វីដេអូស្តែងៗ បាក់ទោងហោះនៅឧទ្យានកម្សាន្តចិន

មនុស្សចំនួន១៦នាក់បានរងរបួសដោយក្នុងនោះ៣នាក់របួសធ្ងន់ បន្ទាប់ពីទោងដែលគេជិះកម្សាន្តបានបាក់នៅភាគកណ្តាលប្រទេស ចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧប្បត្តិហេតុនេះបានកើតឡើងនៅឧទ្យានកម្សាន្តមួយក្នុងស្រុក Shaoyang ខេត្ត Hunan កាលពីរសៀលថ្ងៃសៅរ៍ទី១៣ខែកុម្ភៈ។

វីដេអូដែលត្រូវបានផ្សព្វផ្សាយតាមអ៊ីនធើណិតបានបង្ហាញពីរបៀបដែលទោងហោះ ធ្លាក់ដល់ដីដោយធ្វើឲ្យមនុស្សជាច្រើននាក់រងរបួស។

អ្នកឈរមើលម្នាក់ដែលមានត្រកូល Deng បានប្រាប់កាសែត Beijing News ថា គាត់កំពុងតម្រង់ជួរដើម្បីជិះ ពេលនោះគាត់បានឮសំឡេងខុសប្រក្រតីនៅពេលទោងកំពុងហោះលើអាកាស។

លោក Deng និយាយថា “អ្នករងរបួសភាគច្រើនជាអ្នកមើល។ សំណាងដែលយើងបានរត់គេចយ៉ាងលឿនបើមិនដូច្នេះទេយើងក៏នឹងត្រូវរងគ្រោះដែរ”។

រដ្ឋាភិបាលក្នុងតំបន់បាននិយាយថា ទោងនេះមានបញ្ហាមេកានិច។

ឧប្បត្តិហេតុនេះបានកើតឡើងនៅថ្ងៃទី២នៃពិធីបុណ្យចូលឆ្នាំថ្មី ដែលជាពេលវេលាសួនកម្សាន្តមានភាពមមាញឹកខ្លាំង។

បន្ទាប់ពីគ្រោះថ្នាក់ ឧទ្យានកម្សាន្តត្រូវបានបិទហើយបុគ្គលិកមួយចំនួនត្រូវបានគេយកទៅឃុំឃាំង។ ការស៊ើបអង្កេតលើមូលហេតុបានចាប់ផ្តើមឡើង៕

សូមទស្សនាវីដេអូ៖

ប្រែសម្រួលដោយ៖ Vann Vann

ប្រភព៖ Asian One