុងទឹកដីប៉ាគីស្ថាន។
យ៉ាងណាក្តី រដ្ឋាភិបាលប៉ាគីស្ថាន បានបដិសេធការប្រកាសនេះ ហើយហៅសកម្មភាពនេះថា ជារឿងខុសច្បាប់ ដែលអាចបង្កស្ថានការណ៍ទៅជាធ្ងន់ធ្ងរ។

គួររំឭកថា ប៉ាគីស្ថានជាប្រទេសទីបី បន្ទាប់ពីប្រទេសអ៊ីរ៉ាក់ និងស៊ីរី ដែលត្រូវមីស៊ីលអឺរ៉ង់បាញ់ចូលទឹកដីខ្លួនរយៈពេលប៉ុន្មានថ្ងៃចុងក្រោយនេះ ។ ការវាយប្រហារតាមមីស៊ីលរបស់អ៊ីរ៉ង់ទៅប៉ាគីស្ថាន គឺពុំធ្លាប់មានពីមុនឡើយក្នុងប្រវត្តិសាស្រ្តប៉ាគីស្ថាន។ ហើយការបាញ់ប្រហារមីស៊ីលតាមអាកាសនេះ បានកម្ទេចភូមិមួយ នៅភាគនិរតីនៃខេត្ត Balochistan របស់ប៉ាគីស្ថាន ដែលភ្ជាប់ព្រំដែននៃប្រទេសទាំងពីរ។
ជាចុងក្រោយ លោករដ្ឋមន្រ្តីការបរទេសប៉ាគីស្ថាន បានប្រកាសថ្កោលទោសក្នុងសេចក្តីថ្លែងការណ៍ ថាជាការបំពានដែនអាកាសប៉ាគីស្ថានពីសំណាក់អ៊ីរ៉ង់ ដែលបានសម្លាប់កុមារ ២ នាក់ និងក្មេងស្រី ៣ នាក់ ហើយព្រឹត្តិការណ៍នេះជារឿង មិនអាចទទួលយកបាន និងឈានដល់ស្ថានភាពធ្ងន់ធ្ងរ បើទោះប្រទេសទាំងពីរនៅមានទំនាក់ទំនងរួមគ្នាក្នុងវិស័យផ្សេងៗក៏ដោយ៕
អត្ថបទដោយ៖ មាន រតនា

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៨ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី