ព័ត៌មានអន្ដរជាតិ
រថភ្លើងរត់ធ្លាក់ផ្លូវតែត្រូវរូបចម្លាក់កន្ទុយត្រីបាឡែនសង្គ្រោះ កុំអី…
រូបចម្លាក់ត្រីបាឡែនឈ្មោះ “Saved by the Whale” ដែលត្រូវបានសាងសង់ប្រហែល ២០ ឆ្នាំនៅស្ថានីយ៍រថភ្លើងក្រោមដីក្នុងប្រទេសហុល្លង់បានជួយសង្គ្រោះរថភ្លើងពីគ្រោះមហន្តរាយមួយកាលពីថ្ងៃចន្ទ បន្ទាប់ពីកន្ទុយរបស់វាបានទ្រទូរក្បាលរថភ្លើង ។
ឧប្បត្តិហេតុដែលមិនគួរឲ្យជឿនេះបានកើតឡើងនៅស្ថានីយ៍រថភ្លើងក្រោមដី De Akkers ក្នុងទីក្រុង Spijkenisse នៅពាក់កណ្តាលអធ្រាត្រ ។ រូបថតពីកន្លែងកើតហេតុបានបង្ហាញថា រថភ្លើងរបស់បណ្តាញដឹកជញ្ជូន Rotterdam Metro មិនអាចឈប់បានទេ នៅពេលវាទៅដល់ស្ថានីយ និងបានរត់ហួសផ្លូវដែក ។
បើកធ្លាក់ផ្លូវជិត ១០ ម៉ែត្រ រថភ្លើងក៏ឈប់លើរូបចម្លាក់កន្ទុយត្រីបាឡែនមួយក្នុងចំណោមរូបចម្លាក់កន្ទុយត្រីបាឡែនធំៗចំនួនពីរនៅចុងនៃផ្លូវដែក ខណៈដែលអ្នកបើកបររថភ្លើងមិនមានរបួសនោះទេ ។
ទន្ទឹមនោះសេវាកម្មបន្ទាន់របស់ហុល្លង់បានប្រាប់អ្នកយកព័ត៌មានថាមិនមានអ្នកដំណើរផ្សេងទៀតជិះនៅលើរថភ្លើងនោះទេ ។
ក្រុមអ្នកជំនាញបាននិយាយថា វាមិនច្បាស់ទេថាហេតុអ្វីបានជារថភ្លើងមិនត្រូវបានបញ្ឈប់ដោយស្វ័យប្រវត្តិនៅចុងបញ្ចប់នៃផ្លូវដែក ។ លោក Rob Goverde សាស្រ្តាចារ្យវិស្វកម្មចរាចរណ៍ផ្លូវដែកនៅសាកលវិទ្យាល័យ TU Delft បានប្រាប់សារព័ត៌មាន Algemeen Dagblad ថា “ខ្ញុំមិនយល់ពីបញ្ហានេះនោះទេ ។ តាមមើលទៅមានអ្វីខុសបច្ចេកទេសហើយ ហើយអាចរួមផ្សំជាមួយនឹងកំហុសរបស់អ្នកបើកបរផងដែរ ។
បន្ថែមពីនេះអាជ្ញាធរក៏កំពុងតែរកវិធីដើម្បីស្ទូចយករថភ្លើងចេញពីកន្លែងចតរបស់វាផងដែរ ប៉ុន្តែជាក់ស្ដែងការយករថភ្លើងចេញគឺមានការពិបាក ដោយសារផ្លូវដែកស្ថិតនៅពីលើទឹក បន្ទាប់ពីក្រុមអ្នកជំនាញមួយក្រុមបានទៅដល់កន្លែងកើតហេតុកាលពីថ្ងៃចន្ទដើម្បីរកពិធីដើម្បីស្ទូចយករថភ្លើងចេញដោយសុវត្ថិភាព ។
ស្របពេលជាមួយគ្នានេះប៉ូលិសបាននិយាយថា ពួកគេក៏បាននាំអ្នកបើកបររថភ្លើងមកធ្វើការសាកសួរ ផងដែរ ហើយមូលហេតុនៃការធ្លាក់នេះកំពុងស្ថិតនៅក្នុងការស៊ើបអង្កេតនៅឡើយ ៕
ប្រែសម្រួលដោយ ៖ ជីវ័ន្ត
ប្រភព ៖ The Washington Post
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ