ថៃ បញ្ជាក់ពីការរកឃើញហ្វូស៊ីលសត្វក្រពើតឿ អាយុកាល១៣០លានឆ្នាំ

ក្រោយការអភិរក្សនិងសិក្សាស្រាវជ្រាវអស់រយៈពេល៥ឆ្នាំ ពេលនេះ ហ្វូស៊ីលដែលរកឃើញនៅតំបន់ភ្នំ Phu Phan ក្នុងខេត្ត Sakon Nakhon នៃប្រទេសថៃ ត្រូវបានអាជ្ញាធរបញ្ជាក់ថា ជាពូជក្រពើតឿអាយុកាល១៣០លានឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីរាយការណ៍របស់ Bangkok Post, ការរកឃើញហ្វូស៊ីល Varanosuchus sakonnakhonensis បានជំរុញឲ្យមានការសន្និដ្ឋានថា ដាននៃសត្វសម័យបុរេប្រវត្តិផ្សេងទៀត ក៏អាចលាក់ពួន នៅក្នុងតំបន់តែមួយនៃភាគឦសានប្រទេសថៃ ដែរ។

តាមពិតទៅ ហ្វូស៊ីលនេះ ត្រូវបានក្រុមអ្នកជំនាញមកពីក្លឹបអរិយធ៌ម Sakon Nakhon រកឃើញតាំងតែពីឆ្នាំ២០១៨មកម្ល៉េះ ប៉ុន្តែអាជ្ញាធរទើបតែបញ្ជាក់ច្បាស់កាលពីថ្ងៃព្រហស្បតិ៍ទី១៨ខែមករាឆ្នាំ២០២៤ប៉ុណ្ណោះ។

ក្រោយការរកឃើញ, ហ្វូស៊ីលនេះ ត្រូវបានបញ្ជូនទៅឲ្យក្រុមអ្នកជំនាញពិនិត្យ នៅឯសារមន្ទីរ Sirindhorn និងសកលវិទ្យាល័យ Mahasarakham រួចមកក៏ឆ្លងកាត់ការស្កេន CT ដោយមានជំនួយពីសកលវិទ្យាល័យ Claude Bernard University Lyon 1 ក្នុងប្រទេសបារាំង។

មន្ត្រីថៃបញ្ជាក់ថា ហ្វូស៊ីលនេះ នឹងត្រូវរក្សាទុកនៅសារមន្ទីរ Phu Phan ត្រៀមដាក់បញ្ជូនជូនសាធារណជនដើម្បីទស្សនាក្នុងពេលឆាប់ៗ៕

អត្ថបទ៖ សុខ សុវណ្ណ

ចុចអាន៖ ក្រពើ ៧៥ក្បាល រួចចេញពីកសិដ្ឋាននៅចិន