ព័ត៌មានអន្ដរជាតិ
ទម្លាប់ពេលព្រឹកមិននឹកស្មានរបស់មហាសេដ្ឋីបច្ចេកវិទ្យាអាមេរិក ២ រូបលើរឿងសុខភាព
សម្រាប់អ្នកមានសេរីភាពផ្នែកហិរញ្ញវត្ថុ ឬអាចហៅយ៉ាងសាមញ្ញថា អ្នកមានលុយចាយលែងអស់ រឿងសុខភាពអាចជាអាទិភាពចម្បងមួយសម្រាប់ពួកគេ ។ ជាមួយគ្នានេះ បើយើងក្រឡេកមើលទម្លាប់មហាសេដ្ឋីក្នុងវិស័យបច្ចេកវិទ្យាល្បី ២ រូប គឺលោក Elon Musk និងលោក Mark Zuckerberg ថាតើលោកទាំងពីរនេះមានទម្លាប់គិតគូរយ៉ាងណាលើរឿងសុខភាព ស្របពេលដែលលុយពុំមែនបញ្ហារបស់ពួកគេនោះ ។
១– នាយកប្រតិបត្តិក្រុមហ៊ុន Tesla
ប្រិយមិត្តអាចនឹងភ្ញាក់ផ្អើលពេលដឹងពីទម្លាប់ញ៉ាំអាហារពេលព្រឹករបស់អ្នកមានលុយមិនខ្វះ Elon Musk។ ស្ថាបនិកក្រុមហ៊ុន SpaceX រូបនេះបានសរសេរក្នុងបណ្ដាញ X ផ្ទាល់ខ្លួនថា “ខ្ញុំតែងតែញ៉ាំនំដូណាត់រាល់ព្រឹក” ។ លោកក៏បានលើកឡើងដែរថា ចំណែករបបអាហារជាទម្លាប់របស់លោក គឺញ៉ាំអាហារតាមចំណូលចិត្ត ដូចជា ស៊ូស៊ី (Sushi), សាច់គោ, ភេសជ្ជៈកាហ្វេ, សូកូឡា និងកូកាកូឡាជាដើម ។
ជារៀងរាល់ឆ្នាំ Musk បានប្រាប់ជាសាធារណៈថា លោកពុំសូវមានទម្លាប់ល្អក្នុងរបបអាហារនោះទេ ។ លោកថែមទាំងនិយាយក្នុងកម្មវិធី Podcast មួយឈ្មោះ Joe Rogan Experience កាលពីឆ្នាំ ២០២០ ទៀតថា “ខ្ញុំសុខចិត្តញ៉ាំអាហារឆ្ងាញ់ៗ ទោះបីរស់មិនបានយូរក៏ដោយ” ។
ទម្លាប់ខាងលើនេះអាចជារឿងភ្ញាក់ផ្អើលមួយសម្រាប់មនុស្សគ្រប់គ្នា ដោយហេតុថា លោក Musk ដែលមានក្រុមហ៊ុនធំៗចំណូលជាច្រើនក្នុងដៃ ជាមហាសេដ្ឋីកំពូល និងមានលទ្ធភាពជួលចុងភៅចម្អិនអាហារផ្ទាល់ខ្លួនបាន ហើយថែមទាំងមានម្តាយជាគ្រូណែនាំ និងជាអ្នកជំនាញខាងផ្នែកជីវជាតិចំណីអាហារនៃសាកលវិទ្យាល័យ Toronto ទៀតនោះ ប៉ុន្តែលោកនៅមិនមានពេលវេលាគ្រប់គ្រាន់សម្រាប់គិតគូរលើរឿងនេះទៅវិញ ។
គួររំឭកថា ការមានទម្លាប់ញ៉ាំនំដូណាត់រាល់ព្រឹកនេះ ធ្វើឲ្យសាធារណជនភ្ញាក់ផ្អើលមិនតិចឡើយ ដោយហេតុថា ម្ចាស់ក្រុមហ៊ុន X (ពីមុន Twitter) រូបនេះ មានទ្រព្យសម្បត្តិសុទ្ធសរុបដល់ទៅ ២៣៩ ពាន់លានដុល្លារអាមេរិកគិតត្រឹមឆ្នាំ២០២៣ ដែលអាចនិយាយថា លោកអាចជួលអ្នកជំនាញផ្សេងៗសឹងគ្រប់ផ្នែកសម្រាប់ផ្តោតលើសុខភាព ប៉ុន្តែបែរជារលោក Musk មិនមានទស្សនៈបែបនេះទៅវិញ ។
២-នាយកប្រតិបត្តិក្រុមហ៊ុន Meta Plaforms (អតីត Facebook)
ក្រឡេកមកមើល មហាសេដ្ឋីបច្ចេកវិទ្យាបណ្តាញសង្គមឯនេះវិញ គឺលោក Mark Zuckerberg ។ ក្នុងវ័យ ៣៩ ឆ្នាំ លោកក៏មានទ្រព្យសម្បត្តិច្រើនក្រាស់ក្រែល ក្នុងចំណោមអ្នកមានទាំងអស់នៅលើពិភពលោក ដែលស្ថិតនៅចំណាត់ថ្នាក់លេខ ៦ ។ នេះបើយោងតាមទិន្នន័យពីសារព័ត៌មាន Forbes ។
សារព័ត៌មាន New York Post បានឲ្យដឹងពីទម្លាប់ប្រចាំថ្ងៃរបស់មហាសេដ្ឋីរូបនេះ មានចំណូលចិត្តច្រើនទៅលើការហ្វឹកហាត់ប្រកួតគុនចម្រុះ MMA (Mixed Martial Arts) ដោយចំណាយពេលហាត់ ៣ ទៅ ៤ ដង ក្នុងនោះក៏មានការរត់ ៣ ដងក្នុងមួយសប្តាហ៍ផងដែរ ។ បន្ថែមពីនោះគេសង្កេតឃើញថា លោកក៏មានទម្លាប់ចំណាយពេលច្រើនទៅលើការមើលថែកូនស្រីទាំងបី របស់លោក គឺ Maxima, August និងAurelia មិនថាការអានសៀវភៅ ការរៀនពីបច្ចេកវិទ្យាកូដកម្មវិធីកុំព្យូទ័រនោះឡើយ ។
បើគេក្រឡេកទៅមើលរបបអាហាររបស់លោកវិញ លោកច្រើនមិនបើកបង្ហាញនូវអ្វីដែលខ្លួនទទួលទានទេ ប៉ុន្តែលោកប្រាប់ថា ជារៀងរាល់ព្រឹកលោកតែងញ៉ាំអាហារសម្រាប់ជាថាមពលក្នុងបរិមាណ ៤០០០ កាល់ឡូរី ។ ការញ៉ាំនេះ គឺដើម្បីប៉ះប៉ូវទៅលើចំណូលចិត្ត ដែលលោកចូលហ្វឹកហាត់គុនចម្រុះនោះឯង។
នៅក្នុងកម្មវិធីសំនួរ-ចម្លើយរបស់ Business Insider ព័ត៌មានផ្សេងៗទាក់ទិននឹងរឿងទម្លាប់ផ្ទាល់ខ្លួន លោក Mark បានឲ្យដឹងថា ជាទម្លាប់ លោកចំណាយពេលព្រឹកទៅនឹងទូរសព្ទ ។ ដោយទម្លាប់នោះ គឺតាមដានពីព័ត៌មាន ព្រឹត្តិការណ៍នានាលើពិភពលោក ពិសេសទិន្នន័យផ្សេងៗសម្រាប់ការសម្រេចចិត្តនានា របស់ក្រុមហ៊ុនសាវជីវកម្មបច្ចេកវិទ្យារបស់ខ្លួន។
សេដ្ឋីប្រាក់ពាន់លានដុល្លាររូបនេះ ក៏ធ្លាប់បានសារភាពប្រាប់ទៅ កម្មវិធី Podcast Joe Rogan ពីបទពិសោធផ្ទាល់ខ្លួនទៅកាន់សាធារណជនផងដែរថា ទម្លាប់ពេលព្រឹករបស់លោក មិនល្អនោះទេ ពិសេសក្រោកពីម៉ោង ៨ ព្រឹក ពាក់អាវម៉ូដដដែលៗដោយមិនសូវខ្វល់ខ្វាយច្រើន និងចុចមើលទូរសព្ទជាច្រើនម៉ោង ។ ប៉ុន្តែទន្ទឹមនឹងនោះលោកក៏ព្យាយាមញ៉ាំអាហារប៉ះប៉ូវ ចូលហាត់កីឡា ចំណាយពេលជាមួយគ្រួសារ និងព្យាយាមគេងឲ្យបានគ្រប់ ៨ ម៉ោងផងដែរ ៕
អត្ថបទដោយ៖ មាន រតនា
ឧត្តមសេនីយ៍ឯក ថោង សុគន្ធា៖ កម្ពុជា-ថៃ រួមគ្នាធ្វើឱ្យសម្រេចកម្មវិធីបណ្តាញយុវជនលើកទី៤ ស្តីពីការបង្ការទប់ស្កាត់បញ្ហាគ្រឿងញៀន
ក្រុមរដ្ឋមន្ត្រីអារ៉ាប់ បដិសេធសំណើលោក ត្រាំ ក្នុងការបញ្ជូនជនជាតិប៉ាឡេស្ទីនចេញពីហ្គាហ្សា
លោក វង្សី វិស្សុត ទៅបំពេញទស្សនកិច្ចនៅជប៉ុន ដើម្បីពង្រឹងកិច្ចសហប្រតិបត្តិការទ្វេភាគី
ប្រព័ន្ធធារាសាស្ត្រគ្រប់ជ្រុងជ្រោយ ធានាការផ្គត់ផ្គង់ទឹកពេញមួយឆ្នាំ នៅខេត្តចំនួន៣
ឯកឧត្តម ហ៊ុន ម៉ានី៖ ការងារកែទម្រង់ ជាបេសកកម្មដែលធំ និងពោរពេញដោយឧត្តមភាព
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
ក្រសួងការងារ ដំណើរការ App ២ ផ្តោតលើកម្មវិធីបណ្តុះបណ្តាលបច្ចេកទេស និងវិជ្ជាជីវៈ ដល់គ្រួសារក្រីក្រ
ផ្លូវប្រវត្តិសាស្រ្តថ្មី តភ្ជាប់ពីស្រុកកោះធំដល់ស្រុកលើកដែក ឈានទៅចាក់កៅស៊ូគ្រោងបញ្ចប់ឆាប់ៗនេះ
-
ចរាចរណ៍១ សប្តាហ៍ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ១ សប្តាហ៍ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ព័ត៌មានជាតិ៣ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ជីវិតកម្សាន្ដ៦ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
សន្តិសុខសង្គម២ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានអន្ដរជាតិ៤ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ២៤ ម៉ោង agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន