ព័ត៌មានអន្ដរជាតិ
អ៊ីរ៉ង់ ប្រកាសសងសឹកអ៊ីស្រាអែល ក្រោយឆ្មាំបដិវត្ត ៥នាក់ ត្រូវធ្វើឃាតនៅ ស៊ីរី
ពីមួយថ្ងៃទៅមួយថ្ងៃ ស្ថានការណ៍នៅតំបន់មជ្ឈិមបូព៌ា កាន់តែក្តៅឡើងៗ ដោយចុងក្រោយបំផុតនេះគឺថា ប្រទេសអ៊ីរ៉ង់ បានប្រកាសសងសឹកអ៊ីស្រាអែល ដែលបើកការវាយប្រហារអាកាស សម្លាប់ឆ្មាំបដិវត្ត (IRGC) ៥នាក់ នៅទីក្រុង ដាម៉ាស ក្នុងប្រទេសស៊ីរី។
តាមការចុះផ្សាយរបស់ Reuters, ប្រធានាធិបតីអ៊ីរ៉ង់លោក Ebrahim Raisi និយាយថា “ទីក្រុងតេហេរ៉ង់ នឹងឲ្យអ្នក មកទទួលខុសត្រូវចំពោះការធ្វើឃាតដ៏កំសាកនេះ”។ ក្នុងសេចក្តីថ្លែងការណ៍មួយ លោកប្រកាសថា “មិនបាច់ឆ្ងល់ច្រើនទេ អំពើភេរវកម្មនិងឧក្រិដ្ឋកម្មបែបនេះ ច្បាស់ជាមិនទុកឲ្យកន្លងផុតដោយគ្មានការឆ្លើយតបបានឡើយ”។
ម្តងហើយម្តងទៀត អ៊ីស្រាអែល ត្រូវចោទប្រកាន់ថា បានបង្កើនការវាយប្រហារទៅលើឥស្សរជនជាន់ខ្ពស់អ៊ីរ៉ង់និងសម្ព័ន្ធមិត្តនៅក្នុងប្រទេសស៊ីរី និងលីបង់ ព្រោះសង្ស័យពាក់ព័ន្ធគាំទ្រក្រុមសកម្មប្រយុទ្ធប៉ាឡេស្ទីន ហាម៉ាស។
កាលពីថ្ងៃសៅរ៍ទី២០ខែមករា IRGC បញ្ជាក់ថា អ៊ីស្រាអែល ពិតជាបានសម្លាប់សមាជិករបស់ខ្លួនចំនួន៥នាក់មែន ខណៈក្រុមហាម៉ាស ក៏ថ្កោលទោសការវាយប្រហារនោះដែរថាជា “ឧក្រិដ្ឋកម្មដ៏សាហាវយង់ឃ្នង”។
មុននេះ អ្នកនាំពាក្យក្រសួងការបរទេសអ៊ីរ៉ង់ លោក Nasser Kanani ក៏បានស្តីបន្ទោសអ៊ីស្រាអែលផងដែរ និងនិយាយថា ទីក្រុងតេហេរ៉ង់ សូមរក្សាសិទ្ធិក្នុងការឆ្លើយតបទៅនឹងអំពើភេរវកម្មនេះ។
ដោយដកស្រង់ប្រភពពត៌មានមួយ ទីភ្នាក់ងារសារព័ត៌មាន Mehr របស់អ៊ីរ៉ង់អះអាងថា “ប្រធានសន្តិសុខស៊ីរីរបស់ឆ្មាំបដិវត្ត និងអនុប្រធានរបស់គាត់គឺស្ថិតក្នុងចំណោមមនុស្សស្លាប់ទាំង១០នាក់ ក្នុងការវាយប្រហាររបស់អ៊ីស្រាអែលនៅស៊ីរី”។
ទោះបីជាយ៉ាងណាក៏ដោយ មិនមានការបញ្ជាក់ច្បាស់ អំពីសេចក្តីរាយការណ៍ខាងលើនេះទេ។
សូមបញ្ជាក់ថា ក្នុងសង្គ្រាមស៊ីវិលនៅប្រទេសស៊ីរីរយៈពេលជាងមួយទសវត្សរ៍ អ៊ីស្រាអែលបានបើកការវាយប្រហារតាមអាកាសរាប់រយលើក ដោយកំណត់គោលដៅធំលើកងកម្លាំងដែលគាំទ្រដោយអ៊ីរ៉ង់ ក៏ដូចជាទីតាំងរបស់កងទ័ពស៊ីរីផងដែរ ប៉ុន្តែការវាយប្រហារកាន់តែរីករាលដាលចាប់តាំងពីសង្គ្រាមថ្មីរវាងអ៊ីស្រាអែលនិងក្រុមហាម៉ាសផ្ទុះឡើងកាលពីថ្ងៃទី៧ខែតុលាឆ្នាំ២០២៣។
តាមការចុះផ្សាយរបស់កាសែត Time of Israel ដោយដកស្រង់តួលេខពីក្រសួងសុខាភិបាលហ្គាហ្សា, គិតត្រឹមថ្ងៃអាទិត្យទី២១ខែមករា តួលេខជនជាតិប៉ាឡេស្ទីនស្លាប់ បានកើនដល់ ២៤៩២៧នាក់៕
អត្ថបទ៖ សុខ សុវណ្ណ
ចុចអាន៖ ប៉ាគីស្ថាន ចាត់វិធានការក្តៅលើអ៊ីរ៉ង់ ក្រោយមីស៊ីល សម្លាប់កុមារក្នុងដីរបស់ខ្លួន
សម្ដេចតេជោ ស្ដាយដែលអ្នកសារព័ត៌មានចាត់ទុកថាថៃជោគជ័យលើការបង្ក្រាបបទល្មើសឆបោកតាមអនឡាញ តែថាកម្ពុជាបរាជ័យ
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
លោកស្រី ដោ សម្ផស្ស៖ សមាគមកាយឫទ្ធិនារី ត្រូវយកចំណេះដឹងទៅផ្សព្វផ្សាយ ក្នុងសហគមន៍ ដើម្បីទីក្រុងយើងមានបរិស្ថានល្អ
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
Trump ដាក់លក្ខខណ្ឌបើ Zelensky ចង់មកចរចាម្តងទៀត
Trump និង Zelensky ឈ្លោះគ្នានៅសេតវិមាន ផ្អើលពិភពលោក
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៣ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម១ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៤ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ