ព័ត៌មានអន្ដរជាតិ
លោក ត្រាំ ចាញ់ក្តីបរិហារកេរ្តិ៍ ត្រូវផ្តល់សំណងជាង ៨០លានដុល្លារ
តាមសេចក្តីរាយការណ៍របស់ CNN កាលពីថ្ងៃសុក្រទី២៦ខែមករា ចៅក្រម Manhattan បានតម្រូវឲ្យអតីតប្រធានាធិបតីអាមេរិក លោក ដូណាល់ ត្រាំ ផ្តល់សំណង ៨៣.៣លានដុល្លារ ដល់អ្នកកាសែតនិងជាអ្នកនិពន្ធឈ្មោះ E. Jean Carroll។

លោកស្រី Carroll អះអាងថា លោក ត្រាំ បានបង្ខូចកេរ្តិ៍ឈ្មោះរបស់ខ្លួនក្នុងឆ្នាំ២០១៩ នៅពេលបេក្ខជនឈានមុខគណបក្សសាធារណរដ្ឋរូបនេះអះអាងជាសាធារណៈថា លោកស្រី Carroll កុហកជុំវិញការចោទប្រកាន់ពីបទរំលោភសេពសន្ថវៈ។
ពាក់ព័ន្ធរឿងក្តីនេះ គណៈវិនិច្ឆ័យបានសម្រេចថា លោក ត្រាំ ត្រូវបង់ប្រាក់ចំនួន១៨.៣លានដុល្លារសម្រាប់សំណងការខូចខាតនិង៦៥លានដុល្លារសម្រាប់ការខូចខាតជាទណ្ឌកម្ម។ គណៈវិនិច្ឆ័យរកឃើញថា សេចក្តីថ្លែងការណ៍របស់អតីតប្រធានាធិបតីរូបនេះ បានធ្វើឲ្យប៉ះពាល់ដល់អារម្មណ៍និងកេរ្តិ៍ឈ្មោះលោកស្រី Carroll ជាខ្លាំង។

ទោះបីជាយ៉ាងណាក៏ដោយ លោក ត្រាំ បានប្ដេជ្ញាប្តឹងឧទ្ធរណ៍ចំពោះសេចក្តីសម្រេចខាងលើ។ មិនត្រឹមប៉ុណ្ណឹង លោកបានហៅករណីនេះថាជាការតាមធ្វើទុក្ខបុកម្នេញ រៀបចំដោយលោកប្រធានាធិបតី ចូ បៃដិន ដើម្បីបំផ្លាញយុទ្ធនាការឃោសនាបោះឆ្នោត។
លោកថែមទាំងបង្ហោះសារលើបណ្តាញ “សច្ចធម៌សង្គម” ទៀតថា “ពិតជាគួរឲ្យអស់សំណើចណាស់! ប្រព័ន្ធច្បាប់របស់យើងអស់ការគ្រប់គ្រង ហើយត្រូវបានប្រើប្រាស់ជាអាវុធនយោបាយ។ ពួកគេបានដកហូតសិទ្ធិធ្វើវិសោធនកម្មលើកទីមួយទាំងអស់។ នេះមិនមែនអាមេរិកទេ!”។

សូមបញ្ជាក់ លោកស្រី Carroll បានចោទប្រកាន់លោក ត្រាំ ពីបទរំលោភផ្លូវភេទនាងក្នុងហាងលក់ទំនិញប្រណីតនៅទីក្រុងញូវយ៉ក អំឡុងទសវត្សរ៍ឆ្នាំ១៩៩០ ដែលកាលនោះលោកស្រីជាអ្នកសរសេរអត្ថបទសម្រាប់ទស្សនាវដ្តី Elle ប៉ុន្តែលោក ត្រាំ បានបដិសេធការចោទប្រកាន់ហើយផ្តល់សក្ខីកម្មនៅក្នុងតុលាការថា លោកមិនដែលធ្លាប់ជួប Carroll ទេ។
ក្នុងអំឡុងសវនាការស្រដៀងគ្នាកាលពីខែឧសភាឆ្នាំ២០២៣ គណៈវិនិច្ឆ័យនៅទីក្រុងញូវយ៉កក៏តម្រូវឲ្យលោក ត្រាំ ផ្តល់សំណងដល់ Carroll ជាទឹកប្រាក់ចំនួន២លានដុល្លារសម្រាប់ការបំពានផ្លូវភេទ និងប្រហែល៣លានដុល្លារសម្រាប់ការបរិហារកេរ្តិ៍ដែរ យ៉ាងណា លោក ត្រាំ បានប្តឹងឧទ្ធរណ៍ចំពោះសេចក្តីសម្រេចនេះ៕
អត្ថបទ៖ សុខ សុវណ្ណ
ចុចអាន៖ ដូណាល់ ត្រាំ មានទឹកមាត់លេប ក្រោយបេក្ខជនលេចធ្លោ សម្រេចដកខ្លួន ងាកមកគាំទ្រលោកវិញ

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ