ព័ត៌មានអន្ដរជាតិ
បាក់ដីនៅ ចិន កប់មនុស្ស ជិត៥០នាក់
យោងតាមប្រព័ន្ធផ្សព្វផ្សាយរដ្ឋចិន Xinhua បានឲ្យដឹងថា ការបាក់ដីនៅព្រឹកថ្ងៃចន្ទទី២២ខែមករា ក្នុងខេត្តយូណានភាគនិរតី ប្រទេសចិន បានកប់មនុស្ស៤៧នាក់ ហើយភ្លាមៗ អាជ្ញាធរមិនទាន់បញ្ជាក់ថាតើមាននរណាម្នាក់បាត់បង់ជីវិតដែរឬក៏អត់នោះទេ។

ហេតុការណ៍នេះ កើតឡើងក្នុងទីក្រុង Zhaotong ខណៈក្រុមជួយសង្គ្រោះ កំពុងដុតដៃដុតជើង ស្វែងរកអ្នកនៅរស់ ទាំងដែលសីតុណ្ហភាពធ្លាក់ចុះដល់ក្រោម សូន្យអង្សាសេ។
ដោយឡែក យោងតាមការចុះផ្សាយរបស់កាសែត People’s Daily, មនុស្សជាង៥០០នាក់ក៏ត្រូវបានជម្លៀសចេញពីតំបន់រងគ្រោះផងដែរ បន្ទាប់ពីឧប្បត្តិហេតុខាងលើ។

អ្នកស្រុកម្នាក់មកពីភូមិ Liangshui បានប្រាប់ Jimu News ថា ការរបាក់ដី កើតឡើងខណៈពេលពួកគេកំពុងដេកលង់លក់។ វាលាន់ខ្លាំងណាស់ ហើយក៏ញ័រដូចការរញ្ជួយដីដែរ។
យ៉ាងណា អាជ្ញាធរមិនបញ្ជាក់ពីមូលហេតុនៃគ្រោះអាក្រក់នេះទេ តែគេដឹងច្បាស់ បញ្ហាអាកាសធាតុកាចសាហាវ បានញាំញីតំបន់ខាងលើអស់រយៈពេលប៉ុន្មានថ្ងៃមកហើយ។

ការបាក់ដី គឺជារឿងធម្មតានៅក្នុងតំបន់ដាច់ស្រយាល ដែលព័ទ្ធជុំវិញដោយជួរភ្នំ ហើយងាយនឹងកើតមានទឹកជំនន់ និងការរអិលបាក់ដីជាញឹកញាប់។
នៅខែមករាឆ្នាំ២០១៣ មនុស្សចំនួន១៨នាក់ត្រូវបាត់បង់ជីវិតដោយបំណាក់ដី ក្នុងទីក្រុង Zhenxiong៕
អត្ថបទ៖ សុខ សុវណ្ណ
ចុចអាន៖ ក្រុមជួយសង្គ្រោះអាមេរិក រត់ប្រាស់អាយុ ដោយសារបំណាក់ដីភក់ បង្កឡើងដោយព្យុះត្រូពិក Hilary

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១០ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ